თუ დიეტაზე ხარ და ტკბილი მოგენატრა, ეს ბრაუნი შენთვისაა

რეცეპტები

თუ გინდათ რომ პასკა ნოტიო და მძიმე გამოვიდეს, მაშინ MomsEdu.ge-ს რეცეპტი უნდა სცადოთ

5 წლის წინ

ახლოვდება აღდგომის ბრწყინვალე დღესასწაული და დიასახლისები მზადებას აქტიურად იწყებენ. MomsEdu.ge ქალებს საქმეს გიადვილებთ და იდეალური პასკის რეცეპტს გთავაზობთ. 

​საჭირო მასალა:

• კვერცხი - 10 ცალი;
• შაქარი - 10 ჭიქა; 
• ფქვილი - 3 კგ; (გაცრილი)
• მარგარინი - 500 გრ;
• კარაქი - 400 გრ;
• რძე - 1 ლ; (ანადუღარი, თბილი)
• არაჟანი - 800 გრ;
• ზეთი - 1ჭიქა;
• ქიშმიში - 300 გრ; (ყვითელი)
• დროჟი - 4 ს.კ;
• მარილი - 1 ჩ.კ;
• ილი და მუსკატი - 1 ჩაის კოვზი;
• პასკის ფერი - 10 გრ;
• ვანილი - 6 ც;
• მწიკვი მიხაკი და დარიჩინი;
• კონიაკი - 1 ს.კ

საფუარის მომზადება:

დროჟი გავხსნათ ცოტა წყალში + თბილი რძე + გაცრილი ფქვილი. უნდა მივიღოთ თხელი მასა, შემდეგ ჩავდოთ დიდ ჭურჭელში და დაველოდოთ ამოსვლას. 

ცომის მომზადების წესი:

ავთქვიფოთ 10 ცალი კვერცხი, დავამატოთ შაქარი და ცალკე გამდნარი მარგარინი და კარაქი, არაჟანი, რძე, საფუარი, მარილი, ვანილი, კონიაკი, სუნელები, ფქვილი (ცოტ-ცოტა), ზეთი (ნახევარი ჭიქა). 

ცომი რომ ამოვა, ჩავზილოთ და შევურიოთ ქიშმიში და თანდათან დარჩენილი ნახევარი ჭიქა ზეთიც მოვასხათ. ცომი 2-3 ჯერ ჩავზილოთ, დავდგათ თბილ ადგილას იმისთვის, რომ კარგად ამოვიდეს. 

პასკის ცხობა:

ყალიბებს წავუსვათ ზეთი. ცომი ჩავაწყოთ ნახევრამდე და დაველოდოთ ცოტა ხანი ამოსვლას, შემდეგ შევდგათ ღუმელში და 150 გრადუსამდე ვაცხოთ დაახლოებით 1 საათი. გამოცხობის შემდეგ ყალიბები დავდგათ ცივ წყალში დასველებულ ტილოზე, რომ ადვილად ამოვიღოთ ყალიბებიდან პასკები. გაგრილების შემდეგ ზემოთ შეგიძლიათ მოასხათ შავი ან თეთრი მინანქარი და მოაყაროთ შაქრის პუდრა. 

გემრიელად მიირთვით. 

წაიკითხეთ სრულად