Baby Bag

რა დატვირთვა აქვს ხილს ბავშვთა კვებაში და რა უნდა ვიცოდეთ ხილფაფების შესახებ

რა დატვირთვა აქვს ხილს ბავშვთა კვებაში და რა უნდა ვიცოდეთ ხილფაფების შესახებ
თანამედროვე, სავალალო ეკოლოგიური გარემოს პირობებში, სწორ კვებას ადამიანის ჯანმრთელობის შენარჩუნებაში წამყვანი როლი ენიჭება. ხოლო, როცა საქმე ბავშვთა კვებას ეხება, ჯანსაღი პროდუქტები ის უმნიშვნელოვანესი ფაქტორია, რომელიც პატარას განვითარებას უყრის საფუძველს. კვებითი დეფიციტის, სიმსუქნის და მთელი რიგი ქრონიკული დაავადებების თავიდან ასაცილებლად, ვიტამინებითა და მინერალებით ბუნებრივად გაჯერებული, მრავალფეროვანი საკვების მიღება სასიცოცხლოდ მნიშვნელოვანია.

კვების გზამკვლევის მიხედვით, გამოიყოფა საკვების 4 ძირითადი ჯგუფი, ესენია:
1. ხილი და ბოსტნეული
2. ბურღულეული
3. რძე და რძის ნაწარმი
4. ხორცი, ზღვის პროდუქტები, კვერცხი და ა.შ.
თითოეული ჯგუფი შეიცავს აუცილებელ ვიტამინებსა და სასარგებლო ნივთიერებებს, რომელთა რეკომენდებული რაოდენობის მიღებით, ბავშვები დღის სამყოფ ენერგიასა და საჭირო მიკროელემენტების დღიურ ნორმას იღებენ. კვლევებით დასტურდება, რომ ხილისა და ბოსტნეულის ჩვილობიდან მიღება ბავშვებს ჯანსაღ კვებით ჩვევებს უვითარებს. სწორედ ამიტომ, ყურადღება გვინდა, გავამახვილოთ ხილის მნიშვნელობაზე კვების რაციონში.

მსოფლიო გაიდლაინებით და პედიატრების რეკომენდაციით, მიიჩნევა, რომ ხილი საკვები დანამატის სახით პატარამ 4-6 თვიდან უნდა მიიღოს და შემდეგ სტაბილურად უნდა იყოს ეს პროდუქტები მის რაციონში. სამწუხაროდ, საქართველოს ბაზარი, ბიო ნატურალური ხილით არ არის განებივრებული, ამ პირობებში კი ყველაზე მოსახერხებელი და საიმედო ქარხნული წესით დამზადებული საბავშვო ხილფაფებია. 

ბავშვთა კვების მწარმოებლები უდიდეს ყურადღებას აქცევენ ნედლეულის ხარისხს, მის წარმომავლობას. ამიტომაც სანდოობა მათ მიმართ მეტია და როცა, ბავშვს მზა ხილფაფას ვაძლევთ, დაზუსტებით ვიცით, მაღალი ხარისხის ხილს ვთავაზობთ. ამის საუკეთესო მაგალითია ევროპული ბრენდის ​„როცა გავიზრდების“ 100%-ით ნატურალური ხილის ფაფები.

ხილი, რომელსაც აღნიშნული ფაფებისათვის იყენებენ, ეკოლოგიურად სუფთა გარემოშია მოყვანილი. პროდუქცია მზადდება უმაღლესი სტანდარტების ევროპულ ქარხანაში, სერბეთში. ​„როცა გავიზრდების“ ხილფაფები ბიო პროდუქტია, არ აქვს დამატებული ისეთი მავნე ნივთიერებები, როგორიცაა - საღებავები, კონსერვანტები, სახამებელი, გენმოდიფიცირებული ორგანიზმები. 

უმნიშვნელოვანესია, რომ ​„როცა გავიზრდების“ ხილფაფები არ შეიცავს შაქარს, მხოლოდ ხილის ნატურალური გემო და მასში ბუნებრივად არსებული ფრუქტოზა (ხილის შაქარი) აძლევს განსაკუთრებულ არომატს.

