Baby Bag

სახლში მაიონეზს სხვა რეცეპტით აღარ მოამზადებთ

სახლში მაიონეზს სხვა რეცეპტით აღარ მოამზადებთ

მაიონეზი გახლავთ კვერცხის გულის, ზეთის, მდოგვის და ლიმონის ან ძმრის კომბინაცია, რომელიც ემულსიის პროცესით მიიღება. მასში შემავალი ყველა კომპონენტი თუ ჯანსაღია, მაიონეზიც ჯანსაღია. თუმცა, მაღაზიაში ნაყიდ მაიონეზებს რიგი პრობლემები აქვთ და სწორედ ამიტომაა მიჩნეული არაჯანსაღად. ესენია:

რაფინირებული ზეთები (იქნება ეს მზესუმზირა, სოიო თუ ნებისმიერი სხვა რაფინირებული ზეთი. დეტალური ინფორმაცია ზეთებზე: https://rb.gy/peuot4)

დამატებული შაქრები და დამატკბობლები

ემულგატორები და სტაბილიზატორები რომელიც შენახვის ვადას უხანგრძლივებენ (დეტალური ინფორმაცია ემულგატორებზე: https://rb.gy/bbvgnq)

მარილის ნაცვლად MSG რომელიც ასევე ჯანმრთელობისთვის საფრთხის შემცველია (დეტალური ინფორმაცია MSG-ზე: https://rb.gy/7wzn0t)

როგორ მოვიქცეთ?

მაღაზიაში ყიდვისას, ეცადეთ ყურადღება მიაქციოთ შემადგენლობას და აარჩიოთ მაღალი ხარისხის, ჯანსაღი ზეთით დამზადებული მაიონეზი ან უკეთესი ალტერნატივაა მისი სახლში მომზადება.

აქვე გიზიარებთ მაიონეზის რეცეპტსაც

ინგრედიენტები:

  • 2 კვერცის გული (პასტერიზებული)
  • 2 ჩაის კოვზი ლიმონის წვენი
  • 1/4 ჩაის კოვზი მარილი
  • მწიკვი შავი წიწაკა
  • 1.5 ჩაის კოვზი მდოგვი
  • 200 მლლ ზეითუნის ან ავოკადოს არარაფინირებული ზეთი
  • მომზადების წესი:

    ყველა ინგრედიენტი, ზეთის გარდა კარგად შეურიეთ ერთმანეთს, შეგიძლიათ გამოიყენოთ ე.წ. მიქსერი ან შეურიოთ მექანიკური ხელის შემრევით. როცა ერთიან მასას მიიღებთ, ნელ-ნელა დაუმატეთ ზეთიც.

    წყარო:​ Epicalorie

    შეიძლება დაინტერესდეთ

    ცუდი მადა ბავშვებში - ევგენი კომაროვსკის 10 რეცეპტი პრობლემის მოსაგვარებლად

    ცუდი მადა ბავშვებში - ევგენი კომაროვსკის 10 რეცეპტი პრობლემის მოსაგვარებლად

    ცნობილმა პედიატრმა ევგენი კომაროვსკიმ სოციალურ ქსელში პოსტი გამოაქვეყნა, რომელშიც მშობლებს ბავშვის უმადობასთან გამკლავების გზებზე საინტერესო რჩევები მისცა:

    1. კვების აუცილებლობაზე საუბრები მინიმუმამდე დაიყვანეთ. ეს ისეთივე არაბუნებრივია, როგორც სუნთქვის აუცილებლობაზე საუბარი.

    2. არასდროს აგრძნობინოთ ბავშვს, რომ მისი სურვილი ჭამოს ან არ ჭამოს, გააღოს პირი, კარგად დანაყრდეს, თქვენთვის რაიმე მნიშვნელობის მქონეა.

