Baby Bag

ლევან რატიანი კორონავირუსის რეპროდუქციულ ჯანმრთელობაზე გავლენის შესახებ საუბრობს

ლევან რატიანი კორონავირუსის რეპროდუქციულ ჯანმრთელობაზე გავლენის შესახებ საუბრობს

პირველი საუნივერსიტეტო კლინიკის დირექტორი, ექიმი ლევან რატიანი კორონავირუსის რეპროდუქციულ ჯანმრთელობაზე გავლენის შესახებ საუბრობს.

მისი თქმით, მოსაზრებას, რომ კორონავირუსი გავლენას ახდენს რეპროდუქციულ ჯანმრთელობაზე, ვერც დაეთანხმება და ვერც უარყოფს:

,,ეს არის მეცნიერების დონეზე. ნებისმიერმა ინფექციურმა პათოლოგიამ შესაძლებელია, გამოიწვიოს რეპროდუქციული სისტემის დისფუნქცია. თუმცა ეს არ ნიშნავს, რომ კოვიდინფექციას ახასიათებს მსგავსი რამ. აღნიშნულიდან გამომდინარე, ვერც გამოვრიცხავ და ვერც დავადასტურებ. ერთადერთი შემიძლია გითხრათ, რომ არსებობს გარკვეული ინფექციების ჯგუფი, რომელმაც რეპროდუქციულ სისტემაზე შეიძლება, ცუდად იმოქმედოს,'' - აღნიშნავს ლევან რატიანი. 

ნახეთ ვიდეო☝️

წყარო: რადიო​ ,,ჯორჯიან თაიმსი''

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯ​გუფი“)

შეიძლება დაინტერესდეთ

„მშობლებს აფრთხილებენ, რომ ყურადღებით იყვნენ და არ გამორჩეთ ბავშვებში სიყვითლის გამოვლინება,“- მაია ბუწაშვილი ბავშვებში დაფიქსირებულ მწვავე ჰეპატიტის შემთხვევებზე

„მშობლებს აფრთხილებენ, რომ ყურადღებით იყვნენ და არ გამორჩეთ ბავშვებში სიყვითლის გამოვლინება,“- მაია ბუწაშვილი ბავშვებში დაფიქსირებულ მწვავე ჰეპატიტის შემთხვევებზე

ინფექციონისტი მაია ბუწაშვილი სოციალურ ქსელში პოსტს აქვეყნებს, რომელშიც ბოლო ხანებში ბავშვებში დაფიქსირებული გაურკვეველი წარმოშობის მწვავე ჰეპატიტის შემთხვევებზე საუბრობს:

„ბოლო ხანებში დიდი ყურადღება ეთმობა ბავშვებში ახალი, გაურკვეველი წარმოშობის მწვავე ჰეპატიტის შემთხვევებს, რომლებიც დაფიქსირდა აშშ-ში და ევროპის რამდენიმე ქვეყანაში. შემთხვევათა რაოდენობა რამდენიმე ასეულს აღწევს. ასაკი 1-დან 16 წლამდე მერყეობს. სიმპტომები, ჩვეულებრივ, მწვავე ჰეპატიტისთვის დამახასიათებელია: კანის და თვალის სკლერების სიყვითლე, საჭმლის მომნელებელი სისტემის მხრივ სიმპტომები, ღვიძლის ფუნქციების მკვეთრი მომატება. ტემპერატურა, როგორც წესი, ნორმალურია. შემთხვევათა 90%-ზე მეტს ჭირდება ჰოსპიტალიზაცია. 10%-ზე მეტ შემთხვევებში დაავადება მძიმედ მიმდინარეობს და საჭირო ხდება ღვიძლის გადანერგვა. ნაწილი განკურნებით მთავრდება. ჰეპატიტის მქონე ბავშვებში არ დასტურდება აქამდე ცნობილი არც ერთი ჰეპატიტის ვირუსი (A,B,C,D,E). დიდ ნაწილში გამოვლინდა ადენოვირუსის ერთ-ერთი ტიპი (ტიპი 41), ხოლო გარკვეულ ნაწილს დაესვა კოვიდის დიაგნოზი, ან ჰქონდათ ახლად გადატანილი კოვიდი. ზოგიერთს ერთდროულად აღენიშნებოდა ადენოვირუსული ინფექცია და კოვიდი.

არსებობს მოსაზრება, რომ ჰეპატიტის ეს ახალი ფორმა, შესაძლოა, ბავშვებში კოვიდის აქამდე ცნობილი ერთ-ერთი გართულების, მულტისისტემური ანთებითი სინდრომის (MIS-C) ერთ-ერთი გამოვლინება იყოს. მოკლედ, ჯერ-ჯერობით ამ შემთხვევებთან დაკავშირებით ბევრი რამ უცნობია.

მშობლებს აფრთხილებენ, რომ ყურადღებით იყვნენ და არ გამორჩეთ ბავშვებში სიყვითლის გამოვლინება და ასეთის შემთხვევაში დროულად მიმართონ სამედიცინო დახმარებას,“- წერს მაია ბუწაშვილი.

წაიკითხეთ სრულად