Baby Bag

ხილი თუ ხილის წვენი? - რომელია უმჯობესი?

ხილი თუ ხილის წვენი? - რომელია უმჯობესი?

ნუტრიოციოლოგმა მარი მალაზონიამ მთლიანი ხილისა და ხილის წვენის სასარგებლო თვისებების შესახებ ისაუბრა. 

,,ძალიან მნიშვნელოვანი რეკომენდაციები მინდა გაგიზიაროთ, რომელიც არაერთი ორგანიზაციის მიერ არის შეჯერებული და ბავშვთა კვებისათვის განიხილება როგორც ერთ-ერთი მთავარი ღერძი. ბავშვთა ჯანმრთელობისათვის მნიშვნელოვანია ყველა ჯგუფის პროდუქტის მოხმარება, მათ შორის უპირველესად ბოსტნეულისა და ხილის.''

ნუტრიციოლოგმა განსაკუთრებით გამოყო ხილი. მან აღნიშნა, რომ საზოგადოების დამოკიდებულება განსხვავებულია მთლიანი ხილის და ხილის წვენის მიმართ:

,,რომელია უმჯობესი ბავშვისთვის მთლიანი ხილი მივაწოდოთ თუ მივცეთ ხილის წვენი. რა უპირატესობა აქვს ხილის წვენს? ხილის წვენი არის თითქოს ბევრად უფრო კომპაქტური, ადვილად მოსახმარი, იმიტომ რომ არ მოითხოვს ღეჭვას, ჩაკბეჩვას, გადამუშავებას. გარდა ამისა, ის არის ნარჩენებისგან გასუფთავებული, მოსახერხებელი ერთბაშად მისაღებად, ასევე კალორიულ შევსებას გვაძლევს ძალიან სწრაფად. ბავშვებისთვის ადვილად მისაღებია, რადგან მათ უყვართ წვენების მიღება, განსაკუთრებით თუ ტკბილია კიდევ უფრო მოსწონთ. ჩვენ აქ ვსაუბრობთ წვენზე და არა ხილის სასმელზე, რომელიც მარკეტინგულად შეფუთუფლია, უფრო ლამაზია, 100%-ით ნატურალური წვენი შეიძლება არ გამოიყურებოდეს ისე ეფექტურად, როგორც გასაყიდად გამზადებული ხილის სასმელი.''

მარი მალაზონია აღნიშნავს, ხილის წვენს თუ მთლიან ხილს შევადარებთ, ბევრად პროცესირებულია. ეს ერთი და მეორე, ძალიან მნიშვნელოვანია მცენარეული ბოჭკო, რომელიც აუცილებლად იქნება დაკარგული ხილის წვენში (დამუშავების პროცესში იკარგება). მესამე ფაქტორი - წვენი შეგვიძლია, ერბაშად დავლიოთ, მთლიანი ხილის მირთმევის შემთხვევაში კი გვჭირდება რამდენიმე ორგანოს ჩართვა, იმისათვის, რომ პროდუქტი აღვიქვათ, ჩავკბიჩოთ, დავღეჭოთ, დავაქუცმაცოთ და შემდეგ მივცეთ გზა მონელებისათვის, ამას აქვს ძალიან დიდი მნიშვნელობა თავად ორგანიზმისათვის და  ბავშვის ჯანმრთელობისთვის. 

რატომ?

,,იმიტომ რომ დადგინდა, მაგალითად, 4 წლამდე ასაკის ბავშვებისთვის აუცილებელია დაახლოებით 1 ჭიქამდე ნატურალური ხილი იყოს გადანაწილებული დღის განმავლობაში. 4 -17 წლის ზემოთ ბავშვებისთვის საშუალოდ ორი ჭიქაა საჭირო (მეტ-ნაკლებობით, სხვადასხვა ფაქტორების გათვალისწინებით). ასევე გასათვალისწინებელია როგორ შეესაბამება მთლიანი ხილისა და წვენის ულუფა. მთლიანი ხილის ულუფა წვენს შეესაბამება შემდეგნაირად - 1 ულუფა ხილი არის დაახლოებით 170 გრ. წვენი, ანუ 178 მლ. მოცულობით (ჭიქაზე ოდნავ ნაკლები). ეს არის ძალიან მნიშვნელოვანი ბავშვის ჯანმრთელობისთვის, იმიტომ რომ როდესაც ვსაუბრობთ პირის ღრუს ჯანმრთელობაზე, გასათვალისწინებელია ზოგიერთი წვენის მოხმარების სიფრთხილე. მაგალითად, ციტრუსის მოხმარების შემთხვევაში, ერთი მხრივ ძალიან სასარგებლოა, მეორე მხრივ კი ახასიათებს კბილებში მიკრობზარების შემთხვევაში, მათი შემდგომი დაზიანება, რაც მშობელმა აუცილებლად უნდა გაითვალსიწინოს და წვენის მოხმარების შემდეგ პირის ღრუს ჰიგიენა გამოიყენოს'' - აღნიშნულის შესახებ ნუტრიციოლოგმა მარი მალაზონიამ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა. 

