Baby Bag

„მაწვნის გამოყენება ჩვილ ბავშვთა კვებაში არ არის გამართლებული“

„მაწვნის გამოყენება  ჩვილ ბავშვთა კვებაში არ არის გამართლებული“

,,​მაწონი ნამდვილად სასარგებლო პროდუქტია, თუმცა მისი ჩვილ ბავშვებთან გამოყენება არ არის გამართლებული'' - აღნიშნულის შესახებ ინფექციონისტმა მაია ბუწაშვილმა განაცხადა. 

მისი თქმით, ჩვილი ბავშვის ნაწლავები არ არის მზად მაწვნის გადასამუშავებლად. რაც შეეხება მაწვნის სახლში მომზადებას, როგორც ინფექციონისტმა აღნიშნა, თუ ჰიგიენური ნორმები და წესები დაცულია, მაშინ არანაირი პრობლემა არ არის: 

,,თუ სახლშია მაწონი დაყენებული და ჰიგიენური პირობები კარგად არის დაცული, ზოგჯერ ცხიმიანობის პრობლემაა, მაგრამ თუ ყველაფერი დაცულია, მაშინ არანაირი პრობლემა არ არის. ზოგადად, ჩვილ ბავშვებთან მაწვნის გამოყენება არის სადაო თემა, რადგან მათთვის არ არის კარგი პროდუქტი,'' - დასძინა მაია ბუწაშვილმა. 

წყარო: ,,სხვ​ა შუადღე''


„პატარებისთვის ძროხის რძისა და მაწვნის მიცემას, მე რეკომენდაციას არ ვუწევ“
პატარებისთვის ძროხის რძისა და მაწვნის მიღება არ არის რეკომენდებული, რა არის ამის მიზეზი? - აღნიშნულ კითხვაზე ​Momsedu.ge​-ს ცნობილმა პედიატრმა, მედიცინის მეცნიერებათა დოქტორმა ინგა მამუჩიშვი...
,,ძროხის რძის მიღება ერთ წლამდე ასაკის ბავშვებში რკინადეფიციტური ანემიის განვითარების ერთ-...
რკინადეფიციტური ანემიის შესახებ თსუ-ს ასოცირებული პროფესორი, პედიატრი ეკა უბერი საუბრობს. მისი თქმით, ​რკინადეფიციტური ანემიის განვითარების რისკ-ჯგუფებს წარმოადგენენ პირველ რიგში დღენაკლული,...

შეიძლება დაინტერესდეთ

„შეიძლება ბავშვის კიდურები შეხებით სხეულის სხვა ნაწილებთან შედარებით გრილი მოგეჩვენოთ, მაგრამ ეს არ ნიშნავს, რომ მას სცივა,“- პედიატრი მეგი ფარქოსაძე

პედიატრმა მეგი ფარქოსაძემ ჩვილის მოვლის წესებზე ისაუბრა და მშობლებს საინტერესო რეკომენდაციები მისცა:

„დღევანდელი ტენდენციებით ნამდვილად აღარ არის მიზანშეწონილი ჩვილის მჭიდროდ შეკვრა. პირიქით, ხელების საშუალებით ჩვილი შეიცნობს სამყაროს, თავისი ხელების შეხებით, პირში ჩადებით. ფეხების ერთმანეთთან მჭიდრო პოზიციაში ყოფნა არავითარ შემთხვევაში არ არის რეკომენდებული, რადგან ხელს უწყობს ჩვილ ბავშვთა ასაკში დისპლაზიის ჩამოყალიბებას. რაც უფრო განზიდულ პოზიციაში იქნება ქვედა კიდურები, მით უფრო თავიდან აგვარიდებს ამ გავრცელებულ პრობლემას.

სხეულის სხვა ნაწილებთან შედარებით შეიძლება ბავშვის კიდურები შეხებით გრილი მოგეჩვენოთ, მაგრამ ეს არ ნიშნავს, რომ თქვენს ბავშვს სცივა. ყელში ან კისერზე ხელი უნდა მოკიდოთ და მისი სხეულის ჭეშმარიტ ტემპერატურას ასე განსაზღვრავთ.

ძალიან მნიშვნელოვანია, რომ ბავშვთან გქონდეთ მუდმივი კონტაქტი, ჩაეხუტოთ, ხელში გყავდეთ აყვანილი, ესაუბროთ ნებისმიერ თემაზე. ხელში აყვანით ბავშვი არ გაფუჭდება ნამდვილად. ბავშვი თავის პატარა სამყაროში იყო და უზარმაზარ სამყაროში აღმოჩნდა. შეიძლება მან მარტო იგრძნოს თავი, ჰქონდეს შიში ამასთან დაკავშირებით. თქვენი ჩახუტება, როგორც დედის, ასევე მამის ძალიან მნიშვნელოვანია. ეს შეხება მნიშვნელოვანია იმიტომ, რომ ბუნებრივ იმუნიტეტს უზიარებენ მშობლები ამ შეხებით ჩვილს. შესაბამისად მისი იმუნური სისტემა უფრო ძლიერდება,“- მოცემულ საკითხზე მეგი ფარქოსაძემ ტელეკომპანია „რუსთავი 2“-ის გადაცემაში „ექიმები“ ისაუბრა.

წყარო: ​„ექიმები“ 

წაიკითხეთ სრულად