Baby Bag

დირექტორობის მსურველთა გამოცდებისათვის მოსამზადებელი პლატფორმა შეიქმნა

დირექტორობის მსურველთა გამოცდებისათვის მოსამზადებელი პლატფორმა შეიქმნა

TCC/მასწავლებელთა საკონსულტაციო ცენტრი დირექტორობის მსურველებს გამოცდისათვის მომზადების ახალ პლატფორმას სთავაზობს.

საჯარო სკოლის დირექტორის შესარჩევი კონკურსი ბოლოს 2014 წელს ჩატარდა. მაშინ მოქმედი დირექტორების ნაწილმა ვერ გადალახა ტესტირების ეტაპი და სერტიფიკატის გარეშე, დირექტორის მოვალეობის შემსრულებლის რანგში განაგრძო სკოლის მართვა. მიმდინარე წელს ვადა გასდის 2014 წელს მიღებულ სერტიფიკატებს, თუმცა, მოქმედი დირექტორების შემთხვევაში ეს ვადა ავტომატურად გახანგრძლივდება.

დირექტორობის მსურველთა ტესტირება 2020 წლის მარტში იყო დაგეგმილი, თუმცა, პანდემიის გამო გაურკვეველი ვადით გადაიდო. კულუარული ინფორმაციით, გამოცდა შემოდგომაზე - სექტემბრის ბოლოს ან ოქტომბრის დასაწყისში, საპარლამენტო არჩევნებამდე გაიმართება.

აპლიკანტები წუხილს გამოხატავენ, რომ უწევთ წარმოუდგენლად დიდი თეორიული მასალის მომზადება: მხოლოდ სავალდებულო ლიტერატურის ჩამონათვალი 17 სამართლებრივ აქტსა და 20 სახელმძღვანელოს მოიცავს (დაახლოებით 9 000 გვერდი), რომ არაფერი ვთქვათ სარეკომენდაციო ლიტერატურასა და ზოგადი უნარების სავარჯიშო მასალაზე. ამას ისიც ემატება, რომ არ არსებობს გამოცდისათვის მოსამზადებელი რეალური პლატფორმა ტრენინგებისა და თემატური ტესტების სახით. აშკარაა, რომ დირექტორობის მსურველთა წუხილს ობიექტური საფუძველი გააჩნია.

ამ სიცარიელეს დღეიდან შეავსებს TCC/მასწავლებელთა საკონსულტაციო ცენტრი, რომელმაც შექმნა დირექტორობის მსურველთა გამოცდებისათვის მოსამზადებელი პლატფორმა. ცენტრმა გამოსცა ტესტების კრებული: „დირექტორის წიგნი - 4 000 ტესტი“, რომელიც მოიცავს საგამოცდო პროგრამის სამივე ნაწილს - კანონმდებლობა, პროფესიული უნარები და ლოგიკა (ზოგადი უნარები).

​სქელტანიანი სახელმძღვანელო (780 გვერდი) მნიშვნელოვან დახმარებას გაუწევს არა მხოლოდ გამოცდებში მონაწილე პირებს, არამედ ყველა მოქმედ დირექტორსა და მასწავლებელს. ტესტებში მოცემულია მრავალი კაზუსი და სიტუაციური მაგალითი სასკოლო ცხოვრებიდან, რომელთანაც სკოლებში მომუშავე პირებს ყოველდღიური შეხება და გადაწყვეტილებების მიღება უწევთ.

​ამასთან ერთად, ცენტრი საკუთარ 
ფეისბუქგვე​რდზე რეგულარულად ატარებს ონლაინ ტესტირებას, რომელიც თავისი არსითა და ფორმით გამოცდის იმიტაციას წარმოადგენს 100 ტესტური დავალებით, შეზღუდული სამუშაო დროითა და შეფასების კომპონენტით. უახლოესი ონლაინ ტესტირება გაიმართება 5 აგვისტოს. მასში მონაწილეობის მიღება ყველა მსურველს უფასოდ შეუძლია. გარდა ამისა, ცენტრი უფასო კონსულტაციას სთავაზობს ყველა დაინტერესებულ პირს საგამოცდო და სხვა მათთვის მნიშვნელოვან საკითხებზე.

TCC/მასწავლებელთა საკონსულტაციო ცენტრი ტესტების კრებულებს საქართველოში ნებისმიერ მისამართზე უფასოდ აგზავნის მისი პარტნიორის, საქართველოს ფოსტის მეშვეობით.

ცენტრი ყოველდღიურად ემსახურება დაინტერესებულ პირებს. 

მასწავლებელთა საკონსულტაციო ცენტრის საკონტაქტო ნომრებია: 598 44 12 34; 599 26 70 26; 592 11 56 05.

R.