შეიძლება დაინტერესდეთ

10 საზაფხულო პროდუქტი, რომელიც ორსულების მენიუში უნდა იყოს

10 საზაფხულო პროდუქტი, რომელიც ორსულების მენიუში უნდა იყოს

ზაფხული წელიწადის ის დროა, რომელიც ყველაზე გრძელი და მცხუნვარე დღეებით ხასიათდება. ეს სეზონი ორსულებისთვის ნაკლებად სასურველია, თუმცა მწველ დღეებს თან მინერალებითა და ვიტამინებით გაჯერებული ბევრი სახეობის ხილი და ბოსტნეული მოჰყვება, რაც სასარგებლოა თქვენი და თქვენი პატარას ჯანმრთელობისთვის. ამ სტატიაში გირჩევთ იმ „​საზაფხულო ​პროდუქტებს“, რომლებიც აუცილებლად უნდა იყოს ორსულების მენიუში.

1. მიკროგრენი

​მიკროგრენი მწვანეფოთლოვანთა ოჯახს მიეკუთვნება. სასარგებლო და გემრიელი ნაყოფი მრავალმხრივი მკვებავი თვისებებითაც გამოირჩევა. მიკროგრენი მდიდარია C და E ვიტამინებით, რომლებიც აამაღლებს თქვენს იმუნიტეტს ცხელი ზაფხულის განმავლობაში. მიკროგრენის ერთ-ერთი უპირატესობა მისი გამოყენების სხვადასხვა ვარიაციაა - შეგიძლიათ ის გამოიყენოთ კერძის ინგრედიენტად ან უბარლოდ გასაფორმებლად, მეტი ვიზუალური ეფექტისთვის. მაგალითად, მიკროგრენი უხდება სენდვიჩსა და ომლეტს. 

2. საზამთრო

საზამთრო შესანიშნავია ორგანიზმის ჰიდრატირებისთვის. ის კლავს წყურვილის გრძნობას და იცავს ორგანიზმს გამოშრობისგან. საზამთრო კარგია წახემსებისთვის. მაღალი ტემპერატურის დროს ის მარტივად აღგიდგენთ ენერგიას. ასევე, ფიზიკური აქტივობის ან სეირნობის დროს საზამთროს წვენი ერთ-ერთი პოპულარული სასმელია. 

3. მოხარშული კვერხი

მოხარშული კვერცხი მარტივი და მსუბუქი გზაა ცილის მისაღებად. ორსულობისას ერბო კვერცხის მომზადებაც კი დიდ ძალისხმევას მოითხოვს, ამ დროს მოხარშული კვერცხი საუკეთესო გამოსავალია. თქვენ შეგიძლიათ მისი მრავალმხრივ გამოყენება: სალათებში, კერძების გასაფორმებლად, სენდვიჩების დასამზადებლად. თითოეულ ვარიანტში მიიღებთ საჭირო ცილასა და სხვა მიკრონუტრიენტს, რომლებიც აუცილებელია ორსულობის განმავლობაში. 

4. კენკრა

ზაფხული მდიდარია სეზონური ხილით, მათ შორის კენკრით, რომელიც შესანიშნავად ერწყმის სმუზს, იოგურტს, ხილის კოქტეილს, სხვადასხვა ფაფას. ზაფხულში კენკრის დიდი არჩევანია: მარწყვი, ჟოლო, მოცვი, მაყვალი. კენკრა მდიდარია ანტიოქსიდანტებით, ასევე ბოჭკოთი, რომელიც დაგეხმარეთ ყაბზობის თავიდან ასაცილებლად. ასევე, თუ მარწყვი სახლში მოგყავთ და მისი მოკრეფა თქვნთვის სასიამოვნო თავშესაქცევი საშუალებაა, შეგიძლიათ ისიამოვნოთ ამ შესაძლებლობითაც. 

