ამის შესახებ პირველი საუნივერსიტეტი კლინიკის ხელმძღვანელი ლევან რატიანი სოციალურ ქსელში წერს.
გააზიარეთ პოსტი
რით ვერ დაინახე! მიდი, აკეთე სიკეთე რა..... რით ვერ აღიქვი! რით ვერ გაერკვიე! რით ვერ შეიგრძენი! ეს ის დროა, როცა შენი მე უნდა დაივიწყო და გადახვიდე ღმერთის სიყვარულში. რით ვერ უნდა მიხვდე, მე მაქვს და მას არ აქვს და მე მივცემ და მასაც ექნება, ეს გრძნობა რომ გაგიჩდეს და დანერგო. რით ვერ მიხვდი, რომ არ არის დრო სიძულვილის. ეს ის გრძნობაა, რაც ორივეს მოკვლას ახლა. რით ვერ მიხვდი, მე შენგან სიყვარული მინდა, მხოლოდ ეს გადაგვარჩენს. რით ვერ მიხვდი, მე შენგან მოვლა და ზრუნა მინდა. რით ვერ მიხვდი, თვალზე ცრემლი მადგას და ეს შენი ბრალია, ეს ცრემლი, რომ გამიქრო. რით ვერ მიხვდი, ბედნიერება მინდა, ამისთვის ცოტა რამაა საჭირო ჩემთვის. რით ვერ მიხვდი, სიხარული მინდა, ამისთვის შენგან ზრუნვა მჭირდება, რით ვერ მიხვდი შველა მინდა და უნდა მიშველო! რით ვერ მიხვდი, დარდი უნდა დამავიწყო! იცი, როდის ვიქნები ბედნიერი? როცა ამას შეძლებს ჩემი ერი. უნდა შევძლოთ, ერთმანეთი რომ გადავარჩინოთ! სხვა გაზა არ გვაქვს, ჩვენ ყველა ერთი ვართ და უნდა გადავრჩეთ უკლებლივ ყველა! მიდი, აკეთე სიკეთე რა...
როდემდე გაგრძელდება დისტანციური სწავლება? - იხილეთ დოკუმენტი, რომელიც სკოლებს გადაეგზავნათ
განათლების მინისტრის მიხეილ ჩხენკელის ახალი ბრძანებით, რომელსაც მან ხელი 30 სექტემბერს მოაწერა, ოთხ დიდ ქალაქში VII-XII კლასელებისთვის 29 დეკემბრამდე სწავლა სრულად დისტანციურად გაგრძელდება.
აღნიშნულის შესაბამისი ბრძანება სკოლების დირექტორებს გაეგზავნათ.
დოკუმენტში აღნიშნულია, რომ თბილისში, ქუთაისში, რუსთავსა და ზუგდიდში საგანმანათლებლო დაწესებულებებმა 1-ლი ოქტომბრიდან 29 დეკემბრის ჩათვლით ჰიბრიდული მოდელი უნდა გამოიყენონ — I-VI კლასის მოსწავლეებისთვის დასწრებით სწავლების ფორმით, ხოლო VII-XII კლასების მოსწავლეებისთვის სრულად ელექტრონული ფორმით.
ბრძანების ზემოთ მოყვანილი ვადები არ ეხება თბილისის, ქუთაისისა და ზუგდიდის ზოგიერთ სკოლას. მათ დისტანციური სწავლება მხოლოდ გარკვეულ ვადებში უნდა განახორციელონ. კერძოდ:
ქალაქ თბილისის N69, N143, N154, N174, N2, N76, N145, N157, N168, N172, N179, ექვთიმე თაყაიშვილის სახელობის ქალაქ თბილისის N163 და ქაქუცა ჩოლოყაშვილის სახელობის ქალაქ თბილისის N178 საჯარო სკოლები — დისტანციურ სწავლება 2020 წლის 1 ოქტომბრიდან 2020 წლის 5 ოქტომბრამდე იქნება, ხოლო ქალაქ თბილისის N26 საჯარო სკოლაში — 2020 წლის 1 ოქტომბრიდან 2020 წლის 7 ოქტომბრამდე.
ქალაქ ქუთაისის N24 საჯარო სკოლაში დისტანციური სწავლება იქნება 2020 წლის 1 ოქტომბრიდან 2020 წლის 5 ოქტომბრამდე; ქალაქ ქუთაისის N16 საჯარო სკოლაში 2020 წლის 1 ოქტომბრიდან 2020 წლის 15 ოქტომბრამდე; ქალაქ ქუთაისის N11 საჯარო სკოლაში 2020 წლის 1 ოქტომბრიდან 2020 წლის 20 ოქტომბრამდე.
ზუგდიდის მუნიციპალიტეტის სოფელ ცაიშის საჯარო სკოლაში სწავლება დისტანციურად იქნება 2020 წლის 1 ოქტომბრიდან 2020 წლის 12 ოქტომბრამდე, ხოლო ზუგდიდის N3 საჯარო სკოლაში, სოფელ ინგირის N1 საჯარო სკოლაში, სოფელ რუხის საჯარო სკოლაში, სოფელ დიდინეძის საჯარო სკოლაში — 2020 წლის 4 ოქტომბრამდე.
რაც შეეხება აჭარას, ბრძანებაში აღნიშნულია, რომ სასწავლო პროცესი პირველი ოქტომბრიდან ეპიდემიოლოგიური ვითარების გამოსწორებამდე დისტანციურად უნდა წარიმართოს.
ბრძანებასთან დაკავშირებით განათლების სამინისტროში განმარტავენ, რომ ბრძანებაში, როგორც სამართლებრივ დოკუმენტში, ვადა პირობითადაა მითითებული და როგორც კი ახალ გადაწყვეტილებას მიიღებენ, ცვლილება დოკუმენტშიც შევა.
,,ეს არ ნიშნავს, რომ სწავლა გადადებულია. სამართლებრივად რაღაც ვადა უნდა ყოფილიყო მითითებული. როგორც კი იქნება მიღებული გადაწყვეტილება, შეიცვლება ვადაც", — აღნიშნეს სამინისტროს პრესსამსახურში.
