Baby Bag

დაახლოებით 5 ცალი მარწყვი შეიცავს იმდენივე ვიტამინ C-ს, რამდენსაც ერთი დიდი ფორთოხალი - რა უნდა ვიცოდეთ სეზონურ ხილზე?

დაახლოებით 5 ცალი მარწყვი შეიცავს იმდენივე ვიტამინ C-ს, რამდენსაც ერთი დიდი ფორთოხალი - რა უნდა ვიცოდეთ სეზონურ ხილზე?

მედიაპორტალი MomsEdu.ge ტრადიციულ რუბრიკას - ენდოკრინოლოგის რეკომენდაციებს წარმოგიდგენთ. ამჯერად ენდოკრინოლოგ-ნუტრიციოლოგი თინათინ კაჭარავა მოგაწვდით კომპეტენტურ ინფორმაციას სეზონურ ხილზე, რითაც საკმაოდ განებივრებულები ვართ მიმდინარე, გაზაფხულის სეზონზე.

გაზაფხული მდიდარია მრავალფეროვანი ხილით: ალუჩა, კენკროვნები (მარწყვი, ჟოლო, მოცვი, მოცხარი) ალუბალი, თუთა. დღიურად რეკომენდებულია სეზონური ხილის 300-500 გრამის მირთმევა (ვსაუბრობ პრაქტიკულად ჯანმრთელ მოსახლეობაზე), რათა ორგანიზმს მივაწოდოთ მისთვის საჭირო ვიტამინებისა და მინერალების საჭირო ოდენობა.

ალუჩა - მდიდარია B ჯგუფის ვიტამინებით, PP, A და E ვიტამინებით. ასევე დიდი ოდენობით შეიცავს ასკორბინის მჟავას (C ვიტამინი) და მინერალებს: კალციუმი, მაგნიუმი, კალიუმი, რკინა, ფოსფორი.
კენკროვნები - ვიტამინებისა და მინერალების შეუცველელ საბადოს წარმოადგნენ. მათ გააჩნიათ ანთების საწინააღმდეგო და ანტიმიკრობული თვისებები. იწოდებიან, როგორც ანტიოქსიდანტები. ისინი დიდი რაოდენობით შეიცავენ B ჯგუფის ვიტამინებს, ასევე C, A, E და PP ვიტამინებს. კენკროვნები რკინის და ფოლიუმის მჟავის დიდი რაოდენობით შემცველობის გამო ხელს უწყობენ სისხლის წარმოქმნის პროცესს. დაახლოებით 5 ცალი მარწყვი შეიცავს იმდენივე ვიტამინ C-ს, რამდენსაც ერთი დიდი ფორთოხალი. კენკროვნები ასევე დიდი რაოდენობით შეიცავენ მაგნიუმს, კალიუმს, ნატრიუმს, ფოსფორს, იოდს.
ალუბალი - ასევე მძლავრი ანტიოქსიდანტია. იგი მდიდარია მინერალებით და ვიტამინებით: კალიუმი, ფოსფორი, ფტორი, ნატრიუმი, რკინა, მაგნიუმი, კალციუმი, იოდო, ქრომო, თუთია. დიდი რაოდენობითაა მასში ვიტამინები: С, А, В1, В2.
თუთა - მასში დიდი რაოდენობით გვხვდება შემდეგი მინერალები: რკინა, სელენი, მანგანუმი, კალციუმი, ფოსფორი, თუთია, სპილენძი, კალიუმი, ნატრიუმი და ასევე B ჯგუფი და E, C, K ვიტამინები.
გისურვებთ ჯანმრთელობას!



არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედებ​ის ჯგუფი“)

შეიძლება დაინტერესდეთ

რას გულისხმობს ცხოვრების ჯანსაღი წესი? - ენდოკრინოლოგის რეკომენდაციები MomsEdu.ge-ზე ყოველ სამშაბათს

რას გულისხმობს ცხოვრების ჯანსაღი წესი? - ენდოკრინოლოგის რეკომენდაციები MomsEdu.ge-ზე ყოველ სამშაბათს

მედიაპორტალი MomsEdu.ge ახალ რუბრიკას წარმოგიდგენთ - ენდოკრინოლოგის რეკომენდაციები. ყოველ სამშაბათს გაეცანით ენდოკრინოლოგ თინათინ კაჭარავას რჩევებს, მოგვწერეთ თემები, რომლებიც ყველაზე მეტად გაინტერესებთ.

ექიმი პირველ თემად წარმოგიდგენთ - რას გულისხმობს ცხოვრების ჯანსაღი წესი?

ცხოვრების ჯანსაღი წესი ჩვენი ჯანმრთელობის ერთ-ერთი ძირითადი წინაპირობაა. ჯანმრთელობა კი გულისხმობს ფიზიკურ, სულიერ და სოციალურ კეთილდღეობას.

