5 საბავშვო ფილმი, რომლებიც მშობლებსაც ძალიან მოეწონებათ

5 საბავშვო ფილმი, რომლებიც მშობლებსაც ძალიან მოეწონებათ
არაფერი სჯობს შვილებთან დივანზე ჯდომას და საყვარელი ფილმების მათთან ერთად ყურებას. გთავაზობთ 5 საოჯახო ფილმს, რომელსაც პატარებთან ერთად თქვენც სიამოვნებით უყურებთ. 


ვეს ანდერსონის გაჩერებული მოძრაობის ადაპტაცია როალდ დალის საბავშვო წიგნისგან არის შთაგონებული. ოდნავ ნევროზული და ძალიან მიმზიდველი. მისტერ ფოქსი ქარიზმატული გლუვი მოსაუბრეა, რომელსაც ჯორჯ კლუნი ანსახიერებს, ჰოლივუდის სხვა დიდმა მსახიობებმა, როგორებიც არიან მერილ სტრიპი, ოუენ ვილსონი და ბილ მიურეი ასევე მიიღეს მონაწილეობა ფილმში. სასურველია წაიკითხოთ წიგნი თქვენს შვილებთან ერთად სანამ ფილმს ნახავდეთ!


დიახ! ალბათ არ არსებობს ადამიანი, ვისაც ეს ფილმი არ უყვარს. ბავშვების უმეტესობას ეს ფილმი ნანახი აქვს და უყვართ , მაგრამ თუ არ აქვს ვინმეს ნანახი ნამდვილად ღირს ამ კლასიკის ნახვა. Dreamworks– ის ეს ანიმაციური ნამუშევარი მოგვითხრობს უხეში , მაგრამ ძალიან საყვარელი შრეკის შესახებ , რომელიც იპოვის მისი ცხოვრების სიყვარულს. საბოლოო ჯამში ანიმაცია გვასწავლის მნიშვნელოვან რამეს: იდეალური ხარ ისეთი , როგორიც ხარ!


ეს პიქსარული ანიმაციური ფილმი შესანიშნავი საშუალებაა თქვენი შვილების ემოციების, გრძნობების და ფსიქიკური ჯანმრთელობის შესაცნობად.სიუჟეტი ახალგაზრდა გოგონა რაილის გარშემო ტრიალებს, რომლის სამყარო თავდაყირა დგება, როდესაც ის ოჯახთან ერთად გადადის სხვა ქვეყანაში.როგორც ნებისმიერი ბავშვს, მასაც უჭირს გარემოსთან ადაპტაცია. ფილმი გვაჩვენებს მის შესაძლებლობებს- გაუმკლავდეს ეფექტურად გრძნობებს. მის ემოციებს 5 ფერადი პერსონაჟი თამაშობს, რომლებიც ხშირად ეწინააღმდეგებიან ერთმანეთს, მაგრამ საბოლოოდ ასწავლიან ახალგაზრდა მაყურებელს საკუთარი გრძნობების შესახებ. ფილმის გვასწავლის მნიშვნელოვან რამეს : არაუშავს თუ მგრძნობიარე ხარ!


სანამ ანა და ელზა გამოჩნდებოდნენ, არიელი და ურსულა იყვნენ. ეს დისნეის ანიმაციური კლასიკა ახლახანს გახდა 30 წლის, მაგრამ ეს არ ნიშნავს, რომ ის ნაკლებად საყვარელია. ახლანდელი მშობლების უმეტესობა, ალბათ, ამის ყურებით გაიზარდა და ნოსტალგიისთვის ეს ანიმაცია დამატებით ქულებსაც იმსახურებს. უბრალოდ ნუ დაგვადანაშაულებთ, თუ მომდევნო კვირის განმავლობაში "Under the Sea" თქვენი მუსიკალური „აკვიატება იქნება“.


დასტური იმისა, რომ ყველა რიმეიქი ცუდი არ არის, და რომ ჩვენ ოდესღაც ვცხოვრობდით სამყაროში, სადაც ლინდსი ლოჰანი საკამათო საკითხი იყო. 128 წუთიანი საოჯახო ფილმი არსდროს „იწელება“. გაფრთხილებთ:მას შემდეგ , რაც უყურებთ ამ ფილმს ის თქვენი მრავალჯერ საყურებელი ფილმების სიაში აუცილებლად ჩაიწერება.

მომზადებულია cubbycare.com.au-ის მიხედვით
თარგმნა თამთა შერმაზანაშვილმა

შეიძლება დაინტერესდეთ

7 საუკეთესო საბავშვო ფილმი ცხოველების შესახებ

7 საუკეთესო საბავშვო ფილმი ცხოველების შესახებ

თანამედროვე სამყაროში ​საბავშვო ფილმების ფართო არჩევანია, რის გამოც მშობლები ხშირად იბნევიან და უჭირთ ბავშვისთვის საინტერესო ფილმის შერჩევა. ჩვენს სტატიაში 7 საუკეთესო საბავშვო ფილმს გაგაცნობთ, რომლებიც ცხოველების შესახებ საინტერესო ისტორიებს მოგვითხრობენ, ამასთან იმ ასაკობრივ ჯგუფებსაც გამოვყოფთ, რომელთათვისაც მოცემული ფილმების ყურება რეკომენდებულია.

