Baby Bag

„ახალი წლის ღამეს სუფრაზე ნუ დადებთ საქონლის ხორცს,“ - ასტროლოგი ქეთი ვაწაძე გვირჩევს, როგორ შევხვდეთ ვეფხვის წელს

„ახალი წლის ღამეს სუფრაზე ნუ დადებთ საქონლის ხორცს,“ - ასტროლოგი ქეთი ვაწაძე გვირჩევს, როგორ შევხვდეთ ვეფხვის წელს

ასტროლოგმა ქეთი ვაწაძემ საინტერესო რჩევები მოგვცა, თუ როგორ უნდა შევხვდეთ ვეფხვის წელს:

„საახალწლო მზადება ყოველ წელს იწყება იმით, რომ თუ გვაქვს რაიმე ვალი, ნაწილი მაინც გავისტუმროთ. შეპირებები თუ გვაქვს მიცემული ვიღაცისთვის, ავასრულოთ. ქართველი ქალები საახალწლოდ სახლს კაპიტალურად ტყუილად არ ალაგებენ. იქ სადაც გაბზარული, გატეხილი ნივთები, სიბინძურე და ქაოსია, ასეთ სახლში ენერგეტიკაც შესაბამისია. როდესაც დაალაგებ, დააწკრიალებ სახლს, მსუბუქად სუნთქავ და ცხოვრების რაღაც ნაწილი ლაგდება.“

ქეთი ვაწაძის თქმით, ახალ წელს სუფრაზე საქონლის ხორცი არ უნდა გვედოს:

„რა უნდა გვედოს ახალ წელს მაგიდაზე? ხორცი უნდა იყოს, მაგრამ პატარა გამონაკლისით. ახალი წლის ღამეს ნუ დავახვედრებთ საქონლის ხორცს. აღმოსავლეთში არის ლეგენდა, რომ ხარმა გამოიწვია ვეფხვი ორთაბრძოლაში და დაამარცხა, რითიც დაამცირა. ეს ორი ნიშანი დიდად არ მეგობრობს ერთმანეთთან. 31-ში ღამით სუფრაზე ნუ გედება საქონლის ხორცი. ვეფხვს უყვარს მწვანილეული. აუცილებელია წყლით სავსე ფიალა.“

„ვეფხვის პრინტიანი ტანსაცმლით 31 დეკემბერს, პირველ და 4 თებერვალს არ შევხვდეთ. შეიმოსეთ ჩვეულებრივ ფერებში. ფერებს რაც შეეხება,  კარგია, თუ იქნება ქვიშისფერი, ოქროსფერი, მწვანე,“ - განაცხადა ქეთი ვაწაძემ.

წყარო: ​დილა მშვიდობისა საქართველო

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

შეიძლება დაინტერესდეთ

„თუ დაღლილობა გაწუხებს, მაშინ ეს ვიდეო ზეპირად უნდა ისწავლო,“ - გიორგი ღოღობერიძის საინტერესო რჩევები

ექიმმა გიორგი ღოღობერიძემ დაღლილობის შესახებ ისაუბრა და იმ ადამიანებს, რომლებსაც უენერგიობა აწუხებთ საინტერესო რჩევები მისცა:

„შეიძლება შენც გაწუხებდეს დაღლილობის განცდა. დილით რომ გაიღვიძებ, ენერგია არ გაქვს. თითქოს ყველაფერი კარგადაა, მაგრამ ენერგია არ გაქვს. არ იცი რა გჭირს, სულ დაღლილად გრძნობ თავს. სწორედ ამ დროს უნდა ნახო ეს ვიდეო. ეს ის არის, რაც შენ აუცილებლად უნდა იცოდე.“