5. ბერძნული იოგურტი

ბერძნული იოგურტი დღის დაწყების საუკეთესო ვარიანტია. მისი მიღებისას ორგანიზმი მარაგდება დიდი რაოდენობის პროტეინით. გარდა ამისა, ცივი იოგურტის ფაქტურა შესანიშნავია ზაფხულის ცხელ დღეებში. ამასთანავე, იგი გაჯერებულია ჯანსაღი ცხიმებით, რაც იმას ნიშნავს, რომ თქვენ დღის ვრცელი პერიოდი დანაყრებულად იგრძნობთ თავს. სურვილის შემთხევაში შეგიძლიათ, ბერძნულ იოგურტს შვრიის ფაფა დაურთოთ და საუზმე მეტად ნოყიერი აქციოთ.

 6. კიტრი

კიტრი შეიცავს დიდი რაოდენობით წყალს, რომელიც დადებითად მოქმედებს მთელს ორგანიზმზე თვალების ჩათვლით. თუ თქვენ გაწუხებთ ალერგია ან უძილობა, კიტრი ნამდვილად დაგეხმარებათ. ასე რომ, გაასუფთავეთ კიტრი ყუნწებისგან და დაწურეთ ან უბრალოდ დაჭერით და მიირთვით.

7. პიტნა

თუ წყალს დაუმატებთ პიტნას, მიიღებთ არომატულ სასმელს, რომელიც კანის რეცეპტორების გააქტიურებით დიდხანს შეგინარჩუნებთ სიგრილეს. ასევე, შეგიძლიათ პიტნას დაუმატოთ „პიტნის მეგობარი“ პროდუქტებიც და ასე ებრძოლოთ სიცხეს.

8. პომიდორი

პომიდორი გემოსა და მრავალხმრივი გამოყენების გამო ზაფხულის ერთ-ერთი მთავარი ბოსტნეულია. მისი გამოყენებით შეგიძლიათ მოამზადოთ გასპაჩოს ცივი წვნიანი, ბოსტნეულის სალათები ან მარტივად - მიირთვათ მარილითა და წიწაკით. გარდა იმისა, რომ პომიდორი ორგანიზმს სიგრილის შეანრჩუნებაში ეხმარება, იგი შეიცავს ლიკოპეინს, წითელ კაროტინს, რაც გვიცავს მზის დამწვრობისგან (ასეთივე ნივთიერება გვხვდება სტაფილოშიც). 

9. ალუბალი

ალუბალი ჯანმრთელობისთვის სასარგებლო ბევრი თვისებით ხასიათდება. ეს ხილი ვიტამინების, პროტეინის, რკინის, მინერალებისა და კალციუმის ნამდვილი „საცავია“. ის ასტიმულირებს და აძლიერებს იმუნურ სისტემას, ხელს უწყობს ახალშობილის გონებრივ ჯანმრთელობას, ასევე ასუსტებს ინფლამაციასა და შებერილობას, გეხმარებათ ძილის გაუმჯობესებაში.

10. ყაბაყი

ყაბაყი ერთ-ერთი ყველაზე ჰიდრირებული ბოსტნეულია, რომელიც ბევრ რეცეპტს შეგიძლიათ მოარგოთ. ყაბაყი ფოლიუმის მჟავის, კალიუმის, ვიტამინების (A, C) წყაროა. ყველა ეს ელემენტი კი ფუნდამენტურად მნიშვნელოვანია პრენატალური ჯანმრთელობისთვის.


ასე რომ, თქვენ უკვე იცით როგორ უნდა გაუმკლავდეთ ზაფხულის ცხელ დღეებს. მოიმარგეთ ზემოთ აღნიშნული პროდუქტები-სრული მზადყოფნითა და ამაღლებული განწყობით დაუხვდით ახალ სეზონს!

ავტორი: მარიამ კვეტენაძე

წყარო: www.mother.ly

წაიკითხეთ სრულად