Baby Bag

„განმეორებითი დაინფიცირება ისევ ხდება. იმაში, რომ ძალიან მძიმდებიან მეორედ ან მსუბუქად მიდის, დიდი გამოცდილება არ გვაქვს,“ - მარინა ენდელაძე

„განმეორებითი დაინფიცირება ისევ ხდება. იმაში, რომ ძალიან მძიმდებიან მეორედ ან მსუბუქად მიდის, დიდი გამოცდილება არ გვაქვს,“ - მარინა ენდელაძე

ინფექციონისტმა მარინა ენდელაძემ კორონავირუსით რეინფიცირების შემთხვევების შესახებ ისაუბრა. მისი თქმით, ვირუსი ძალიან საყურადღებოა, რადგან ის თავს იცავს და მუტაციებს განიცდის:

„მასიური არ არის რეინფიცირება.​ განმეორებითი დაინფიცირება ისევ ხდება. ძალიან საყურადღებოა ეს ვირუსი. ვირუსი იცავს თავს ჩვენგან. რატომ უნდა გვაჯობოს ვირუსმა? მუტაციებს აწარმოებს, იცვლება. ჩვენც რამენაირად უნდა მოვახერხოთ, რომ არ დავინფიცირდეთ, რისთვისაც ეს რეგულაციები არის აუცილებელი.“

მარინა ენდელაძემ აღნიშნა, რომ რეინფიცირებისას პაციენტების მდგომარეობა განსაკუთრებით არ მძიმდება:

„გვქონდა რამოდენიმე შემთხვევა რეინფიცირების, თუმცა მინდა გითხრათ, რომ არცერთი განსაკუთრებულად არ დამძიმებულა. იყო პაციენტი ისეთი, რომელსაც პირველად რომ შეხვდა, შედარებით მსუბუქი სიმპტომები ჰქონდა, ​მეორედ შედარებით მძიმე, მაგრამ საშუალო ან საშუალოზე მძიმე იყო და მდგომარეობა გაუმჯობესდა. იყო რეინფიცირების სხვა შემთხვევა, რომელიც კიდევ უფრო მსუბუქად წარიმართა. იმაში, რომ ძალიან მძიმდებიან მეორედ ან ძალიან მსუბუქად მიდის, დიდი გამოცდილება არ გვაქვს. ვფიქრობ, რომ რეინფიცირების შემთხვევაში კოვიდი ლეტალურად არ უნდა დამთავრდეს. ჯერჯერობით ასეთი შემთხვევა არ ყოფილა. იყო რეინფიცირების შემთხვევები, მაგრამ ისინი ყველანი გაჯანსაღებულად გაეწერნენ.“

მარინა ენდელაძის თქმით, კოვიდის კლინიკური სიმპტომები არ შეცვლილა:

„შეიძლება ვივარაუდოთ, რომ ისეთი განსაკუთრებული ჩივილები ყნოსვისა და გემოს დაკარგვასთან დაკავშირებით არ არის, ​მაგრამ მაინც აქვთ ეს ჩივილები. ვერ გეტყვით, რომ კოვიდმა რაიმეთი სახე იცვალა. კლინიკური გამოვლინება რეინფიცირება იქნება თუ მუტირებული შტამი ამ ეტაპზე იგივეა, იმიტომ, რომ ყველა პაციენტს თავისებურად ჰქონდა კოვიდი.“

„რაც უფრო მეტი იქნება ინფიცირებული, შემდგომ კონტაქტები მეტია და ასე დაიწყო მეორე ტალღაც. მაშინ ვაფრთხილებდით ხალხს, რომ განსაკუთრებულად გვჭირდებოდა რეკომენდაციების დაცვა. ​ალბათ, დაიწყო მესამე ტალღა. მაინც გარკვეულწილად შეგვიძლია ჩვენ შევაჩეროთ ეს ტალღა, რომ არ იყოს მასიური ახალი შემთხვევები,“ - აღნიშნულ საკითხებზე მარინა ენდელაძემ საქართველოს პირველი არხის გადაცემაში „ახალი დღე“ ისაუბრა.

წყარო:​ „ახალი დღე“

არ დაგავიწყდეთ !!!

დაემატეთ ჯგუფში საბავშვო რეცეპტები

„ფაქტია, რომ ამ ვირუსით ადამიანი შეიძლება რამდენჯერმე დაავადდეს“ - ხათუნა ზახაშვილი
„ფაქტია, რომ ამ ვირუსით ადამიანი შეიძლება რამდენჯერმე დაავადდეს“ - ამის შესახებ დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა ხათუნა ზახაშვილმა ...

შეიძლება დაინტერესდეთ

პროდუქტების სია, რომელიც დაბერებას უშლის ხელს - როგორ ვიკვებოთ 40 წლიდან?

პროდუქტების სია, რომელიც დაბერებას უშლის ხელს - როგორ ვიკვებოთ 40 წლიდან?

როგორ ვიკვებოთ 40 წლიდან? - ამ თემაზე „დილა მშვიდობისა საქართველოს“ პირდაპირ ეთერში დიეტოლოგმა ნატალია გოგავამ ისაუბრა.

