Baby Bag

„თუ ბავშვი პრაქტიკულად ჯანმრთელია, არანაირი მნიშვნელობა არ აქვს, სად დავასვენებთ - ზღვაზე თუ მთაში“

„თუ ბავშვი პრაქტიკულად ჯანმრთელია, არანაირი მნიშვნელობა არ აქვს, სად დავასვენებთ - ზღვაზე თუ მთაში“

სად წავიყვანოთ ბავშვები დასასვენებლად - ზღვაზე თუ მთაში? - ამ თემაზე პედიატრმა ეკა უბერმა ისაუბრა. როგორც მან აღნიშნა, თუ ბავშვი პრაქტიკულად ჯანმრთელია, არანაირი მნიშვნელობა არ აქვს, სად დავასვენებთ:

„თანამედროვე ოჯახში, სადაც ყველა მუშაობს, მთა და ზღვა - ორივე ერთად ვერ ხერხდება, ფინანსურადაც საკმაოდ რთულია. რეალობას თვალი რომ გავუსწოროთ, არჩევანი წინაშე შეიძლება იყვნენ მშობლები. თუ ბავშვი პრაქტიკულად ჯანმრთელია, არანაირი მნიშვნელობა არ აქვს, სად დაასვენებთ - ზღვაზე თუ მთაში. ზღვასთან მიმართებაში არის მთელი რიგი კრიტერიუმები, რომლებიც ცოტა უფრო ართულებს მცირეწლოვან ბავშვთან ერთად დასვენებას, გაცილებით უფრო მეტ დეტალზე ყურადღების მიქცევაა საჭირო. 3 წლამდე ასაკის ბავშვებთან განსაკუთრებით, აუცილებელია გათვალიწინებულ იქნას, რომ მზის დამცავის მაღალფაქტორიანი კრემი, რომელიც სპეციფიკური იქნება ჩვილებისთვის. პარფიუმერიის შემცველი მზის დამცავები პრობლემური, ალერგიული შეიძლება აღმოჩნდეს. იქ არის მთელი რიგი რეჟიმის დაცვა - 10-დან 6 საათამდე არ არის სასურველი მზეზე გაყვანა, ეს უნდა მოხდეს, აუცილებლად დილით 10 საათამდე ან 6-ის შემდეგ. გასათვალისწინებელია არამატო მზის, ასავე სითბური დარტმა, რომელიც თუნდაც ჩრდილის პირობებში შესაძლებელია. მოკლედ, ზღვაზე უფრო მეტი საფიქრალია, ვიდრე მთაში,“ - აღნიშნა ეკა უბერმა.

მისივე თქმით, სასურველია დასვენება იყოს ხანგრძლივი, მინიმუმ 14-დღიანი:

„რაც უფრო მცირეწლოვანია ბავშვი, მით უფრო უჭირს აკლიმატიზაცია. ზოგადად, დადგენილია, რომ 7-10 დღე სჭირდება ბავშვს ახალ კლიმატურ პირობებთან შესაგუებლად - ეს შეიძლება იყოს: ძილის პროცესის დარღვევა, გაღიზიანებადობა, ჭირვეულობა, უმადობა. 7-10 დღე არის შეგუება ამ ახალ პირობებთან, შემდგომში იწყება ადატპაცია და ამასობაში მთავრდება დასვენებაც. ამიტომ რა თქმა უნდა, სასურველია დასვენება იყოს ხანგრძლივი, მინიმუმ 14-დღიანი“ - განაცხადა პედიატრმა.

მან ასევე ისაუბრა ჩვილების მაღალმთიან რეგიონებში დასვენების საკითხზეც:

„ის, რომ მაღალმთიან რეგიონებში ჩვილის აყვანა არ არის სასურველი, აბსოლუტურად მცდარი მოსაზრებაა. ერთადერთი - რაც უფრო ჩვილია, განსაკუთრებით 3 წლამდე ასაკის ბავშვზეა საუბარი, როდესაც ავადობის რისკები შედარებით უფრო მაღალია, ასე თუ ისე, ახლოს უნდა სამედიცინო დაწესებულება, სადაც პატარას ადეკვატურ დახმარებას აღმოუჩენენ“, - აღნიშნა ეკა უბერმა.

მისივე თქმით, მთავარია, რომ ბავშვი დავასვენოთ სიმწვანეში, სადაც იქნება ბევრი ჟანგბადი:

„ეს იქნება სოფლად, თუ მაღალმთიან კურორტებში, რა თქმა უნდა, ამას დიდი გადამწყვეტი მნიშვნელობა არ აქვს. ფიჭვნარი და მიკროკლიმატი საუკეთესოა, თუმცა უნდა გამოვყოთ ის ბავშვები, რომელთაც ალერგიული დაავადებების მაღალი რისკი აქვთ. თუ ბავშვს აქვს გარკევეულ მცენარეზე ალერგიული კომპონენტით განპირობებული ბრონქული ასთმა თუ სხვა ალერგიული გამოვლინენები, რა თქმა უნდა, კონკრეტულ შემთხვევაში უნდა იქნას გამორიცხული რისკები, რადგან შესაძლებელია მაღალმთიან სოფლებში ის კონკრეტული მცენარეები ყვაოდეს და პირიქით, სარგებლის ნაცვად, ზიანი მოუტანოს ბავშვს. ამიტომ ეს კონკრეტული კომპონენტები აუცილებლად გასათვალისწინებელია“, - განაცხადა ეკა უბერმა.

