Baby Bag

„თუ ეს ორი ნიშანი იქნება, დაუყოვნებლივ უნდა ვიფიქროთ კოვიდზე,“ - გიორგი ღოღობერიძე

„თუ ეს ორი ნიშანი იქნება, დაუყოვნებლივ უნდა ვიფიქროთ კოვიდზე,“ - გიორგი ღოღობერიძე

ექიმმა გიორგი ღოღობერიძემ გრიპის, გაციებისა და კოვიდის ძირითადი განმასხვავებელი ნიშნების შესახებ ისაუბრა. მისი თქმით, ხველისა და ტემპერატურის არსებობის შემთხვევაში დაუყოვნებლივ უნდა გავიკეთოთ კოვიდ-19-ის ტესტი:

„ყველა შემთხვევაში, როდესაც იქნება ​დამახასიათებელი კლინიკური ნიშნები ხველის თუ ტემპერატურის სახით, დაუყოვნებლივ გავიკეთოთ ტესტი. ზოგჯერ ადამიანი იტარებს ტესტირებას, ჰგონია, რომ კოვიდი აქვს, მაგრამ კოვიდი არ უდგინდება. ამას ბევრი მიზეზი აქვს. ერთ-ერთი მიზეზი შეიძლება იყოს ის, რომ შეიძლება უბრალოდ გაციებულია ადამიანი და ჰგონია, რომ კოვიდი აქვს. გაციება ცნობილია, როგორც მწვავე ვირუსული ნაზოფარინგიტი. ეს არის ზედა სასუნთქი გზების ინფექცია, ეძახიან თავის გაციებას. მას აქვს ოთხი ძალიან ტიპური ნიშანი: ცემინება, კუნთების ტკივილი, სურდო, ყელის ტკივილი. ცემინება სავიზიტო ბარათია გაციებისა. ჩვენ ნაკლებად გვხვდება ცემინება გრიპის დროს და კიდევ უფრო ნაკლებად კოვიდის დროს. თუ ვიღაც აცემინებს, დიდი ალბათობით, ის გაციებულია.“

გიორგი ღოღობერიძემ გაციებისთვის იშვიათად დამახასიათებელი ნიშნებიც დაასახელა:

​იშვიათი ნიშნებია გაციების: თავის ტკივილი, მშრალი ხველა, ტემპერატურა იშვიათად იმატებს, ყურებში ზეწოლა, გემოს და სუნის დაკარგვა ნაკლებად ახასიათებს გაციებას. რაც სულ არ გვხვდება გაციების დროს, ეს არის: ქოშინი, ანუ სუნთქვის გაძნელება და ფაღარათი. თუ ეს ორი ნიშანი იქნება, დაუყოვნებლივ უნდა ვიფიქროთ კოვიდზე ან გრიპზე. გრიპი გაციებისგან განსხვავებით ბევრად აგრესიულია. უეცრად დაარტყამს ადამიანს და მაშინვე მაღალი ტემპერატურით დაიწყება. გრიპს ახასიათებს მთელი სხეულის ტკივილი, დაღლილობის ძალიან მძიმე განცდა აქვს, მშრალი ხველა და თავის ტკივილი.“

„გაციების შემთხვევაში მართვა არის ძალიან მარტივი. როგორც კი ჩვენ გვექნება კონტაქტი ვინმე გაციებულთან, პირველი რასაც ვაკეთებთ, ხელს ვიბანთ. გაციებული ადამიანი სულ ცხვირზე იკიდებს ხელს, რომ სურდო აქვს. ჩვენ ხელს რომ ვართმევთ, სულ სახეზე ვიკიდებთ ხელს. თუ ადამიანს აქვს ძალიან შემაწუხებელი მდგომარეობა, შეუძლია გამოიყენოს იბუპროფენი. ​რაც კარგად მუშაობს გაციების დროს, ეს არის თუთია. თუთიის მიღება უნდა მოხდეს, როგორც კი ადამიანს გაციების ნიშნები ექნება პირველ 24 საათში. დოზა უნდა იყოს 50-დან 75 მილიგრამამდე. C ვიტამინი ცოტათი ასუსტებს გაციების ნიშნებს, მაინცდამაინც ეფექტიანი არ არის. გრიპის დროს არ შეიძლება ასპირინის გამოყენება, განსაკუთრებით ბავშვებში, იმიტომ, რომ ძალიან მაღალია ღვიძლის დაზიანების რისკი,“ - აღნიშნულ საკითხებზე გიორგი ღოღობერიძემ ტელეკომპანია „რუსთავი 2“-ის გადაცემაში „დილა მშვიდობისა საქართველო“ ისაუბრა.

