Baby Bag

„ჩემს შვილებს ვასწავლი ხოლმე, რაღაც რომ გეწყინებათ და გაბრაზდებით აუცილებლად გამოხატეთ და თქვით-მეთქი,“ - თიკა ფაცაცია

„ჩემს შვილებს ვასწავლი ხოლმე, რაღაც რომ გეწყინებათ და გაბრაზდებით აუცილებლად გამოხატეთ და თქვით-მეთქი,“ - თიკა ფაცაცია

ტელეწამყვანმა თიკა ფაცაციამ ბრაზის დაძლევისა და მასთან გამკლავების იმ წესებზე ისაუბრა, რომელსაც შვილებს ასწავლის:

„ჩემს შვილებს ვასწავლი ხოლმე, რაღაც რომ გეწყინებათ და გაბრაზდებით აუცილებლად გამოხატეთ და თქვით-მეთქი. რაღაც ფორმის ჩარჩოში აუცილებლად თქვი, რა გწყინს, რა გტკენს გულს. თუ რაღაცნაირად ბრაზობ, აუცილებლად თქვი ხმამაღლა, რომ მეც გავიგო, სხვამაც გაიგოს, ვისგანაც გწყინს. თუ გვინდა ურთიერთობის გაგრძელება, რომ ვიცოდეთ, ერთმანეთისგან რა გვწყინს და რა გვიხარია.“

„ჩემი შვილი რომ ტირის ხოლმე, ვასწავლი: „მოდი, აბა ნელა ჩავისუნთქოთ, მერე ნელა გამოვუშვათ ჰაერი. როდესაც ტირი სუნთქვა ხომ გიჩქარდება და როდესაც სუნთქვას ამშვიდებ, ემოციაც მშვიდდება. ახალი ამბავი არ არის ნამდვილად, რომ ყველას სტრესსა და ბრაზში გვიწევს ყოფნა ყოველდღიურად. ყველას სხვადასხვა მიზეზი გვაქვს გასაბრაზებლად, მაგრამ ემოცია ყველას აკითხავს ხოლმე,“- აღნიშნულ საკითხზე თიკა ფაცაციამ ტელეკომპანია „რუსთავი 2“-ის გადაცემაში „სხვა შუადღე“ ისაუბრა.

წყარო: ​„სხვა შუადღე“ 

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„ამიტომ არის ლევან რატიანი ჩემი გმირი ყოველგვარი გადაჭარბების და გადამეტების გარეშე,“ - თი...
​ცნობილმა ტელეწამყვანმა თიკა ფაცაციამ პირველი საუნივერსიტეტო კლინიკის დირექტორის ლევან რატიანის შესახებ ისაუბრა და აღნიშნა, რომ ცნობილი ექიმი მისთვის ნამდვილი გმირია:„ორი ჩემთვის ძალიან საყვარელი, ძვი...

შეიძლება დაინტერესდეთ

„უკვე ერთი წლის ასაკის ბავშვზეც შეიძლება ექიმმა ეჭვი მიიტანოს, რომ პოტენციურად, შესაძლოა, იყოს აუტიზმის სპექტრის აშლილობა,“- ფსიქოლოგი მაია მაჭავარიანი

„უკვე ერთი წლის ასაკის ბავშვზეც შეიძლება ექიმმა ეჭვი მიიტანოს, რომ პოტენციურად, შესაძლოა, იყოს აუტიზმის სპექტრის აშლილობა,“- ფსიქოლოგი მაია მაჭავარიანი

ფსიქოლოგმა მაია მაჭავარიანმა აუტიზმის სპექტრის აშლილობების შესახებ ისაუბრა და ის ასაკი დაასახელა, როდესაც პედიატრებს ან ბავშვთა ნევროლოგებს აუტიზმის სპექტრის აშლილობაზე ეჭვის მიტანა შეუძლიათ:

„2-3 წლამდე, როგორც წესი ოფიციალურად დიაგნოზის დასმა არ ხდება. რა თქმა უნდა, პედიატრმა ან ბავშვთა ნევროლოგმა უკვე ერთი წლის ასაკის ბავშვზეც კი შეიძლება ეჭვი მიიტანოს, რომ ეს პოტენციურად, შესაძლოა, იყოს აუტიზმის სპექტრის აშლილობა. ასეთ შემთხვევაში მშობელს ვურჩევთ ხოლმე, რომ იყოს ყურადღებით, რას მიაქციოს ყურადღება. გაიცემა რეკომენდაციები, რა შეიძლება გაკეთდეს სახლის პირობებში. ბავშვს აუცილებლად ვიბარებთ მონიტორინგზე. ბავშვი აუცილებლად უნდაა შეფასდეს კიდევ რამდენჯერმე. შემდგომში უკვე ხდება საბოლოოდ დიაგნოზის გამოტანა.

ეს ისეთი ტიპის დიაგნოზია, რომლის „მოხსნა“ არ ხდება. არის მდგომარეობები, რომელიც შეიძლება გაქრეს მკურნალობის პროცესში. ეს არ არის ის მდგომარეობა, რომელსაც განვკურნავთ. მხარდაჭერა სჭირდება ყველას იმისთვის, რომ ხელი შევუწყოთ მათ სოციუმში ინტეგრაციას და ცხოვრების ხარისხი ჰქონდეთ მაღალი. ამის მიხედვით უკვე სპეციალისტი წყვეტს რა გაკეთდეს.

ადრეულ ასაკში ვიყენებთ სასკრინინგო დანიშნულების კითხვარებს, რომელშიც არის წონიანი კითხვები, რომლებიც გადამწყვეტია ეჭვის მიტანისთვის. მშობლის მიერ მოწოდებულ ინფორმაციაზე დაყრდნობით ვაკეთებთ დასკვნებს. ADOS-ის შემთხვევაში ამას აკეთებს სპეციალურად დატრენინგებული ადამიანი. მან იცის, რას უნდა დააკვირდეს, რა სტიმულები მიაწოდოს. ADOS ტესტს აქვს თავისი მოდულები, რომლებსაც ვარჩევთ იმის მიხედვით, რა დონეზე აქვს განვითარებული ბავშვს ენა. ხდება კლინიკური შეფასება, რის გამოც გადამწყვეტი მნიშვნელობა აქვს კლინიცისტის დატრენინგებას,“- მოცემულ საკითხზე მაია მაჭავარიანმა რადიო „ფორტუნას“ ეთერში ისაუბრა.

წყარო: ​რადიო „ფორტუნა“

წაიკითხეთ სრულად