1. დულიტლი (რვა წლიდან)

ფანტასტიკური და მომხიბლავი ისტორიებიეთ ეს ფილმი თქვენი პატარას გაოცებას ნამდვილად შეძლებს. ის ექიმი დულიტლის ისტორიას გვიყვება, რომელიც მეუღლის გარდაცვალების შემდეგ ცხოველებზე ზრუნვით იქარვებს დარდს. ვეტერინარს ცხოველების ენა ესმის და მათთან კომუნიკაციის საოცარი უნარი აქვს. ფილმი თქვენს შვილს ბევრი ცხოვრებისეული გაკვეთილის ათვისებაში დაეხმარება.

2. მეფე ლომი (ექვსი წლიდან)

დისნეის ეს ​საოცარი ფილმი ტყეში არსებული მონარქიული ყოფის სურათს გვიხატავს. ტახტის მემკვიდრე სიმბა მამის გარდაცვალების შემდეგ ტიტულისთვის იბრძვის. ფილმი იმდენად შთამბეჭდავია, რომ ბავშვი მას თვალს ვერ მოსწყვეტს. ფილმის ყურების შემდეგ თქვენი შვილი საკუთარ შესაძლებლობებში მეტად დარწმუნდება და მომავლისადმი ენთუზიაზმით განეწყობა.

3. ჯუნგლების წიგნი (რვა წლიდან)

ჯუნგლების წიგნი მარადმწვანე კლასიკაა. ფილმი მაუგლის შესახებ მოგვითხრობს. პატარა ბიჭი ჯუნგლებში, ცხოველების გარემოცვაში იზრდება. მას ტყეში უამრავი მეგობარი ჰყავს. ბალუ და ბაგირა მისი საუკეთესო მეგობრები არიან. მიუხედავად ამისა მაუგლის ჯუნგლებში მტრებიც ჰყავს. ფილმი ბოროტების წინააღმდეგ ბრძოლის და გამარჯვების ამბებს გვიყვება. მისი ნახვა პატარებისთვის ცხოვრებისეული გამოცდილების მისაღებად ერთ-ერთი საუკეთესო შესაძლებლობაა.

4. დიდი გამყინვარება (რვა წლიდან)

დიდი გამყინვარე საოცრად​ ლამაზ სურათებს და ბევრ სიცილს გვპირდება. ის ძუძუმწოვრების შესახებ მოგვითხრობს, რომლებიც დიდი გამყინვარების დროს თავის გადარჩენას ცდილობენ. ფილმი ბევრ მნიშვნელოვან ინფორმაციას აწვდის ბავშვს და მის განწყობაზე ძალიან დადებითად ზემოქმედებს.

5. მადაგასკარი (შვიდი წლიდან)

ზოოპარკიდან გაქცეული ცხოველები კუნძულ მადაგასკარზე ველურ ბუნებაში ხვდებიან. ისინი მათთვის უჩვეულო გარემოში თავის გადარჩენას ცდილობენ. ფილმი გაჯერებულია სასაცილო დიალოგებითა და მრავალფეროვანი თავგადასავლებით. ის ბავშვებს ცხოველთა შინაგან სამყაროს და ველურ ბუნებაში არსებულ კანონებს აცნობს.

6. კუნგ-ფუ პანდა (ექვსი წლიდან)

პანდა პო ბავშვების უსაყვარლესი გმირია. ​ფილმის ეკრანებზე გამოსვლის შემდეგ პატარების სიყვარული პანდების მიმართ გაორმაგდა. ზარმაცი პანდა ოცნებობს, რომ კუნგ-ფუს მებრძოლი გახდეს. მოუხერხებელი პანდა საოცარ ტრანსფორმაციას განიცდის და საკუთარი მიზნებისკენ შეუპოვრად მიიწევს. ფილმი ბავშვებს მოტივაციას შესძენს და მათ ბრძოლისუნარიანი ხასიათის ჩამოყალიბებაში დაეხმარება.

7. რატატუი (რვა წლიდან)

ფილმი ვირთხა რემის თავგადასავალს მოგვითხრობს. ის შეფმზარეულობაზე ოცნებობს. ის მოულოდნელად აღმოჩნდება პარიზში, მისთვის საოცნებო რესტორანში. ვირთხა რემი თავდაუზოგავად იბრძვის თავისი ოცნებების ასასრულებლად.

ცხოველების შესახებ გადაღებული ფილმები ბავშვებს განსაკუთრებულად უყვართ, ამასთან ისინი ფილმების დახმარებით ძალიან ბევრ რამეს სწავლობენ. შთაბეჭდილებები, რომლებსაც ამ საოცარი ფილმების ნახვის შემდეგ თქვენი შვილები მიიღებენ, მათ მეხსიერებაში სამუდამოდ დარჩება.

მომზადებულია​ moms.com - ის მიხედვით

თარგმნა ია ნაროუშვილმა

წაიკითხეთ სრულად