Baby Bag

„ფილტვების ანთების მკურნალობის ამ მეთოდის გამოყენება საშიშია ჯანმრთელობისთვის და იწვევს მდგომარეობის პროგრესირებას,“ - კახა ვაჭარაძე

„ფილტვების ანთების მკურნალობის ამ მეთოდის გამოყენება საშიშია ჯანმრთელობისთვის და იწვევს მდგომარეობის პროგრესირებას,“ - კახა ვაჭარაძე

პულმონოლოგი კახა ვაჭარაძე ინტერნეტში ვირუსულად გავრცელებული პოსტის შესახებ საუბრობს, რომლის ავტორი ადამიანებს ​ფილტვების ანთების დასამარცხებელ რჩევებს აძლევს და სპეციალურ რეცეპტსაც სთავაზობს. პოსტს სოციალურ ქსელში 28 000 გაზიარება აქვს. პოსტის ავტორი ირწმუნება, რომ კვერცხის ცილის, მაწვნისა და ფქვილისგან მომზადებული ცომის მთელი ღამით გულზე დადებით ფილტვების ანთების დამარცხება შესაძლებელია.

კახა ვაჭარაძე ფილტვების ანთების მკურნალობის აღნიშნულ მეთოდს კატეგორიულად არ იზიარებს და მას სახიფათოდ მიიჩნევს:

„არანაირ ლოგიკას არ ექვემდებარება აღნიშნული მოწოდება და მკურნალობის მეთოდი. ზემოაღნიშნულ მეთოდზე საუბარი მიმაჩნია, რომ არასერიოზულია. ​პნევმონიების მკურნალობა არის განსაკუთრებით მნიშვნელოვანი. მას უნდა აწარმოებდნენ მხოლოდ პროფესიონალები.“

„პნევმონიების მკურნალობა არის სპეციფიკური. ეს არის​ ფართო სპექტრის ანტიბიოტიკებით სხვადასხვა ჯგუფიდან. რაც ყველაზე მნიშვნელოვანია, მისი დიაგნოსტირება ხდება რადიოლოგიური მეთოდით, კლინიკური მეთოდებით, კომპიუტერული ტომოგრაფიით და რასაკვირველია, ექიმების უდიდესი გამოცდილებით. ვფიქრობ, რომ ამ მეთოდის გამოყენება საშიშიც კი არის ჯანმრთელობისთვის, ვინაიდან იწვევს მდგომარეობის პროგრესირებას, მკურნალობის დაგვიანებას, შესაბამისად, შესაძლოა, პროცესი დასრულდეს ლეტალურად,“ - აღნიშნულ საკითხებზე კახა ვაჭარაძე ტელეკომპანია „იმედის“ გადაცემაში „იმედის დღე“ საუბრობს.

წყარო: ​„იმედის დღე“

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

„დელტა შტამის შემთხვევაში უფრო მეტია ფილტვების ანთების განვითარების ალბათობა,“ - პედიატრი...
​პედიატრმა ივანე ჩხაიძემ ბავშვებში დელტა შტამის მიმდინარეობის თავისებურებებსა და მახასიათებლებზე ისაუბრა. მან აღნიშნა, რომ ბავშვებში ვირუსი, შესაძლოა, საწყის ეტაპზე ჩვეულებრივი გაციების მსგავსად მიმდი...

შეიძლება დაინტერესდეთ

COVID-19-ისგან თავის დაცვის კიდევ ერთი მარტივი გზა, რომლის გაკეთება ყველას შეუძლია

COVID-19-ისგან თავის დაცვის კიდევ ერთი მარტივი გზა, რომლის გაკეთება ყველას შეუძლია

ექიმი გიორგი ღოღობერიძე COVID-19-ისგან თავის დაცვის კიდევ ერთ მარტივ გზაზე საუბრობს. მისი თქმით, ეს არის ოთახის მუდმივი განიავება. 

,,COVID-19-ისგან თავის დაცვის კიდევ ერთი მარტივი გზა ეს არის ოთახის / შენობის მუდმივი განიავება. 

ამ დროისთვის ვარაუდია, რომ ადამიანს COVID-19 რომ დაემართოს, უნდა ჩაისუნთქოს 1000 ვირუსული ნაწილიკი (ვთქვათ, 1000 ვირუსული ნაწილაკი 1 ჯერზე, ან 100 ვირუსული ნაწილაკი 10 ჩასუნთქვაზე, ან 10-10 ვირუსული ნაწილაკი 100 ჩასუნთქვაზე).

ამიტომაც ხშირია დაინფიცირების შემთხვევები დახურულ სივრცეებში. 

ოთახის განიავებისას ვირუსული ნაწილაკების რაოდენობა მკვეთრად მცირდება, რაც ასევე ამცირებს დაინფიცირების ალბათობასა,'' - აღნიშნავს გიორგი ღოღობერიძე. 

წაიკითხეთ სრულად