Baby Bag

​მენსტრუალური ციკლის რა პერიოდია ხელსაყრელი დაორსულებისთვის?

​მენსტრუალური ციკლის რა პერიოდია ხელსაყრელი დაორსულებისთვის?

მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. მენსტრუალური ციკლის რა პერიოდია ხელსაყრელი დაორსულებისთვის? - მეან-გინეკოლოგი და ქირურგი ეკა ბუკია დღეს ამ თემაზე მოგაწვდით კომპეტენტურ ინფორმაციას.

სპერმატოზოიდების სიცოცხლის უნარიანობა 3-დან 5 დღემდეა. ორსულობის დადგომა კი შესაძლებელია მხოლოდ მაშინ, თუ ოვულაციის დროს კვერცხსავალ მილებში ან საშვილოსნოში არის ცოცხალი სპერმატოზოიდები.

საშუალოდ ქალების უმტეტესობას ოვულაცია აქვთ მენსტრუალური ციკლის მე-14 დღეს. ზოგიერთ შემთხვევაში, როდესაც მენსტრუალური ციკლი 28 დღეზე ნაკლებია, ოვულაცია შეიძლება მოხდეს უფრო ადრე. თუ არ გსურთ დაორსულება, უმჯობესია, გამოიყენოთ ჩასახვის საწინააღმდეგო აბები, ვაგინალური სანთლები ან კონდომი (პრეზერვატივი).

რა არის ოვულაცია? - ეს პროცესია, რომლის დროსაც ფოლიკული სკდება და საკვერცხიდან გამოდის მომწიფებული კვერცხუჯრედი. ოვულაცია თვეში ერთხელ ხდება - მომწიფებული კვერცხუჯრედი საკვერცხიდან გადადის კვერცხსავალ მილში. სპერმატოზოიდისა და კვერცხუჯრედის შეხვედრა ხდება კვერცხსავალ მილში, თუ არ არის არანაირი პრობლემა (სპერმატოზოიდები და კვერცხუჯრედი ჯანსაღია, კვერცხსავალი მილები გამტარია), მოხდება განაყოფიერება. კვერცხუჯრედი სიცოცხლისუნარიანია 12-24 სთ-ის განმავლობაში, სპერმატოზოიდი სიცოცხლისუნარიანია 3-დან 5 დღემდე. კვერცხუჯრედის ინპლანტაცია საშვილოსნოში კი ოვულაციიდან 6-12 დღეში ხდება.

​თუ აწარმოებთ ოვულაციის მონიტორინგს, მაშინ დაორსულებისთვის ხელსაყრელია დაუცველი სქესობრივი ცხოვრება ოვულაციამდე 3 დღით ადრე, ოვულაციის დღეს და ოვულაციის შემდეგ 1 დღე. თუ არ გეგმავთ ორსულობას, მაშინ ზემოთ ჩამოთვლილ დღეებში უნდა გქონდეთ დაცული სქესობრივი ცხოვრება.

გისურვებთ ჯანრთელობას!

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დე​დების ჯგუფი“)

შეიძლება დაინტერესდეთ

რა იწვევს მენსტრუალური ციკლის დარღვევას?

რა იწვევს მენსტრუალური ციკლის დარღვევას?
დღეს ხუთშაბათია და მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. რა იწვევს მენსტრუალური ციკლის დარღვევას? - ამჯერად ამ თემაზე მოგაწვდით კომპეტენტურ ინფორმაციას მეან-გინეკოლოგი და ქირურგი ეკა ბუკია. 


მენსტრუალური ციკლის გადაცდენას ორსულობის გარდა იწვევს სხვა მრავალი ფაქტორი. საშუალოდ მენსტრუალური ციკლი რეგულარულად 28 დღეშია. ყველა ქალს აქვს ინდივიდუალური მენსტრუალური ციკლი, ნორმად ითვლება ციკლიდან ციკლამდე 21 დღიდან 35 დღემდე შუალედი. განვიხილოთ რამდენიმე მიზეზი, რაც იწვევს მენსტრუალური ციკლის დარღვევას.

სტრესი - სტრესს შეუძლია დაარღვიოს ორგანიზმის ნორმალური ფუნქციონირება- დაარღვიოს ჰორმონული დისბალანსი. ასევე სტრესი იწვევს წონის მკვეთრ მატებას ან მკვეთრ კლებას, რაც შესაბამისად გავლენას ახდენს მენსტრუალურ ციკლზე.


სხეულის მასისი დაბალი ინდექსი ( წონის დეფიციტი) - თუ იწონით თქვენთვის მისაღებ ნორმალურ წონაზე 10 %-ით ნაკლებს, ეს გამოიწვევს მენსტრუალური ფუნქციის დარღვევას და ანოვულაციას. გარდა ამისა ქალებს, რომელთაც აღენიშნებათ ანორექსია ან ბულემია, აუცილებლად თან ერთვის მენსტრუალური ციკლის დარღვევა.


გაცხიმოვნება - ისევე როგორც წონის დეფიციტი, ასევე გაცხიმოვნება იწვევს მენსტრუალური ფუნქციის დარღვევას. შეგიძლიათ სახლის პირობებში იკვებოთ სწორად და ივარჯიშოთ, რათა მოხდეს წონის კლება. თუ წონას რთულად იკლებთ ან საერთოდ ვერ იკლებთ, ასეთ შემთხვევაში უნდა მიმართოთ ენდოკრინოლოგ-ნუტრიციოლოგს.


პოლიკისტოზური საკვერცხეების სინდრომი - ეს ის მდგომარეობაა, როდესაც არის ჰორმონული დისბალანსი. შედეგად საკვერცხეებში არის მრავლობითი წვრილი ფოლიკულები და ციკლი არის ანოვულატორული. ანოვულაცია კი შედაგად გამოიწვევს ციკლის გადაცდენას, ციკლის ჩავარდნას . 


ჩასახვის საწინააღმდეგო აბები - მათი ხანგრძლივი გამოყენების შემდეგ ხდება მენსტრუალური ციკლის დარღვევა. აბების მოხსნის შემდეგ შესაძლებელია 3-6 თვე დაგჭირდეთ მენსტრუალური ციკლის ნორმალური ფუნქციონირების აღსადგენად.


ქრონიკული დაავადებები, როგორიცაა მაგალითად დიაბეტი, ფარისებრი ჯირკვლის დაავადებები. იწვევენ მენსტრუალური ციკლის დარღვევას, ამიტომ უნდა მოხდეს მათი დროული მკურნალობა და მუდმივი კონტროლი.


ნაადრევი მენოპაუზა - ნორმაში მენოპაუზა იწყება 45-55 წლის შუალედში. იმ შემთხვევაში, როცა კლიმაქტერული ჩივილები და მენსტრუალური ციკლის დარღვევა იწყება 40 წლის ასაკში, საქმე გვაქვს ნაადრევ მენოპაუზადთან.


ფოლიკულური კისტა - როდესაც საკვერცხე ვერ ფუნქციონირებს კარგად, ყალიბდება ფოლიკულური ტიპის ცისტა ( ანოვულაცია), რაც იწვევს მენსტრუალური ციკლის დარღვევას და გადაცდენას. 



წაიკითხეთ სრულად