Baby Bag

„სამწუხაროდ, ჩვენს საზოგადოებაში ჩამოყალიბებულია სტერეოტიპი, რომ წლამდე არ შეიძლება ბავშვის ზღვაზე წაყვანა,“ - ნინო კამკამიძე

„სამწუხაროდ, ჩვენს საზოგადოებაში ჩამოყალიბებულია სტერეოტიპი, რომ წლამდე არ შეიძლება ბავშვის ზღვაზე წაყვანა,“ - ნინო კამკამიძე

პედიატრმა ნინო კამკამიძემ ბავშვებში ენტეროვირუსის პრევენციის საკითხე ისაუბრა. მან აღნიშნა, რომ აღნიშნული ვირუსისგან თავდაცვა შესაძლებელია, თუ ჰიგიენის წესებს დავიცავთ:

„ენტეროვირუსისგან თავდაცვა, პირველ რიგში, ხდება ჰიგიენური წესების გამომუშავებით. თუ გავითვალისწინებთ, რომ ენტეროვირუსის გადაცემის გზა არის ფეკალურ-ორალური, მისგან დაცვა თავისუფლად შეიძლება ჰიგიენის წესების დაცვით. ​ხშირ შემთხვევაში ადამიანებს სისუფთავე და სტერილობა ერთმანეთში ერევათ ხოლმე. სტერილობა არცერთ ეტაპზე არ წარმოადგენს აუცილებლობას.“

ნინო კამკამიძის თქმით, ბავშვის ზღვაზე წაყვანა ნებისმიერ ასაკშია შესაძლებელი:

​ბავშვის ზღვაზე წაყვანა ნებისმიერ ასაკში არის შესაძლებელი. სამწუხაროდ, ჩვენს საზოგადოებაში ჩამოყალიბებულია სტერეოტიპი, რომ წლამდე არ შეიძლება ბავშვის ზღვაზე წაყვანა. ყველა ასაკში შეიძლება ბავშვი ზღვაზე წაიყვანო. ზღვა არის გადასარევი საკურორტო ზონა. ყველა ასაკს მოეთხოვება შესაბამისი პირობების შექმნა. რეჟიმი არ უნდა დაირღვეს, ძილ-ღვიძილის რიტმი არ უნდა დაირღვეს. ბავშვმა ის საკვები პროდუქტები უნდა მიიღოს, რაც ასაკობრივად არის გათვლილი.“

„თუ გავითვალისწინებთ იმას, რომ ენტეროვირუსი ფეკალურ-ორალური გზით გადადის, რა თქმა უნდა, თუ ბავშვმა ასეთი წყალი ჩაყლაპა ცურვის დროს, ინფიცირების რისკი არის. ენტეროვირუსის მკურნალობა სიმპტომურია. პირველ რიგში, არის სითხით და ელექტროლიტებით დატვირთვა. შეიძლება ბავშვმა არ ჭამოს, დაძალება არ არის რეკომენდებული, მაგრამ სითხის შეთავაზება აუცილებელია. სითხის შეთავაზება უნდა მოხდეს ყლუპ-ყლუპად. ​ყველაზე მნიშვნელოვანი არის სითხით და ელექტროლიტებით დატვირთვა. სიცხის შემთხვევაში სიცხის დამწევი უნდა ვიხმაროთ, თავის ტკივილის შემთხვევაში შეიძლება ტკივილგამაყუჩებელი, სახლი სველი წესით დავალაგოთ, სათამაშოები ცოტა განსაკუთრებულად გავრეცხოთ. ხანდახან ელექტროლიტებით და სითხით დატვირთვა ვერ ხერხდება, რადგან გაძლიერებული ღებინებაა. ამ დროს ორგანიზმის გაუწყლოვნება რომ არ მოხდეს, მივმართავთ ხოლმე სტაციონარს, რადგან სითხის შევსება გადასხმით უნდა მოხერხდეს,“ - აღნიშნულ თემებზე ნინო კამკამიძემ ტელეკომპანია „რუსთავი 2“ - ის გადაცემაში „ჯანმრთელობის ფორმულა“ ისაუბრა.

წყარო:​ „ჯანმრთელობის ფორმულა“

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

„ის მითი უნდა დაინგრეს ჩვენთან, რომ ბავშვი ფეხიდან ცივდება და მუცელი ებერება,“- პედიატრი ნ...
​პედიატრმა ნინო კამკამიძემ ბავშვის მოტორული განვითარების ხელშეწყობის შესახებ ისაუბრა. მან აღნიშნა, რომ ამ შემთხვევაში სწორად ჩაცმას უდიდესი მნიშვნელობა ენიჭება:„პირველ რიგში, სწორი ჩაცმაა მნიშვნელოვან...

შეიძლება დაინტერესდეთ

რეპროდუქციული ჰიგიენის წესები, რომლებიც აუცილებლად უნდა დავიცვათ - ყარამან ფაღავას რეკომენდაციები

რეპროდუქციული ჰიგიენის წესები, რომლებიც აუცილებლად უნდა დავიცვათ - ყარამან ფაღავას რეკომენდაციები

პედიატრმა ყარამან ფაღავამ რეპროდუქციული ჰიგიენის ის წესები დაასახელა, რომელთა დაცვა აუცილებელია:

„რაც შეეხება რეპროდუქციულ ჰიგიენას, საშინელებაა, ხალხო. ყველამ უნდა იცოდეს: არ შეიძლება, როდესაც მთვრალია მამაკაცი ან ქალი, ბავშვის ჩასახვა. არ შეიძლება ორსულობის დროს მოწევა, ნარკოტიკი თავისთავად, ალკოჰოლი თავისთავად, ორსულობის დროს როგორ შეიძლება?! აი, ეს ელემენტებია. მერე უკვე არის, რომ ბავშვს გარკვეული პრობლემები აქვს.“

„მნიშვნელოვანია ბავშვთა ქცევა. საწყენად ნუ მიიღებენ მშობლები. გასაგებია, კომპიუტერს, ტელეფონს ვერ შორდება, მაგრამ ბავშვისთვის საინტერესონი უნდა ვიყოთ მშობლები. ბავშვს უნდა ერჩივნოს მშობელთან ურთიერთობა კომპიუტერთან ურთიერთობას. აღარ ვლაპარაკობ, რომ ზედმეტი აგრესია არ შეიძლება. მთავარი არის: რეპროდუქციული ჰიგიენა და ინტერნეტომანია. როგორმე ამის ზემოქმედება უნდა შევამციროთ,“- აღნიშნულ საკითხზე ყარამან ფაღავამ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო:​ „პირადი ექიმი - მარი მალაზონია“

წაიკითხეთ სრულად