საყურადღებოა პროდუქტის შეფუთვაც - გარდა იმისა, რომ მოსახერხებელი უნდა იყოს, სრულად უნდა უნარჩუნებდეს სასარგებლო თვისებებს ხილფაფას. ევროპული ბრენდი ​„როცა გავიზრდები“ ამ დეტალებსაც ითვალისწინებს და ხილფაფების მრავალფეროვან ასორტიმენტს პაუჩის სახით წარმოადგენს.

ბავშვების გემოვნება განსხვავდება, ამიტომაც ​„როცა გავიზრდები“ პატარებს სთავაზობს როგორც მონოკომპონენტიან, ასევე მრავალკომპონენტიან ხილფაფებს, კარგად შეხამებული გემოებით. ასორტიმენტი საკმაოდ მრავალფეროვანია: ვაშლი, ქლიავი, მოცვი, ალუბალი, ჟოლო, ატამი, ბანანი, მანგო, პაპაია, მსხალი, ნესვი და სხვა. ყველა ეს ხილი გაჯერებულია პატარას განვითარებისათვის საჭირო ვიტამინებით, მაგალითად:

- ვაშლი - უნიკალური პროდუქტია,რომელიც მდიდარია C-ვიტამინითა და რკინით;

- მსხალი - შეიცავს ფოლიუმის მჟავას, რაც კვებავს ბავშვის თმასა და კანს;

- ქლიავი - ავსებს ორგანიზმს B-ჯგუფის ვიტამინებით, რომელიც საჭიროა ნერვული სისტემის ფუნქციონირებისათვის, ხელს უწყობს საჭმლის მომნელებელი სისტემის მუშაობას;

- ბანანი - მდიდარია კალიუმითა და B-ჯგუფის ვიტამინებით, ხელს უწყობს თირკმელების, ღვიძლისა და გულის ნორმალურ ფუნქციონირებას;

- ალუბალი - შეიცავს -A, B, C, PP ვიტამინებს. სპილენძის, რკინის, კალიუმის, მაგნიუმის მარილებს;

- მანგო - მასშია ადამიანის ორგანიზმისათვის მნიშვნელოვანი ვიტამინები -A,B,C,D. ასევე კალციუმი,რკინა,ფოსფორი,მაგნიუმი და თუთია;

- ნესვი - შეიცავს C ვიტამინს, ცილებს, სახამებელს, პექტინოვან ნივთიერებებს და მინერალურ მარილებს.

მართალია,​ „როცა გავიზრდების“ ხილის ფაფები, 4 თვიდან პატარებისათვისაა რეკომენდებული, მაგრამ სასარგებლო წასახემსებელია სკოლის მოსწავლეებისა თუ უფროსებისათვის, რომლებიც ცხოვრების ჯანსაღ წესს ირჩევენ.

​„როცა გავიზრდები“- საუკეთესო პროდუქტები ჩვილი ბავშვებისათვის, სასარგებლო ხემსი უფროსებისათვის. ევროპული ხარისხი თქვენი და თქვენი შვილების ჯანმრთელობისა და ჯანსაღი კვების ხელშესაწყობად. 

R.

შეიძლება დაინტერესდეთ

რომელი თვიდან შევთავზოთ პატარას მწყრის ხორცი და როგორ მოვამზადოთ? - პედიატრი თამარ ობგაიძე დეტალებზე

რომელი თვიდან შევთავზოთ პატარას მწყრის ხორცი და როგორ მოვამზადოთ? - პედიატრი თამარ ობგაიძე დეტალებზე

რატომ უნდა მივცეთ ბავშვს მწყრის ხორცი? - ამ თემაზე პედიატრი თამარ ობგაიძე საკუთარ ბლოგზე წერს. გთავაზობთ მის ჩანაწერს:

