როგორ მივხდეთ ჩვილს საკვები ჰყოფნის თუ არა? - აღნიშულ თემაზე პედიატრმა ნანა რურუამ ისაუბრა.
„სულერთია ბავშვი ძუძუზეა თუ ხელოვნურ კვებაზე, ძუძუზე მით უფრო, არ არის აუცილებელი ბავშვის აწონვა, რომ გავიგოთ ჰყოფნის თუ არა საკვები. უნდა დააკვირდეთ რამდენჯერ უცვლით პამპერსს, ანუ რამდენს შარდავს და რამდენჯერ გადის კუჭში. თუ ბავშვი შარდავს და კუჭში გადის ადეკვატურად, ანუ დღეში 5-6 პამპერსს უცვლით მოსაშარდად, ეს ნიშნავს, რომ მას რძე ჰყოფნის. რას ეფუძნება ეს ლოგიკა? - ბავშვს აქვს თანდაყოლილი გადარჩენის უნარი. ჭამით აკეთებს რას? ძალიან ჭკვიანურად იქცევიან ჩვილები, ჯერ შეივსებს თავის მოთხოვნილებას და თუ რამე მორჩება, ამ შემთხვევაში მოშარდავს ან კუჭში გავა. ჩვილი ზედმეტს იშორებს მხოლოდ. პრაქტიკულად არ არსებობს, რომ მოშივდეს და ამ დროს მოშარდოს კარგად. ძალიან მარტივი ლოგიკაა, თუ ბავშვს დღეში 5-6 ჯერ ან 7-8 ჯერ უცვლით პამპერსს, ეს ნიშნავს, რომ მას საკვები ჰყოფნის.
ბავშვმა ყოველთვის იცის, როდის შია. ერთი მნიშვნელოვანი ფაქტორია გასათვალისწინებელი, ბავშვებს ყოველთვის არ შიათ თანაბრად. ყოველდღე ერთნაირად არ შიათ. მათი ზრდის ტემპი განსხვავდება ყოველდღიურად, არსებობს ზრდის პიკი, თვეში, რამდენიმე დღის განმავლობაში უფრო სწრაფად იზრდება'' - აღნიშნულ თემაზე ნანა რურუამ ტელეკომპანია „რუსთავი 2“-ის გადაცემაში „სხვა შუადღე“ ისაუბრა.
რა ასაკიდან მივცეთ ჩვილს კუსკუსი და რა მოვუმზადოთ?
კუსკუსი ყველაზე პატარებისათვის - რა ასაკიდან მივცეთ ჩვილს კუსკუსი, - აღნიშნულ თემაზე პედიატრი თამარ ობგაიძე საკუთარ ბლოგზე წერს. გთავზობთ მის პოსტს:
„საყვარელი სახელი აქვს - კუსკუსი. ფრანაგები კუსკუსიე-ს ეძახიან. ისე კი წარმოშობით ჩრდილოეთ აფრიკიდანაა, ბერბერების სუფრის საყვარელი უძველესი ბურღული - აღმოსავლური კერძების მოსამზადებლად და არა მარტო.
ჩრდილოაფრიკული კერძების რეცეპტები ევროპელებმა თავისებურადაც გაადაკეთეს, ანდალუზიასა და სიცილიაში კი დღემდე შუა საუკუნეებიდან მოღწეული რეცეპტებით ამზადებენ კუსკუსს, იმ რეცეპტებით, რომლებიც იბნ რაზინ ალ-თუჯიბიმ ოდესღაც ჩაიწერა.
კუსკუსი ძირითადად ხორბლის მაგარი ჯიშების მარცვლიდან მზადდება, ამზადებენ აგრეთვე ბრინჯის, სიმინდის და ფეტვისაგნაც. მისი დამზადება მექანიზებულ წარმოებამდე საკმაოდ შრომატევადი საქმე იყო.
რატომ გვიყვარს კუსკუსი?
მოგეხსენებათ, ბურღულეული B ჯგუფის ვიტამინების წყაროა. ეს ვიტამინები კი ჩვენ ენერგიის, ნივთიერებათა ცვლის პროცესების, სისხლწარმოქმნის, ნერვული სისტემის ფუნქციონირებისათვის გვჭირდება.
შეიცავს უჯრედისს, რაც ნაწლავთა მოქმედებაში გვეხმარება, საკვები ბოჭკოები ნაწლავურ მიკროფლორასაც ძალიან უყვარს.
კალციუმი პატარების ძვლის ფორმირებისთვის საჭირო მინერალია.
სელენი საუკეთესო ანტიქსიდანტია, რომელიც ჩვენი უჯრედების მემბრანებს მავნე რადიკალებისაგან იცავს. ის მნიშვნელოვანია ფარისებრი ჯირკვლის ფუნქციონირებისათვის. მონაწილეობს იმუნურ პროცესებში და აძლიერებს იმუნიტეტს.
კუსკუსი შეიცავს მცენარეულ ცილებს, თუმცა ის არ შეიცავს შეუცველელ ამინომჟავებს.
შეიცავს აგრეთვე რკინასა და მაგნიუმს.
კარბოჰიდრატების მაღალი შემცველობის გამო კუსკუსი არ უნდა შესთავაზოთ შაქრიანი დიაბეტის მქონე პატარებს.
ოღონდ გაითვალისწინეთ, ეს ბურღული გლუტენს შეიცავს და არ არის ნაჩვენები იმ ბავშვებისათვის, ვისაც ცელიაკია აქვს.
კუსკუსისგან შეიძლება მოამზადოთ ფაფა ან შეუხამოთ სხვადასხვა ბოსტნეულსა და ხორცს, რაც მას გემრიელ სადილად აქცევს.
დაბოლოს, გახსოვდეთ, რაც უნდა სასარგებლო ნივთიერებებით იყოს სავსე ბურღულეული, არ არის საჭირო ბავშვისათვის მხოლოდ ერთი სახეობის მარცვლოვანის მიცემა. გაამრავალფეროვენთ პატარას მენიუ, ამ გზით ის სხვადასხვა გემოსაც შეეეჩვევა და სხვადასხვა შემადგენლობის საკვებსაც მიიღებს“, - წერს პედიატრი თამარ ობგაიძე.
