Baby Bag

ვებინარი ინგლისური ენის მასწავლებლებისთვის

ვებინარი ინგლისური ენის მასწავლებლებისთვის

მასწავლებელთა პროფესიული განვითარების ეროვნული ცენტრის ინფორმაციით, ხვალ 18 მარტს ინგლისური ენის მასწავლებლებისთვის ვებინარი გაიმართება. გთავაზობთ ცენტრის მიერ გავრცელებულ ინფორმაციას:

„​ინგლისურის მასწავლებლებს 2021 წლის 18 მარტს 17:00 საათზე ბრიტანეთის საბჭოს „მასწავლებელთა ონლაინ საზოგადოების“ პლატფორმა გთავაზობთ ვებინარს ბრიტანელ ექსპერტებთან (დევიდ კრისტალი, პენი ური, დევიდ რაითი და სხვა.) „როგორ გავხადოთ საკლასო ოთახი უფრო მეტად ინკლუზიური“. რეგისტრაციისა და შეხვედრის შესახებ უფრო მეტი ინფორმაციისთვის ეწვიეთ ​ბმულს. 

აქვე შეგახსენებთ, რომ ბრიტანეთის საბჭოს, განათლების, მეცნიერების, კულტურისა და სპორტის სამინისტროსა და მასწავლებელთა პროფესიული განვითარების ეროვნული ცენტრის ერთობლივი პროექტის ფარგლებში „მასწავლებელთა ონლაინ საზოგადოება - საქართველო“ პლატფორმა ხელმისაწვდომი იქნება ყველა ინგლისური ენის მასწავლებლისთვის 2021 წლის მაისიდან. გისურვებთ წარმატებებს!“ - აღნიშნულია მასწავლებელთა პროფესიული განვითარების ეროვნული ცენტრის მიერ გავრცელებულ ინფორმაციაში.

Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწავლებლე​ბის სანდო წყარო“.

​მასწავლებელთა პროფესიული განვითარების ეროვნული ცენტრი განცხადებას ავრცელებს
​მასწავლებელთა პროფესიული განვითარების ეროვნული ცენტრი მასწავლებლებთან აქტიური თანამშრომლობით, აგრძელებს მასწავლებლის საქმიანობასთან დაკავშირებული დოკუმენტების სრულყოფას:როგორც იცით, დაგეგმილია „მასწა...

შეიძლება დაინტერესდეთ

„გთხოვთ, საშუალება მოგვცეთ, ჩვენც გავიდეთ მასწავლებელთა შემოდგომის გამოცდაზე“ - მასწავლებლობის მსურველთა პეტიცია

„გთხოვთ, საშუალება მოგვცეთ, ჩვენც გავიდეთ მასწავლებელთა შემოდგომის გამოცდაზე“ - მასწავლებლობის მსურველთა პეტიცია

2020 წლის შემოდგომის გამოცდაზე გასვლის უფლებას მასწავლებლობის მსურველები ითხოვენ. მათ პეტიციაც შექმნეს ​„შემოდგომის გამოცდაზე მასწავლებლობის მსურველთა დაშვება“, რომელსაც 5 313 ხელმომწერილი ჰყავს.

„როგორც მოგეხსენებათ, მასწავლებლობის მსურველები ვაბარებდით 2020 წლის სასერტიფიკაციო გამოცდებს. ვფიქრობთ, რომ არათანაბარ პირობებში ვართ პრაქტიკოს მასწავლებლებთან შედარებით. თუ მათ გადაუვადეს გამოცდა, ჩვენთვისაც შეიძლებოდა შეღავათის გაწევა. გთხოვთ, საშუალება მოგვცეთ, რომ ჩვენც გავიდეთ მიმდინარე წლის მასწავლებელთა შემოდგომის გამოცდაზე,“ - წერია პეტიციაში.

შეგახსენებთ, რომ პრაქტიკოსი მასწავლებლების ტესტირება გადავადდა და შეფასებისა და გამოცდების ეროვნული ცენტრის მიერ შემოდგომაზე ჩატარდება. მასწავლებლობის მსურველთა გამოცდა კი ივლისში გაიმართა და მათ შემოდგომის გამოცდაზე გასვლის უფლება არ აქვთ.

წაიკითხეთ სრულად