როგორც პედიატრმა აღნიშნა, ძალიან კარგია, რა თქმა უნდა, ურეკის მაგნიტური ქვიშა, თუმცა მტკიცებითი მედიცინა ბუნებრივ სიკეთეებს დიდად ყურადღებას არ აქცევს:

„მტკიცებითი მედიცინა, ანუ ფაქტებზე დაფუძნებული მედიცინა, ამ კონკრეტულ ბუნებრივ სიკეთეებს დიდად ყურადღებას არ აქცევს. ძალიან კარგია, რა თქმა უნდა, ურეკის მაგნიტური ქვიშა, როდესაც გარემო არის სუფთა და მისაღები ადრეული ასაკის ბავშვისთვის. ყველამ ვიცით, რომ ძალიან ხშირია ნაწლავური ინფექციები, განსაკუთრებით ზაფხულის პერიოდში და აქაც ძალიან ბევრი პრობლემა მოდის. ინფექციები წყლიდან, ქვიშიდან, რადგან ბავშვის კანი არის ძალიან ფაქიზი. სამწუხაროდ, კოვიდი არსად არ წასულა, ისევ და ისევ იგივე რეკომენდაციებია - პირბადე, ხელის ჰიგიენა და სოციალური დისტანცია და ალბათ ამ შემთხვევაში გასათვალისწინებელია ეს კომპონენტი - სადაც უფრო ნაკლები მჭიდრო კონტაქტები იქნება, იქ იქნება დასვენება კარგი“, - აღნიშნულ საკითხებზე პედიტრმა ეკა უბერმა ტელეკომპანია „რუსთავი 2“-ის გადაცემაში „სხვა შუადღე“ ისაუბრა.

წყარო: ​„სხვა შუადღე“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების​ ჯგუფი“)

„გაკაჟებისთვის უნდა გამოვიყენოთ ზაფხულის პერიოდი, ჰაერის, მზის და წყლის აბაზანები,“ - თემუ...
​პედიატრმა თემურ მიქელაძემ ბავშვებში პასიური კურორტული მკურნალობის მნიშვნელობის შესახებ ისაუბრა. მისი თქმით, კურორტზე ჰაერის, მზის და წყლის აბაზანების მიღება ბავშვის ჯანმრთელობისთვის ძალიან სასარგებლო...
„ბავშვებში ჩვენ რეკომენდაციას ვუწევთ კურორტულ პასიურ მკურნალობას,“ - პედიატრი თემურ მიქელა...
​პედიატრმა თემურ მიქელაძემ ბავშვებში კურორტული მკურნალობის მნიშვნელობაზე ისაუბრა. მან აღნიშნა, რომ პედიატრები რეკომენდაციას უწევენ კურორტულ პასიურ მკურნალობას:„ბავშვებში სასურველია პასიური თერაპია,​ ე...

შეიძლება დაინტერესდეთ

„ძალიან მნიშვნელოვანია ბავშვის საწოლის სწორი პოზიცია ოთახში,“ - ნევროლოგი ნინო თარხნიშვილი

ნევროლოგმა ნინო თარხნიშვილმა ჩვილის ძილის რეჟიმის მოსაწესრიგებლად მშობლებს საინტერესო რეკომენაციები მისცა:

„ძილის რეჟიმის ჩამოყალიბება ახალშობილობის პერიოდიდან უნდა დავიწყოთ. მნიშვნელოვანია საწოლის შერჩევა, საწოლის სწორი პოზიცია ოთახში. როდესაც თენდება სინათლე აუცილებლად უნდა აღწევდეს ოთახში და მზის სხივი აღწევდეს საწოლამდე. ეს ბავშვს ეხმარება, რომ ძილის ფიზიოლოგიური ცირკადულობა ჩამოუყალიბდეს და ეხმარება მას გამოღვიძებაში.

მატრასი უნდა იყოს აუცილებლად მყარი. არ არის არანაირი ბალიში სასურველი. ზოგიერ შემთხვევაში ვითვალისწინებთ პედიატრიულ პათოლოგიებს, რომლებიც ხშირია ხოლმე ახალშობილებში, როგორიც არის, მაგალითად, რეფლუქსი. ამ დროს რეკომენდებულია მატრასის ცოტა დახრა. უმეტეს შემთხვევაში მშობლებს 30 გრადუსიან კუთხეს ვურჩევთ ხოლმე და განსაკუთრებით მაშინ, როდესაც არის რეფლუქსი.

იმ ოთახში, სადაც ბავშვს ძინავს, ღამით უნდა იყოს შუქი. განსაკუთრებით, როდესაც საქმე ეხება ერთი წლის ასაკის შემდგომ პერიოდს. ამ დროს თვალსაჩინო ხდება შიშების არსებობა. ორი წლიდან უფრო აქტიურად მოდის ეს პრობლემა. ეს მომენტი აუცილებლად უნდა გავითვალისწინოთ და შევეცადოთ, რომ დავეხმაროთ ბავშვს მის გადალახვაში. იყოს შუქი ანთებული. ეს ამშვიდებს ბავშვს და არ უქმნის განცდას, რომ მარტოა.

ბოლო კვლევებით დადასტურდა, რომ ჩვილების უეცარი გარდაცვალების სინდრომი მკვეთრად შემცირდა, როდესაც მკაცრი რეკომენდაცია იქნა შემუშავებული ბავშვის ზურგზე წოლასთან დაკავშირებით. ზოგადი და ერთმნიშვნელოვანი რეკომენდაცია არის, რომ ბავშვს უნდა ეძინოს დამოუკიდებლად მის საწოლში,“- მოცემულ საკითხზე ნინო თარხნიშვილმა ტელეკომპანია „იმედის“ გადაცემაში „იმედის დილა“ ისაუბრა.

წყარო: ​„იმედის დილა“ 

წაიკითხეთ სრულად