წყარო: ​„დილა მშვიდობისა საქართველო“

არ დაგავიწყდეთ !!!

დაემატეთ ჯგუფში საბავშვო რეცეპტები

თუ მეუღლეებიდან ერთ-ერთი კოვიდდადებითია და მეორე არა - აღნიშნულ შემთხვევას გიორგი ღოღობერი...
თუ მეუღლეებიდან ერთ-ერთი კოვიდდადებითია და მეორე არა - აღნიშნულ შემთხვევას გიორგი ღოღობერიძე განიხილავს.მისი თქმით, ცოლ-ქმარი არ არიან გენეტიკურად ნათესავი ადამიანები, თუ გენეტიკა სხვადასხვა აქვთ, სხვ...

შეიძლება დაინტერესდეთ

სტრაბიზმის (სიელმის) დიაგნოსტირება და მკურნალობის მეთოდები „ნიუ-ჰოსპიტალსში“

სტრაბიზმის (სიელმის) დიაგნოსტირება და მკურნალობის მეთოდები „ნიუ-ჰოსპიტალსში“

მაია საგინაშვილი: „სიელმე არის პათოლოგია, რომლის დროსაც დარღვეულია თვალების სიმეტრიული დგომა პირველად პოზიციაში და მათი პარალელური მოძრაობის უნარი.“

სტრაბიზმი გავრცელებული პათოლოგიაა ბავშვთა ასაკში, ამიტომ ძალიან მნიშვნელოვანია დროული დიაგნოსტირება. „ნიუ-ჰოსპიტალსში“ მკურნალობა ორი მეთოდით მიმდინარეობს - კონსერვატიული და ქირურგიული. კლინიკა მაღალკვალიფიციურ გუნდთან ერთად აღჭურვილია თანამედროვე სამედიცინო აღჭურვილობით, რაც ხელს უწყობს მკურნალობის წარმატებით წარმართვას.

ამ თემაზე MomsEdu.ge „ნიუ ჰოსპიტალსის“ ოფთალმოლოგს, მაია საგინაშვილს ესაუბრა.

- რა იწვევს სტრაბიზმს?

მაია საგინაშვილი: სიელმის გამომწვევი მიზეზი შესაძლოა იყოს რეფრაქციის ანომალიები, როგორიც არის შორსმხედველობა, ახლომხედველობა, ასტიგმატიზმი. ასევე, თვალის კაკლის სხვადასხვა წარმოშობის ორგანული დაავადებები ან თვალის მამოძრავებელი აპარატის დაზიანება.

- ბავშვებში მეტად გავრცელებულია თუმოზრდილებში?

მაია საგინაშვილი: სტრაბიზმი ძირითადად დაკავშირებულია ბავშვთა ასაკთან. თუმცა გვხვდება მოზრდილებშიც. მოზრდილებში შესაძლოა იყოს სიელმე, რომლის მკურნალობა ბავშვობაში არ მოხდა; ამასთანავე, არის შემთხვევები, როდესაც სტრაბიზმი შემდგომში ვითარდება. აღსანიშნავია, რომ მოზრდილ ასაკში მწვავედ და უეცრად განვითარებული სიელმე მიანიშნებს ცენტრალურ ნერვულ სისტემაში სხვადასხვა გენეზის დაავადების არსებობას, ამიტომ ასეთ პაციენტს დროული დიაგნოსტირება და სწორი მართვა სჭირდება.