„გემრიელი, კალორიული, სასარგებლო - ეს მწყრის ხორცია. ჰოდა, თუ ყველა ამ თვისებას ფლობს, რატომ არ უნდა მივცეთ ის პატარას?! 
და მაინც, რითია გამორჩეული ამ მცირე ზომის ფრინველის ხორცი?
  • საკმაოდ კალორიული პროდუქტია. მისი ყოველი 100 გრამი 134 კკალ ენერგიას შეიცავს.
  • დიეტურია და ალერგიული ადამიანებისათვისაც ადვილი ასატანი. მწყრის ხორცი, ისევე როგორც მისი კვერცხი ხომ ოვომუკოიდს შეიცავს, რომელსაც ალერგიის საწინააღმდეგო თვისებები აქვს.
  • მწყრის ხორცში ცილა 21-22%-ია, ხოლო ცხიმი 2,5-4%.
  • ყველაზე მნიშვნელოვანი ცილის შემადგენლობაა. ის შეიცავს ყველა შეუცვლელ ამინომჟავას, რომელთა სინთეზი ადამიანის ორგანიზმს არ შეუძლია და ამავდროულად, ამინომჟავები ისეთი შემადგენლობითაა წარმოდგენილი, რაც ბავშვის ორგანიზმის მიერ მათ ათვისებას უწყობს ხელს.
  • მწყრის ხორცი B ჯგუფის ვიტამინების ნამდვილი საბადოა - ის დიდი რაოდენობით შეიცავს B6, B1, B6 B3, B12 ვიტამინებს.
  • ამ პატარა ფრინველის ხორცში ბევრი A ვიტამინია, რომელიც ბავშვის ზრდა-განვითარებისათვისაა აუცილებელი.
  • ეს ხორცი გამორჩეულია D ვიტამინის მაღალი შემცველობითაც. ის გაცილებით მეტია, ვიდრე იმავე რაოდენობის ქათმის ან ინდაურის ხორცში. ლიზოციმი, რომელსაც მწყრის ხორცი შეიცავს, იმუნურ რეაქციებში მონაწილეობს.
  • რკინის მაღალი შემცველობა ანემიის პროფილაქტიკისათვისაა მნიშვნელოვანი.
  • მწყრის ხორცი სხვა აუცილებელ და სასარგებლო ნუტრიენტებსაც შეიცავს - სპილენძს, კობალტს, მანგანუმს, თუთიას. ეს ნივთიერებები აუცილებლია ორგანიზმში მიმდნარე 300-ზე მეტი ქიმიური რეაქციისათვის, რადგან ისინი ამ რეაქციებისათვის საჭირო ფერმენტული სისტემების ნაწილია.
  • ბავშვის ძვლოვანი სისტემის სრულფასოვანი ჩამოყალიბებისათვის აუცილებელი კალციუმი და ფოსფორი ასევე დიდი რაოდენობითაა წამოდგენილი მწყრის ხორცში.
  • და მთავარი - ყველა ეს ნუტრიენტი ისეთი თანაფარდობითაა წარმოდგენილი, რომ ორგანიზმის მიერ ერთმანეთის ათვისებას ხელს უწყობს.
  • მწყრის ხორცს არ აქვს უკუჩვენებები, თუ პატარას მისი ინდივიდულური აუტანლობა არ აქვს.

როგორ ავარჩიოთ და მოვამზადოთ?
ნუ დაგაბნევთ ხორცის მუქი ფერი - მწყერი სხვა ფრინველისაგან განსხვავდება. თუ ხორცზე ხელის დაჭერისას ჩანაჭდევი მალე გასწორდა, ნიშნავს, რომ ხორცი ახალია.
ხორცის მოხარშვისას პირველი ნახარში აუცილებლად გადაღვარეთ - მწყრის ხორცი დიდი რაოდენობით პურინებს შეიცავს, რაც პატარასთავის სასარგებლო სულაც არ არის.
მწყრის ხორცის მიცემა (ნახარშის გარეშე) 8 თვიდან შეიძლება ბოსტნეულთან ან ბრინჯთან ერთად. გაითვალისწინეთ, რომ მწყრის ხორცი სწრაფად, დაახლოებით 30 წუთში იხარშება.
არ მისცეთ პატარას მწყრის ხორცი, თუ მისი წარმომავლობა არ იცით - მწყერი შეიძლება პარაზიტებით ან მიკრობებით, მაგალითად, სალომონელათი იყოს ინფიცირებული, რაც ბავშვის დაავადებას გამოიწვევს. სწორედ ამიტომ სჯობს, ბავშვს ფერმაში გაზრდილი, სერტიფიცირებული ფრინველის ხორცი სჯობს შესთავაზოთ,“ - წერს პედიატრი თამარ ობგაიძე.

წაიკითხეთ სრულად