Baby Bag

„მოიცადე, მოვიდეს მამა!“ - რატომ არ უნდა დავემუქროთ შვილებს მამის სახლში დაბრუნებით?

„მოიცადე, მოვიდეს მამა!“ - რატომ არ უნდა დავემუქროთ შვილებს მამის სახლში დაბრუნებით?

დედები ხშირად იყენებენ გამოთქმას: „მოიცადე, მოვიდეს მამა!“ ისინი ამ ცნობილ ფრაზას ბავშვების დასაშინებლად ამბობენ, რათა ბავშვებმა არასასურველი ქცევისგან თავი შეიკავონ. მამის მოსვლით ბავშვის დაშინება ტრადიციული „ხრიკია,“ რომლის გამოყენება თანამედროვე დედებმა უნდა შეწყვიტონ.

მამა ბავშვის თვალში ცუდ ადამიანად წარმოჩინდება

როდესაც დედები შვილის დასაშინებლად ამბობენ: „მოიცადე, მამა მოვიდეს!“ ისინი ბავშვს მამის ნეგატიურ ხატს უყალიბებენ. მამა ცუდი ადამიანის როლშია გამოყვანილი. ეს ბავშვისა და მშობლის ურთიერთობაზე უარყოფითად აისახება. სახლში მოსული მამა იძულებული ხდება ბავშვის ნეგატიურ ქცევებს „გაუმკლავდეს,“ რაც შვილებთან ურთიერთობას აზიანებს.

ბავშვს მამის მიმართ შიში უჩნდება

მსგავსი ფრაზების ხშირად მოსმენა ბავშვს მამის მიმართ შიშის გრძნობას უნერგავს. ბავშვს არცერთი მშობლის არ უნდა ეშინოდეს. როდესაც თქვენ მას ეუბნებით, რომ მამა სახლში მოვა და მას პრობლემები შეექმნება, ის აცნობიერებს, რომ პრობლემებს მამისგან უნდა ელოდოს, რაც ბავშვში მშობლისადმი შიშის გრძნობას აჩენს. მსგავსი ფრაზები ბავშვს მთელი დღის განმავლობაში შფოთვაში ამყოფებს. თუ ბავშვი დილით დედისთვის მიუღებელ ქცევას გამოავლენს, ის საღამომდე შიშით ელის მამის მოსვლას და როგორც კი მამა კარს შემოაღებს, ბავშვის შიში პიკს აღწევს. ეს მის ფსიქიკურ ჯანმრთელობაზე ნეგატიურად ზემოქმედებს.

დედა ბავშვის თვალში სუსტად გამოიყურება

როდესაც დედა ბავშვს მამის მოსვლით ემუქრება, ის ამით მას უმტკიცებს, რომ თავად არ აქვს უნარი შვილი სწორად აღზარდოს და ის დისციპლინას აზიაროს. დედა მთლიანად მამაზეა დამოკიდებული, რომელიც სახლში დაბრუნებისას არსებულ ვითარებას მარტო უნდა გაუმკლავდეს. ეს ბავშვის თვალში დედას სუსტ ადამიანად წარმოაჩენს.

მამის მოსვლით დამუქრება ბავშვს აფიქრებინებს, რომ მას დედასთან ერთად ყოფნისას ყველაფრის გაკეთების უფლება აქვს, რადგან დისციპლინისა და წესრიგის დამყარებაზე პასუხისმგებელი მხოლოდ მამაა.

გირჩევთ ბავშვებს არასდროს დაემუქროთ „მამის სახლში დაბრუნებით,“ რადგან ეს დისციპლინის დამყარებაში ნაკლებად დაგეხმარებათ და ბავშვის ფსიქიკაზეც ნეგატიურად აისახება.

წყარო:​ Moms.com

შეიძლება დაინტერესდეთ

„ოჯახებში, სადაც ეწევიან თამბაქოს, მეტი პროცენტულობით გვხვდება ხშირად მოავადე ბავშვები,“- პედიატრი ნანა ტეფნაძე

„ოჯახებში, სადაც ეწევიან თამბაქოს, მეტი პროცენტულობით გვხვდება  ხშირად მოავადე ბავშვები,“- პედიატრი ნანა ტეფნაძე

პედიატრმა ნანა ტეფნაძემ ბავშვებთან ერთად სახლში მოწევის დამაზიანებელ შედეგებზე ისაუბრა. მან აღნიშნა, რომ იმ ოჯახებში, სადაც უფროსები ეწევიან ან ქრონიკული დაავადებების მქონე პირები ცხოვრობენ, ხშირად მოავადე ბავშვები ხშირად გვხვდებიან:

„სახლში ნამდვილად არ უნდა ეწეოდნენ თამბაქოს. ასეთი ოჯახებიდან ძალიან ხშირია ხშირად მოავადე ბავშვები, ვინაიდიან ისინი არიან პასიური მწეველები. ჩვენ ვთქვით, რომ ექვს წლამდე სრულად უყალიბდება ბავშვს იმუნიტეტი და როდესაც იმუნიტეტი ყალიბდება, ბავშვი გარემოსთან არის შეხებაში, ამ დროს ჩვენ გვყავს სახლში მწეველი ან ქრონიკული დაავადების მქონე პირი, აქ ხშირად მოავადე ბავშვთა პროცენტი მეტია.

ქრონიკულ დაავადებებში ვგულისხმობ ქრონიკულ ბრონქიტს, ფილტვის რომელიმე დაავადებას, სასუნთქი გზების ქრონიკულ დაავადებებს, ტონზილიტებს. ბავშვი, რომელიც იმუნიტეტს იყალიბებს, აუცილებლად არის რისკის ქვეშ. მით უმეტეს, თუ ის ამავე დროს დადის ბაღში. მე ძირითადად სკოლამდელი ასაკის ბავშვებზე მაქვს გათვლა,“- მოცემულ საკითხზე ნანა ტეფნაძემ „საზოგადოებრივი რადიოს“ ეთერში ისაუბრა.

წყარო:​ „საზოგადოებრივი რადიო“

წაიკითხეთ სრულად