- რა სიმპტომები ახასიათებს სტრაბიზმს და რა დროს არის მნიშვნელოვანი რეაგირება? როდის უნდა მივმართოთ სპეციალისტს?

მაია საგინაშვილი: სიელმის დროს დარღვეულია თვალის კაკლების სიმეტრიული მდგომარეობა და მათი პარალელური მოძრაობა. შესაძლოა პაციენტს აწუხებდეს ერთი ან ორივე თვალის დაქვეითებული მხედველობა. ასევე, შესაძლოა აღინიშნებოდეს გაორება; თავის და კისრის არჩევითი მდებარეობა. სტრაბიზმის მქონე პაციენტს არ აქვს განვითარებული მოცულობითი მხედველობა.

- შეიძლებათუ არა სტრაბიზმმა გამოიწვიოს თვალის სხვა დაავადება?

მაია საგინაშვილი: სიელმემ შესაძლოა გამოიწვიოს ზარმაცი თვალის განვითარება. როდესაც ერთი თვალი მყარად არის გადახრილი საფიქსაციო ღერძიდან, ის არ მონაწილეობს მხედველობის აქტში, შესაბამისად, როდესაც მშობელი შენიშნავს ბავშვს სიელმის პრობლემას, აუცილებლად უნდა მიმართოს ოფთალმოლოგს.

- რა ასაკიდან ითვლება სტრაბიზმი თანდაყოლილად ან შეძენილად?

მაია საგინაშვილი:

- თანდაყოლილად ითვლება სიცოცხლის პირველი 6 თვის განმავლობაში განვითარებული სტრაბიზმი, ამ ასაკის შემდეგ - შეძენილი.

- როგორ ხდება სიელმის დიაგნოსტირება?

მაია საგინაშვილი: სიელმის გამოკვლევა იწყება თვალის გადახრის კუთხის გაზომვით. მნიშვნელოვანია, თვალის მამოძრავებელი აპარატის გამოკვლევა, რათა შესწავლილ იქნასყველა კუნთის მოქმედება, მათი ფუნქცია. ძალიან მნიშვნელოვანია ოფთალმოლოგის მიერ პაციენტის მდგომარეობის დროული შეფასება, რათა არ მოხდეს მხედველობის დაკარგვა ან სხვა არასასურველი გართულებების განვითარება.

- როგორ ხდება სტრაბიზმის მკურნალობა დარა ასაკშიაეფექტური?

მაია საგინაშვილი: მკურნალობა მოიცავს კონსერვატულ და ქირურგიულ მეთოდებს. ორივე მეთოდს გააჩნია სამედიცინო ჩვენება და მისი არჩევა ხდება ექიმის მიერ, დიაგნოსტირების შემდგომ.

კონსერვატიული მკურნალობა მოიცავს სათვალის შერჩევას და აპარატურულ მკურნალობას. ქირურგიული ჩარევა ხორციელდება ექსტრაოკულურ კუნთებზე - მათი შესუსტების, გაძლიერების, გადანაცვლების გზით მიიღწევა შესაბამისი შედეგი. ასევე, შესაძლებელია ამ ორი მეთოდის კომბინაციაში გამოყენება.

- სტრაბიზმის მკურნალობის და მართვის რა შესაძლებლობებიარსებობს კლინიკა „ნიუ-ჰოსპიტალსში“?

მაია საგინაშვილი: „ნიუ-ჰოსპიტალსის“ სტრაბიზმის ცენტრი წარმოდგენილია კვალიფიციური და პროფესიონალი ექიმთა შემადგენლობით. აღჭურვილია მაღალტექნოლოგიური, თანამედროვე სამედიცინო აღჭურვილობით, რაც საშუალებას აძლევს გუნდს, მართონ პათოლოგიები და ნებისმიერი სირთულის ოპერაცია წარმატებით ჩაატარონ.

R. 

წაიკითხეთ სრულად