Baby Bag

მასწავლებლის სახლი ინგლისური ენის პედაგოგებისთვის კონკურსს აცხადებს

მასწავლებლის სახლი ინგლისური ენის პედაგოგებისთვის კონკურსს აცხადებს

მასწავლებლის სახლი ინგლისური ენის პედაგოგებისთვის კონკურსს აცხადებს.

კონკურსი ითვალისწინებს :

- ინგლისური ენის მასწავლებლების პროექტებზე დაფუძნებული სწავლების უნარების გაღრმავებასა და საკლასო პრაქტიკაში დანერგვის ხელშეწყობას;

- მოსწავლეთა ინგლისური ენის ცოდნის გაღრმავებას, მოსწავლეებში 21-ე საუკუნის უნარების ( გუნდური მუშაობა, ანალიზი, კვლევა, ეფექტური კომუნიკაცია, კრიტიკული აზროვნება ა.შ.) განვითარებას, საყოველთაოდ აღიარებული ღირებულებების შესახებ მოსწავლეთა ცნობიერების ამაღლებას.

- გლობალური საკითხების ინტეგრირებას შემოქმედებით საგაკვეთილო პროცესში, გაერთიანებული ერების მდგრადი განვითარების მიზნების შესაბამისად, როგორიცაა: გენდერული თანასწორობა, სამოქალაქო უფლებები, გარემოს დაცვა, ჯანსაღი ცხოვრების წესის დამკვიდრება, სიღარიბე, განათლება და ა.შ

კონკურსის პირობები

კონკურსში მონაწილეობის მიღება შეუძლიათ ინგლისური ენის მასწავლებლებს, რომელთაც წარმატებით დაასრულეს ბრიტანეთის საბჭოსა და მასწავლებელთა პროფესიული განვითარების ეროვნული ცენტრის მიერ ორგანიზებული ტრენინგკურსი „პროექტზე დაფუძნებული სწავლება ინგლისური ენის გაკვეთილზე“ (2018- 2019 წლებში).

მასწავლებელი კონკურსისათვის ბრიტანეთის საბჭოში წარმოადგენს ტრენინგის მასალების მიხედვით განხორციელებული პროექტის:

  • გეგმას, ყველა გამოყენებულ რესურსთან ერთად ( საგაკვეთილო გეგმები, ელექტრონული რესურსების ლინკები და ა.შ).
  • პრეზენტაციას, რომელიც ნათლად უნდა ასახავდეს პროექტის შეფასების რუბრიკებთან შესაბამისობას ( შესაძლოა გამოყენებული იყოს აუდიო, ვიდეო, ფოტოები ა.შ).
  • მოსწავლეთა ჯგუფის მიერ მომზადებულ პრეზენტაციას, რომელშიც წარმოდგენილი იქნება პროექტის ფარგლებში შექმნილი საბოლოო პროდუქტი.

შენიშვნა: მასწავლებელთა და მოსწავლეთა პრეზენტაციებს თან უნდა ახლდეს შესაბამისი კომენტარები.

კონკურსისათვის წარმოდგენილი პროექტები შეფასდება დანართი N1- ში მოცემული პროექტის შეფასების რუბრიკის მიხედვით.

პროექტების ბრიტანეთის საბჭოში წარდგენის საბოლოო ვადაა: 2020 წლის 31 იანვარი.

კონკურსის დოკუმენტაცია და პრეზენტაციები დარეგისტრირებულმა მასწავლებლებმა WeTransfer – ის მეშვეობით უნდა გააგზავნონ შემდეგ ელექტრონულ ფოსტაზე: [email protected], სათაურით- ‘PBL Competition Entry’.

კონკურსის ფინალისტებს შესაძლებლობა ექნებათ გაიარონ ბრიტანეთის საბჭოსა და მასწავლებელთა პროფესიული განვითარების ეროვნული ცენტრის ერთობლივი პროექტის „ სწავლება წარმატებისათვის, პროექტზე დაფუძნებული სწავლება და ინტერდისციპლინარული თანამშრომლობა“ ფარგლებში დაგეგმილი ტრენინგ კურსი „ თემატური სწავლებისა და ინტერდისციპლინარული თანამშრომლობის ხელშეწყობა ზოგად განათლებაში შინაარსისა და ენის ინტეგრირებული სწავლების (CLIL) მეთოდოლოგიის გამოყენებით“.

სარეგისტრაციო ლინკი: ​კონკურსი ინგლისური ენის მასწავლებლებისთვის

დანართი N1

შეიძლება დაინტერესდეთ

სიახლე და ბოლო შანსი მაძიებელი პედაგოგებისთვის - ტრენინგები 10 კრედიტისთვის

სიახლე და ბოლო შანსი მაძიებელი პედაგოგებისთვის - ტრენინგები 10 კრედიტისთვის

ახლოვდება პედაგოგთა სასერტიფიკაციო გამოცდა და იმატებს დაძაბულობაც. რამდენად არის შესაძლებელი მაძიებელმა პედაგოგმა დაძლიოს 10 კრედიტზე ეს გართულებული გამოცდა, როდესაც ასეთი დიდი რაოდენობის მასალის დამოუკიდებლად დამუშავებას ძალიან დიდი ძალისხმევა სჭირდება.

შესაძლებელია თუ არა გამარტივდეს ეს ჯაფა?

რა თქმა უნდა შესაძლებელია, თუ ამაში მაღალკვალიფიციური, გამოცდილი და საუკეთესო შედეგების მქონე მენტორი დაგეხმარებათ. თუ ის მოგაწვდით დამუშავებულ თეორიულ მასალასა და გამართულ სავარჯიშოთა კრებულს.

ეს რეალობაა! შეგიძლიათ შეიმსუბუქოთ შრომა და ბევრად უფრო მარტივად ჩააბაროთ გამოცდა 10 კრედიტზე.

10 კრედიტის მოსაპოვებელ ტრენინგზე დეტალური ინფორმაციისა და რეგისტრაციისთვის ეწვიეთ მოცემულ ბმულს: ​https://forms.gle/SrUs682n6CJR81Yz8​

დამატებითი ინფორმაციისთვის დარეკეთ ნომერზე: 591 504 325

R

წაიკითხეთ სრულად