Baby Bag

ტრენინგი დიფერენცირებული და პროექტული მეთოდით სწავლება დაწყებით საფეხურზე

ტრენინგი დიფერენცირებული და პროექტული მეთოდით სწავლება დაწყებით საფეხურზე

7-8 სექტემბერს ტრენინგი დიფერენცირებული და პროექტული მეთოდით სწავლება დაწყებით საფეხურზე ჩატარდება. კურსი არის სხვადასხვა საგნის (გარემოს, ისტორიის....) მასწავლებლებისთვის. 

სარეგისტრაციო ფორმა იხილეთ ​აქ.

ძირითადი საკითხები:

• დიფერენცირებული სწავლების მიდგომები, სტრატეგიები და ამოცანები.
• დიაგნოსტირება როგორც დიფერენცირების საფუძველი;
• მონაწილეების მიერ დიფერენცირებული გაკვეთილების დაგეგმვა/პრეზენტაცია და ტრენერის უკუკავშირი;
• პროექტული სწავლების მიდგომები, სტრატეგიები და ამოცანები;
• მონაწილეების მიერ პროექტული სწავლების აქტივობების დაგეგმვა/ პრეზენტაცია და ტრენერის უკუკავშირი.

კურსის ხანგრძლივობაა 2 დღე. ღირებულება 90 ლარი. 

შეიძლება დაინტერესდეთ

ბოლო კვირის მონაცემით, სკოლებში Covid-19-ის გავრცელების მაჩვენებელი კვლავ შემცირებულია

ბოლო კვირის მონაცემით, სკოლებში Covid-19-ის გავრცელების მაჩვენებელი კვლავ შემცირებულია

​განათლებისა და მეცნიერების სამინისტროს ინფორმაციით, ბოლო კვირის მონაცემებით, სკოლებში ინფიცირების მაჩვენებელი შემცირდა. ვირუსი დაუდასტურდა მასწავლებლების 0.9%-ს, ხოლო მოსწავლეების – 0.3%-ს, რაც წინა კვირის მაჩვენებელთან შედარებით ნაკლებია.

საქართველოს განათლებისა და მეცნიერების სამინისტრო სკოლებში Covid-19-ის ვირუსის გამოვლენისთანავე დროულ რეაგირებას ახდენს და ჯანდაცვის სფეროს წარმომადგენელთა რეკომენდაციის საფუძველზე, ცალკეული კლასი ან სკოლა მყისიერად გადადის დისტანციურ სწავლებაზე.

„ბოლო კვირის მონაცემის მიხედვით, საქართველოს მასშტაბით დისტანციურ სწავლებაზე გადავიდა 218 სკოლა და ცალკეული 415 კლასი, რაც წინა კვირის მონაცემებთან შედარებით ასევე შედარებით დაბალი მაჩვენებელია.

მასწავლებელთა და სკოლის ადმინისტრაციის წარმომადგენელთა ვაქცინაციის პროცესი კვლავ გრძელდება. ამ ეტაპისთვის აცრილია მათი 69,6%.

სწავლის სასკოლო სივრცეში განახლებიდან დღემდე საქართველოს მასშტაბით დისტანციურ სწავლებაზე იმყოფება რისკის ჯგუფის 142 მასწავლებელი.

საქართველოს განათლებისა და მეცნიერების სამინისტრო სკოლებში Covid-19-ის ვირუსის პრევენციის მიზნით აქტიურად მუშაობს სხვადასხვა მიმართულებით. ასევე აქტიურად მიმდინარეობს Covid-19-ზე მასწავლებელთა ტესტირება. სკოლები სრულად არიან აღჭურვილი პანდემიის პრევენციისათვის სასწავლო წლის ბოლომდე საჭირო რესურსების მარაგით.

განათლებისა და მეცნიერების სამინისტრო კიდევ ერთხელ მოუწოდებს სრულიად სასკოლო საზოგადოებას, მაქსიმალურად დაიცვან ჯანდაცვის სფეროს რეკომენდაციები, აქტიურად ჩაერთონ ვაქცინაციის პროცესში.

თავის მხრივ, ზოგადსაგანმანათლებლო დაწესებულებები მაქსიმალურად უზრუნველყოფენ ჯანდაცვის სფეროს რეკომენდაციების დაცვასა და უსაფრთხო გარემოს შექმნას. ამ პროცესს მონიტორინგს საგანმანათლებლო რესურსცენტრებისა და სამინისტროს წარმომადგენლები უწევენ“, - აღნიშნულია განათლებისა და მეცნიერების სამინისტროს მიერ გავრცელებულ ინფორმაციაში.

წაიკითხეთ სრულად