„დაღლილობის მიზეზი შეიძლება იყოს ის, რომ პაციენტს ჰქონდეს რაღაც აუტოიმუნური დაავადება: ცელიაკია, გაფანტული სკლეროზი და ა.შ. დაღლილობის კიდევ ერთი მიზეზი შეიძლება იყოს ანემია. როდესაც გაქვს ანემია, ორგანიზმს ჟანგბადი აკლია. ანემიის მქონე პაციენტებს აქვთ ფერმკრთალი კანი, სისუსტე, დაღლილობა, თავბრუ ეხვევათ. ეს ტიპური ანემიაა. თუ დილით იღვიძებ და ენერგია არ გაქვს, ხომ არ სჯობს ჩააბარო სისხლის ანალიზი და გაიგო, ხომ არ გაქვს ანემია. არამარტო რკინის ნაკლებობა, არამედ მისი სიჭარბეც შეიძლება იყოს დაღლილობის მიზეზი. დაღლილობის მიზეზი შეიძლება იყოს სიმსივნე. სიმსივნე, როგორც წესი, თავიდან არაფრით არ ვლინდება. პაციენტს შეიძლება ჰქონდეს მხოლოდ დაღლილობა, წონაში კლება, ცხელება. დაღლილობას იწვევს ალკოჰოლიც. სხეულს უჭირს გლუკოზის წარმოქმნა და გაქვს დაღლილობის განცდა.“

„დაღლილობის გამომწვევია დეპრესიაც, შაქრიანი დიაბეტიც. შაქრიანი დიაბეტი არის ჩუმი მტერი. დაღლილობის განცდა ადამიანს აქვს ჰიპოთირეოზის დროს, ამ დროს შეიძლება ჰქონდეს მშრალი კანიც, წონაში მატება, კუნთების სისუსტე და შეკრულობა. დაღლილობას იწვევს ადისონის დაავადებაც, თუმცა ასეთი პაციენტი ბევრი არ მყავს. ასევე ძალიან ვერაგი დაავადებაა ფიბრომიალგია. ამ დროს ადამიანს სხეულის სხვადასხვა უბანში აქვს ტკივილი, ყველგან ტკივა, ამინდზე, ტემპერატურაზე, შეხებაზე მგრძნობიარეა. ახალგაზრდებს ვთხოვ, რომ ფრთხილად იყვნენ აივ ინფექციასთანაც. შეიძლება აივ ინფექციის დროს ერთადერთი ნიშანი იყოს დაღლილობა და გადიდებული ლიმფური კვანძები. დაღლილობის გამომწვევი შესაძლოა იყოს ინფექციებიც, მათ შორის ინფექციური მონონუკლეოზი ( ასეთი პაციენტები საქართველოში ბევრი არიან), ასევე ჩვენი მთავარი პრობლემა, ტუბერკულოზიც.“

„დაღლილობას იწვევს ლეიკემია და ლიმფომა. როდესაც ვიღაცას აქვს დაღლილობის განცდა, ისინი ყოველთვის უნდა შემოწმდნენ ლეიკემია-ლიმფომაზე. ამ დაავადებებს ახლავს კლასიკური ჩივილი: მუდმივად დაღლილობის განცდა. ამასთანავე, თუ ვინმეს აქვს ჰეპატიტი, მას შეიძლება ჰქონდეს დაღლილობის განცდა. დაღლილობის წინაპირობა შესაძლოა იყოს პარკინსონის დაავადება. უენერგიობას იწვევს ძილის დარღვევები, ზედაპირული ძილი. თუ ხვრინავ, მით უმეტეს. ის იწვევს დილის საათებში გამოხატულად დაღლილობის განცდას. თუ შენ სვამ მედიკამენტებს არითმიების წინააღმდეგ, წნევის წინააღმდეგ, ასევე ანტიბიოტიკებს, თუ ხარ ქიმიოთერაპიაზე ან რადიოთერაპიაზე, ესეც იწვევს დაღლილობის განცდას. დაღლილობის გამომწვევია გაღიზიანებული ნაწლავის სინდრომიც. ფიქრი, რომ „არაუშავს, დაღლილი ვარ, ალბათ, ვიტამინები მაკლია,“ ეს სწორი მიდგომა არ არის. თუ შენ გაქვს დაღლილობის განცდა, მიმართე ექიმს. ჩაიტარე სისხლის ანალიზი ანემიაზე, ფარისებრი ჯირკვლის ჰორმონების ტესტირება, ასევე ღვიძლის დაავადებებზე, სიმსივნეებზე. ექიმს მიანდე ეს საქმე და იოლად დადგინება ყველაფერი,“- აღნიშნა გიორგი ღოღობერიძემ.

წყარო: ​Usmle მოსამზადებელი ცენტრი

წაიკითხეთ სრულად