ცხოვრების ჯანსაღ წესში იგულისხმება:

  • დაბალანსებული, მრავალფეროვანი, ჯერადი კვება
  • შენარჩუნებული სითხის ბალანსი
  • ზომიერი ფიზიკური აქტივობა
  • ძილის რეჟიმის მოწესირგება
  • მავნე ჩვევებზე უარის თქმა

უფრო კონკრეტულად კი - რეკომენდებულია დღის მანძილზე 4-5 ულუფა საკვების მიღება: სრულფასოვანი საუზმე, საუზმიდან რამდენიმე საათში სეზონური ხილი, რომელიც არის ცალკე კვება და არა წახემსება, როგორც უმეტესობა მიიჩნევს, სადილი, რომელიც დაბალანსებულია ნახშირწყლებით, ცილებით და მცირე რაოდენობით სასარგებლო მცენარეული ცხიმებით, ვახშამი კი სასურველია, მსუბუქი იყოს: რძის ნაწარმი, ბოსტნეულის სალათი და ა.შ. უნდა ვეცადოთ, საღამოს 8 საათის შემდეგ საკვები არ მივირთვათ. დიდი ყურადღება ეთმობა, რომ დღის რაციონი იყოს მრავალფეროვანი და გაჯერებული სეზონური ხილ-ბოსტნეულით, რომლებიც შეიცავენ მინერალებისა და ვიტამინების დიდ რაოდენობას. რაციონთან ერთად სუსრველია საკვების მოცულობის და კალორაჟის კონტროლი.

შენარჩუნებული სითხის ბალანსი ორგანიზმში - ერთ-ერთი წამყვანი პირობა ჯანსაღი ნივთიერებათა ცვლისთვის. ჩვენი ორგანიზმი შედგება 70% წყლისგან. იგი არის უნივერსალური გამხსნელი, ასრულებს „სატრანსპორტო სისტემის“ როლს, გამოაქვს ორგანიზმიდან ნივთიერებათა ცვლის პროცესის პროდუქტები და ხელს უწყობს თერმული წონასწორობის შენარჩუნებას. სითხის ბალანსის შენარჩუნება შესაძლებელია მხოლოდ წყლის მიღებით, მას ვერ ჩაანაცვლებს ვერც ერთი სხვა სითხე. ჯანმრთელი ადამიანისთვის (ვისაც არა აქვს რაიმე სახის ქრონიკული დაავადება) რეკომენდებულია მინიმუმ 1.5 ლ სითხის მიღება დღეში. სითხეზე მოთხოვნილება იცვალება გარემო პირობების შესაბამისად. ზაფხულის ცხელ დღეებში იზრდება წყალზე მოთხოვნილება, ამ დროს ორგანიზმი კარგავს დიდი რაოდენობით სითხეს და მასთან ერთად მინერალებს და ვიტამინებს, რამაც შეიძლება გამოიწვიოს მიკრო, მარკო ელემეტების დეფიციტი და ავიტამინოზი (ვიტამინების დეფიციტი), სწორედ ამიტომ ყოველდღიურად ჩვენს ორგანიზშმი დიდი ყურადღება უნდა მიექცეს შენარჩუნებულ სითხის ბალანსს. 

რაც შეეხება ფიზიკურ აქტივობას, კიდევ ერთხელ ხაზგასმით აღვნიშნავ, რომ ვსაუბრობთ ფაქტობრივად ჯანმრთელ პოპულაციაზე. სასურველია, კვირაში 3-4 ჯერ დაახლობით 60-90 წუთი მსუბუქი ფიზიკური აქტივობა: ცურვა, ფიტნესი ან უბრალოდ სწრაფი ნაბიჯით სეირნობა.

რაც შეეხება ძილის რეჟიმს, არასრულფასოვანი ძილის დროს ორგანიზმში ირღვევა: ჰორმონალური ბალანსი, კერძოდ კი ჰორმონ ინსულინის დონე (რომელიც არის მაშენებელი ჰორმონი), ხდება მის მიმართ ორგანიზმის მგრძნობელობის დარღვევა, ქვეითდება იმუნური სისტემა, ხდება ნერვული სისტემის გადაძაბვა. ხშირად გამოუძინებელი ადამიანი უფრო მეტ კალორაჟს მიირთმევს, ვიდრე მას რეალურად ესაჭიროება. იზრდება გულსისხლძარღვთა დაავადებების რისკი. 7-8 საათი სრულფასოვანი ძილი აუცილებელი წინაპირობაა ჯანმრთელობის შესანარჩუნებლად.

ბოლოს კი დამეთანხმებით, რომ ყველა ზემოთ ჩამოთვლილ პუნქტებს ჩვენს ყოველდღიურობაში თან არ უნდა ახლდეს მავნე ჩვევები (თამბაქო, ალკოჰოლი და ა.შ). ვფიქრობ, მავნე ჩვევებზე უარის თქმა ერთ-ერთი ძირითადი და წამყვანი გამოწვევაა ცხოვრების ჯანსაღი წესის დროს.

ყოველთვის უნდა გვახსოვდეს, რომ ცხოვრების ჯანსაღ რეჟიმზე გადასვლა არ გადავდოთ ხვალისთვის, ორშაბათისთვის და ა.შ. არამედ დავიწყოთ დღესვე ჩვენს ჯანმრთელობაზე ზრუნვა.

ექიმი ენდოკრინოლოგი თინათინ კაჭარავა

წაიკითხეთ სრულად