    3. კვების იძულება შანტაჟით, ყვირილით, მუქარით ან საჩუქრებით არ შეიძლება. უმადოდ მირთმეულ საკვებს ორგანიზმი სათანადოდ ვერ ითვისებს. როდესაც ბავშვი მშიერი არ არის, კუჭ-ნაწლავის ტრაქტი საკვების მისაღებად მზად არ არის ( არ არის სათანადო რაოდენობით ფერმენტები, ნაწლავები ბოლომდე არ გათავისუფლებულა წინა კვებაზე მიღებული საკვებისგან, კუჭში მარილმჟავა არასაკმარისი რაოდენობითაა).

    4. ბავშვის მხრიდან საკვების მიღების ენთუზიაზმის დაკარგვა, როდესაც ის კოვზის მიწოდებისას თავს აბრუნებს, პირს არ აღებს, ამბობს, რომ საკვების მიღება არ სურს, იმაზე მიგანიშნებთ, რომ გაიღიმოთ და მისთვის საკვების მიწოდება შეწყვიტოთ.

    5. მადასთან დაკავშირებით ნებისმიერი პრობლემის წარმოქმნის შემთხვევაში, კვებებს შორის ინტერვალებში ბავშვისთვის რაიმე სახის საკვების მიწოდება შეწყვიტეთ. ბავშვს, რომელმაც საუზმის მირთმევაზე უარი განაცხადა, სადილობამდე საკვები არ შესთავაზოთ.

    6. დემოკრატიული მიდგომები ეფექტიანია რაციონის შერჩევისას. ძალიან კარგი იქნება, თუ სამზარეულოში შესვლამდე ბავშვს ჰკითხავთ, როგორი ფაფაა მისთვის სასურველი: შვრიის, სიმინდის, წიწიბურის თუ ბრინჯის? თუ მაგიდაზე ბავშვს მისი სურვილით მომაზებულ ბრინჯის ფაფას დაუდგამთ, ის კი სხვა საკვებს ითხოვს, მის თხოვნაზე დათანხმება პრინციპულად არასწორია. ადამიანის შრომის პატივისცემისა და მადლიერების სწავლა იმ ადამიანისადმი, ვინც საკვები მოამზადა, არანაკლებ მნიშვნელოვანია, ვიდრე მადის გაუმჯობესება.

    7. ულუფების ზომის შემცირება, საკვებში პროდუქტების კონცენტრაციის შემცირება (პროდუქტებით გადატვირთული წვნიანის ნაცვლად მსუბუქი წვნიანის მომზადება), კვებებს შორის ინტერვალის გაზრდა - ეს მარტივი და ეფექტიანი გზებია მადის გაძლიერებისთვის.

    8. მადის გაძლიერებაზე დიდ გავლენას ახდენს სისხლში გლუკოზის დონის შემცირება. მადის დაქვეითების საუკეთესო გზა ბავშვისთვის კანფეტის მიცემაა. დაიცავით წესი, რომ ტკბილეული მხოლოდ დესერტად გამოიყენეთ ძირითადი კვების შემდეგ.

    9. ფიზიკური აქტივობა ენერგიის დახარჯვისთვის აუცილებელია. რთულია მადა გქონდეს მაშინ, როდესაც მთელი შენი ცხოვრება სავარძელი, გაჯეტი და თბილი ოთახია.

    10. მნიშვნელოვანია დარწმუნებული იყოთ, რომ ბავშვს უბრალოდ არ სურს საკვების მირთმევა, თუმცა მას ეს ფიზიკურად შეუძლია. თუ ბავშვს არ უნდა კვება, საშიში არაფერია. უბრალოდ საკვების მიღების დრო ჯერ არ დამდგარა. თუ ბავშვს კვება არ შეუძლია, ყლაპვისას ტკივილს გრძნობს, უჭირს საკვების დაღეჭვა, გულისრევის შეგრძნება ან ღებინება აწუხებს, აუცილებლად მიმართეთ ექიმს დახმარებისთვის.

    ​წყარო

    წაიკითხეთ სრულად