„ჯანმრთელობისთვის ჩვენს ორგანიზმს ესაჭიროება მთელი რიგი ნუტრიენტები, საჭირო რაოდენობით. თუ კვება იქნება სწორი, დაბალანსებული და მრავალფეროვანი ჩვენ ამ ამოცანას შევასრულებთ. როდესაც ეს პროცესი მწყობრშია, შესაბამისად, დაბერების პროცესიც ნელდება. სხვადასხვა დაავადებისგან და დროული ან ნაადრევი სიბერისგან თავდაცვის მიზნით ჩვენ გვჭირდება ნივთიერებები, რომლებსაც ორ ან მაქსიმუმ სამ ჯგუფად დავყოფ:

  1. ანტიოქსიდანტები - ნივთიერებები, როგორიცაა A,E,C ვიტამინები, ბეტა - კაროტინი, თუთია, ლიკოპინი. მათი მთავარი ამოცანაა ორგანიზმის თითოეული უჯრედი დაიცვან მავნე რადიკალების ზემოქმედებისგან;
  2. არანაჯერი ცხიმ-მჟავები - განსაკუთრებით ომეგა 3.
  3. ნივთიერებები, რომლებიც აფერხებენ კოლაგენის გლიკაციის პროცესს. მოგეხსენებათ, რომ კოლაგენი არის ჩვენი კანის მთავარი სტრუქტურა, რომელიც უნარჩუნებს ფორმას, სიმკვრივეს, ელასტიკურობას, ფერს. ამ პროცესის შეფერხების შემდეგ კოლაგენი კარგავს ამ თვისებებს, შესაბამისად, ჩვენი კანი ნაკლებად მკვრივი ხდება.

პროდუქტების არჩევანი საკმაოდ დიდი გვაქვს, თუმცა, მთავარია როგორ არის მოყვანილი, რამდენად ვარგისიანია და ბევრი სხვა დეტალი. არ შემიძლია არ აღვნიშნო პომიდორი, რომელიც შეიცავს ლიკოპინს. ლიკოპინი არის ნივთიერება, რომელიც ებრძვის ულტრაიისფერ გამოსხივებას, რაც ხელს უწყობს ჩვენი კანის სიჯანსაღეს და ახალგაზრდობას. ლიკოპინი არ იშლება თერმული დაზიანების დროს და პირიქით, უკეთესადაც კი ხდება მისი ათვისება. თუ ადამიანს პრობლემა არ აქვს ნაღვლის ბუშტზე, პომიდორის მიღება შეუძლია კანით, როგორც ცოცხლად, ასევე, გამომცხვარი. ლიკოპინს გააჩნია კიდევ ერთი ძალიან კარგი თვისება, ის ამცირებს თრომბების წარმოქმნის რისკს, ამკვრივებს ჩვენი სისხლძარღვების კედლებს, ქოლესტერინის დონეს დაბლა წევს. რადგან ლიკოპინზე ვსაუბრობთ, აუცილებელია ვახსენოთ წითელი ბულგარული წიწაკა. წითელი ბულგარული წიწაკაც შეიცავს დიდი რაოდენობით ლიკოპინს და ასევე, ბეტა-კარატინოიდებს, რომელიც ებრძვის დაბერებას;

კომბოსტო - მას აქვს ბევრი დადებითი თვისება, C ვიტამინის და კალცის მაღალი დონე. განსაკუთრებით სასარგებლოა ბროკოლი, რომელიც ყველა სხვა კომბოსტოსგან განსხვავებით E ვიტამინსაც შეიცავს ( უმიც დასაშვებია და ოდნავ თერმულად დამუშავებულიც - არ უნდა იყოს ძალიან გადახარშული, დადებითი თვისებების შესანარჩუნებლად). ისპანახი, ოხრახუში (აკავებს კალცს, ებრძვის შეშუპებას, შეიცავს დიდი რაოდენობით ანტიოქსიდანტებს, შეიცავს უჯრედისს, რაც მნიშვნელოვანია ჩვენი ნაწლავების მიკროფლორისთვის);

კაკაო და შავი შოკოლადი - განსაკუთრებულ ნივთიერებებს შეიცავს, ებრძვის ანთებით პროცესებს, აფერხებს ზოგიერთი სახეობის სიმსივნის განვითარებას. თუმცა, ზომიერება არ უნდა დაგვავიწყდეს. შოკოლადის მიღების დროს, ორგანიზმში გამოიყოფა ენდორფინები, ამიტომ ხშირად სტრესის დროს ვიღებთ ხოლმე.

თხილეული და სხვადასხვა სახის თესლი - ჯანსაღი ცხიმის შემცველი პროდუქტები. ომეგა 3-ის შემცველობით პირველ ადგილზეა სელის თესლი, რომელიც შეიცავს კალიუმს, მაგნიუმს, B ჯგუფის ვიტამინებს, უჯრედისს, ამცირებს ქოლესტერინის დონეს სისხლში, სასარგებლოა საჭმლის მონელებისთვის. გოგრის თესლი - მის შემადგენლობაშია ისეთი ნივთიერებები, რომლებიც ებრძვის სიმსივნეს. ნუში - ჯანსაღი ცხიმების შემცველობასთან ერთად, ცილის წყაროა და ამასთან, შეიცავს დიდი რაოდენობით მაგნიუმს.

ჯანსაღი ცხიმის შემცველ პროდუქტებს დავამატოთ - ზეითუნის ზეთი, ცხიმიანი თევზი (ქაშაყი, სარდინები, სკუმბრია, ორაგული).

ანტიოქსიდანტები - კენკრა (ჟოლო, მოცვი, მარწყვი, შტოში); სხვადასხვა მწვანილი(სალათის ფურცელი, რუკოლა, აისბერგი).

მთავარია, ჩვენი კვება იყოს დაბალანსებული და მრავალფეროვანი, სხვადასხვა ელემენტით და ნივთიერებით'' - აღნიშნა დიეტოლოგმა ნატალია გოგავამ. 

წყარო: ​,,დილა მშვიდობისა საქართველო''

წაიკითხეთ სრულად