Baby Bag

ბავშვს სულ ტელეფონი უჭირავს და თამაშებს თამაშობს, როგორ მოვიქცეთ? - ის, რომ საერთოდ ჩამოვართვათ ეს და დავსაჯოთ, მე არ მიმაჩნია სწორად

ფსიქოლოგმა ნათია ფანჯიკიძემ ბავშვების სხვადასხვა პრობლემასთან დაკავშირებით მშობლების შეკითხვებს უპასუხა და მათ რეკომენდაციები მისცა:

როგორ უნდა დაძლიოს 11 წლის ბავშვმა სიმაღლის შიში?

პატარა ბავშვებს არ აქვთ სიმაღლის შიში. ამიტომ სულ უკან ვდევთ, რომ არ აცოცდეს ფანჯარაზე, რომ არ მიიდგას სკამი. თუ ბავშვი მაინც ახერხებს ამას, შეკივლებით დავასწავლით ხოლმე, რომ ეს ძალიან სახიფათოა და საშიშია. ასეთ დროს უფროსი ადამიანი უნდა იყოს ბავშვის გვერდით, უფროს ადამიანს უნდა ჰქონდეს სიმყარე და მას არ უნდა ჰქონდეს ამის შიში. ბავშვს არ უნდა ვაიძულოთ, რომ ეს სწრაფად გადალახოს. ნაბიჯ-ნაბიჯ შეგიძლიათ თქვენთან ერთად გადაძლიოს ეს ბევრჯერ ერთი და იმავეს გამეორებით.

ბავშვს სულ ტელეფონი უჭირავს და თამაშებს თამაშობს, როგორ მოვიქცეთ?

ეს ონლაინ თამაში რა შინაარსის არის, ვნახოთ. თუ ბავშვს გარემო არ სთავაზობს რაიმე უფრო საინტერესოს, სწორედ მაშინ გარბიან ადამიანები მისგან. თუ ბავშვი თამაშობს თამაშს, რომელშიც არის ტანკი, საინტერესოა, რა მოსწონს მას ამ ტანკებში? იქნებ ვინმე ელაპარაკოს სამხედრო საქმეზე, იქნებ ასეთი ტიპის ინფორმაციებით აღჭურვოთ ბავშვი, რომ ეს თავისი თამაში თვალსაწიერის გაფართოებისთვისაც გამოვაყენებინოთ. მთავარია, რომ ეს არ ხდებოდეს მთელი დღე, მთლიანად არ შეიწოვოს ამ თამაშმა ბავშვი. ის, რომ საერთოდ ჩამოვართვათ ეს და დავსაჯოთ, მე არ მიმაჩნია სწორად.

როგორ ვუშველო უნიჭიერეს, მაგრამ ზარმაც შვილს, გამოცდებზე პრობლემები არ ექმნება, დაჯდება და წინა დღეს სწავლობს...

თუ ბავშვი დაჯდება, გამოცდის წინა დღეს სწავლობს და პრობლემები არ ექმნება, არ ჰქონია პრობლემა. რა გინდათ მაშინ? გამოიყენოს უნიჭიერესმა ადამიანმა დრო სხვა რამეების ათვისებისთვის. მარტო გაკვეთილები ხომ არ არის სამყაროში საინტერესო?! თუ პრობლემა ექმნება, მაშინ სხვაა, მაგრამ პრობლემა არ ექმნება ბავშვს და თუ ეს მაინც არის ჩვენი პრობლემა, ეს არასწორია.

წყარო:​ REDMED • რედმედი

შეიძლება დაინტერესდეთ

უგემრიელესი საახალწლო იდეალის მაფინების რეცეპტი ​„მასტერშეფის“ ფინალისტისგან

უგემრიელესი საახალწლო იდეალის მაფინების რეცეპტი ​„მასტერშეფის“  ფინალისტისგან

„მასტერშეფის“ ფინალისტმა მარიკა კოპალიანმა ტკბილეულის მოყვარულებს საახალწლო იდეალის მაფინების მომზადების წესი გააცნო:

„რადგან ახალი წელი მოდის, იდეალის მაფინები უნდა მოგიმზადოთ. ჩვენთან სახლში ყოველ წელს ტრადიცია გვაქვს, რომ მზადდება იდეალი. გადავწყვიტე გაგიკეთოთ კომბინაციაში იდეალის მაფინები. ცომისთვის გვჭირდება ფქვილი, შაქარი, ნიგოზი, კარაქი, კვერცხი, თაფლი, რძე და გამაფხვიერებელი.“

„ცომის გარდა ვაკეთებთ კრემს. ამისთვის დაგვჭირდება 250 გრამი მასკარპონე. შაქრის პუდრა - 70 გრამი, შედედებული რძე - 200 გრამი, გასაფორმებლად დაგვჭირდება მწვანე ფერი და ფსტას მუსი. იდეალის მაფინებს 170 გრადუსზე ვაცხობთ 40 წუთის განმავლობაში,“ - აღნიშნული რეცეპტი საზოაგდოებას მარიკა კოპალიანმა ტელეკომპანია „რუსთავი 2“-ის გადაცემაში „უიქენდი“ გააცნო.

მაფინების მომზადების დეტალურ რეცეპტს გაეცანით თანდართულ ვიდეოში.

წყარო:​ „უიქენდი“

წაიკითხეთ სრულად