Baby Bag

,,ლეგენდა იმის შესახებ, რომ ორსულობა ქალს აახალგაზრდავებს, რა თქმა უნდა, მტკნარი სიცრუეა''

,,ლეგენდა იმის შესახებ, რომ ორსულობა ქალს აახალგაზრდავებს, რა თქმა უნდა, მტკნარი სიცრუეა''

ხატია სიჭინავას და რამაზ ნოზაძის მეოთხე შვილი - მიქაელი უკვე სახლშია. ახალშობილი თავს კარგად გრძნობს. ოთხი შვილის დედა ინსტაგრამზე საკმაოდ აქტიურია და დედებისთვის საინტერესო თემებზე ხშირად წერს. ამჯერად ხატია იმ სირთულეებზე საუბრობს, რაც ორსულობას თან სდევს:

,,ლეგენდა იმის შესახებ, რომ ორსულობა ქალს აახალგაზრდავებს თუ სამუდამო სიცოცხლის ელექსირს უცოცხლებს და უკვდავების ყვავილს ჩუქნის, რა თქმა უნდა, მტკნარი სიცრუეა. ორსულობა, ნებისმიერი ასაკის ქალისთვის, პირველ რიგში, არის ორგანიზმის სტრესი. უდიდეს სიხარულთან ერთად, შენს მუცელში იზრდება და იბერება ყველა ორგანო. როგორც არ უნდა გიხდებოდეს ორსულობა, შენი ორგანოები განიცდიან სრულ შევიწროებას და ბოლოს, კუჭი გაქვს ყელთან, რაც ხშირ შემთხვევაში იწვევს საშინელ გულძმარვას, ხოლო სხვა ორგანოები საერთოდ გაუგებარ ადგილებშია მიკუჭული. მოკლედ, საპატიო სტუმარი რომ არა შენს მუცელში, რომელსაც მართლაც რომ რამდენი შეძლებია, ალბათ, ძნელი იქნებოდა ამ მდგომარეობის სილამაზე აღგექვა. საერთოდ, მე ვფიქრობ, მიზანშეწონილი და სამართლიანი იქნებოდა ერთს დედა აჩენდეს, მეორეს მამა და ასე რიგრიგობით. მოკლედ, რაც შეეხება ჩემს ბოლო ორსულობას, ყველაფერს თავისი ასაკი აქვს, მითუმეტეს, ფეხმძიმობას. ასე რომ, თუ 40 წლისთვის კიდევ მოგინდათ გაიმეოროთ ეს მდგომარეობა, მოემზადეთ ფიზიკურადაც და ფსიქოლოგიურადაც. ორსულად ვარ და მეპატიება დაივიწყეთ. წონა აკონტროლეთ ! ეცადეთ, ბევრი იმოძრაოთ. ნუ თუ კარანტინი არ მოგიწიათ. მოკლედ არ დამძიმდეთ ჩემსავით, რომ მერე დასიებულ კოჭებს რომ დახედავთ, გულმა არ გხიოთ, მოუარეთ საკუთარ თავს. თქვენს შვილებს ჯანმრთელი სჭირდებით. ახლა შეკითხვა: ვინ იყავით ორსულობის (საკეისროს) მერე შეშუპებული? (კოჭები, თითები, კისერი) და რამდენი დრო დაგჭირდათ დასაცხრობად?'' - აღნიშნავს ხატია ინსტაგრამზე. 

--insta--

შეიძლება დაინტერესდეთ

,,გრიპის ვირუსით ინფიცირებამ შესაძლოა, ძალიან დიდი საფრთხე შეუქმნას ორსულის ჯანმრთელობას" - მეან-გინეკოლოგი

,,გრიპის ვირუსით ინფიცირებამ შესაძლოა, ძალიან დიდი საფრთხე შეუქმნას ორსულის  ჯანმრთელობას" - მეან-გინეკოლოგი

,,​რასაკვირველია, დიდი მნიშვნელობა აქვს, რომ ორსული იყოს ჯანმრთელი. მაგრამ აქვე მინდა, ხაზი გავუსვა, რომ რაც უნდა ჯანმრთელი იყოს ის, სეზონური, გრიპის ვირუსით ინფიცირებამ შესაძლოა, ძალიან დიდი საფრთხე შეუქმნას მის ჯანმრთელობას", - ამის შესახებ მეან-გინეკოლოგმა, მედიცინის დოქტორმა, ნოდარ ზალდასტანიშვილმა ,,პირველი არხის" გადაცემაში ,,პირადი ექიმი მარი მალაზონია" ისაუბრა. 

,,ვირუსი გავრცელდება ზედა სასუნთქ, ქვედა სასუნთქ გზებში.  დიდია ალბათობა, რომ ჯანმრთელი ორსული უფრო ადვილად დაამარცხებს ამ ვირუსს, ვიდრე - საწყისი, ფონური დაავადების მქონე ორსულობის შემთხვევაში - უნდა აღინიშნოს, რომ ეს ფონური დაავადებებია დიაბეტი, გულსისხლძარღვთა პრობლემები, სასუნთქი სისტემის პრობლემები, რომლებიც შეიძლება, ჰქონდეს ორსულს. ვადებთან მიმართებით, რასაკვირველია, ორგანოგენეზის პროცესში უფრო შეასაძლოა, იყოს მეტი საფრთხე გრიპის ვირუსთან მიმართებით, ეს არის პირველი, მეორე ტრიმესტრის დასაწყისი. 

ძალიან ხშირად აღწერილია შემთხვევები, როდესაც გრიპის ვირუსმა შესაძლოა, გამოიწვიოს ორსულობის დროზე ადრე დასრულება ან შესაძლოა, ნაადრევი მშობიარობა - გააჩნია, რა ვადაზე განვითარდება ინფექცია. აღწერილია შემთხვევები, რომ თუ ადრეულ ვადებშია გრიპის ვირუსით დაინფიცირება, შესაძლოა, იყოს მაღალი ტემპერატურა - ამ დროს შესაძლოა, ნაყოფთან მიმართებით განვითარდეს გარკვეული პრობლემები; ეს არის განვითარების პრობლემები, განსაკუთრებით, ნერვული  სისტემის მხრივ. არის მთელი რიგი კვლევები, რაც არ არის მტკიცებითი მედიცინით დადასტურებული. რასაკვირველია, ადრეულ პერიოდში უფრო არის შესაძლებელი, არსებობდეს საფრთხე ან შემდგომ უკვე ახალშობილთან მიმართებით. მაგრამ ნაყოფის სიმახინჯის გამომწვევი გრიპის ვირუსი არ არის, თუმცა, რასაკვირველია, აქვე მინდა, აღვნიშნო, რომ ყველა ორსულს - როგორც ჯანმრთელს, ისე არაჯანმრთლებს, სეზონის პერიოდში  ვურჩევთ გრიპის ვაქცინაციას. ასევე, მნიშვნელოვანია, თავი შეიკავოთ საზოგადოებრივი თავშეყრის ადგილებისგან, დაიცვათ ჰიგიენა, ხშირად გაანიავოთ ოთახი", - აღნიშნავს ნოდარ ზალდასტანიშვილი.

წყარო: ,,​პირადი ექიმი მარი მალაზონია"


წაიკითხეთ სრულად