Baby Bag

პრემენსტრუალური სინდრომი ეს ის მდგომარეობაა, რომელიც მოქმედებს ქალის ემოციურ მდგომარეობაზე, ფიზიკურ ჯანმრთელობასა და ქალის ქცევაზე უშუალოდ მენსტრუალური ციკლის დაწყებამდე

პრემენსტრუალური სინდრომი ეს ის მდგომარეობაა, რომელიც მოქმედებს ქალის ემოციურ მდგომარეობაზე, ფიზიკურ ჯანმრთელობასა და ქალის ქცევაზე უშუალოდ მენსტრუალური ციკლის დაწყებამდე

დღეს ხუთშაბათია და მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. პმს ანუ პრემენსტრუალური სინდრომი - დღეს მეან-გინეკოლოგი და ქირურგი ეკა ბუკია ამ თემაზე მოგაწვდით კომპეტენტურ ინფორმაციას. 

პრემენსტრუალური სინდრომი ეს ის მდგომარეობაა, რომელიც მოქმედებს ქალის ემოციურ მდგომარეობაზე, ფიზიკურ ჯანმრთელობასა და ქალის ქცევაზე უშუალოდ მენსტრუალური ციკლის დაწყებამდე.

სიმპტომები იწყება ციკლის დაწყებამდე 5-10 დღით ადრე და როგორც წესი სრულდება ციკლის დაწყებისას. გამომწვევი მიზეზი უცნობია თუმცა თვლიან, რომ გამომწვევი მიზეზია სასქესო ჰორმონებისა და სეროტონინის დონის ცვლილება.

ესტროგენისა და პროგესტერონის დონის მატებამ შესაძლოა გამოიწვიოს გუნება განწყობის ცვლილება, მოუსვენრობა და გაღიზიანებადობა. სეროტონინის დონე განსაზღვრავს ხასიათს, ემოციებსა და აზრებს.

რა სიმპტომები ახასიათებს პრემენსტრუალური სინდრომს ? ( პმს-ს)


28-დღიანი ციკლის დროს პრემენსტრუალური სინდრომის სიმპტომები შესაძლოა, დაიწყოს ოვულაციის დღიდან შემდეგი მენსტრუალური ციკლის დაწყებამდე. 

სიმპტომები ძირითადად მსუბუქი ან ზომიერი ხასიათისაა:
  • მუცლის შებერილობა
  • ყრუ ხასიათის ტკვილი მუცლის ქვედა არეში
  • სარძევე ჯირკვლების ტკივილი
  • გამონაყარი სახეზე
  • მომატებული მადა
  • მოთხოვნილება ტკბილზე
  • ყაბზობა
  • ფაღარათი
  • თავის ტკივილი
  • მგრძნობელობა სინათლის მიმართ
  • დაღლილობა
  • გაღიზიანებადობა
  • შფოთვა
  • მოუსვენრობა
  • დეპრესია
  • ძილის დარღვევა
როდის უნდა მივამრთოთ ექიმს?
მიმართეთ ექიმს მაშინ, როდესაც ზემოთ აღნიშნული სიმპტომიდან გაქვთ რამდენიმე სიმპტომი ერთად, რომლებიც ხელს უშლიან თქვენს ყოველდღიურ ცხოვერბას.
ასევე ექიმმა უნდა მოახდინოს დიფერენციალური დიაგნოსტიკა ისეთი დაავადებებისგან, როგორიცაა:
  • ანემია
  • ენდომეტრიოზი
  • ფარისებრი ჯირკვლის პათოლოგია
  • რევმატოიდული დაავადებები
  • გაღიზიანებული ნაწლავის სინდრომი
  • ქრონიკული დაღლილობა
როგორ ვუმკურნალოთ პმს-ს?
პმს-ის მკურნალობა არ ხდება, თუმცა შეგვიძლია ჩავატაროთ ღონისძებები, რომ შევამსუბუქოთ სიმპტომები.
თუ გაქვთ მსუბუქი ან საშუალო ხარისხის პმს, საჭიროა:
  • მიიღოთ ბევრი წყალი
  • მუცლის შებერილობის მოსახსნელად დააბალანსოთ კვება
  • მიირთვით ბევრი რაოდენობით ხილი და ბოსტნეული
  • შეამცირეთ მარილის, შაქრის, კოფეინისა და ალკოჰოლის რაოდენობა
  • ხასიათის ცვალებადობის შესამცირებლად მიიღეთ ფოლიუის მჟავა, B- ვიტამინი, კალციუმი და მაგნიუმი.
  • იძინეთ მინიმუმ 8 სთ- ღამის განმავლობაში რომ შეამციროთ დაღლილობა
  • ასევე შეგიძლიათ გამოიყენოთ ტკივილგამაყუჩებელი საჭიროების დროს
მძიმე ხარისხის პმს-ი გვხვდება ძალიან იშვიათად და ასოცირებულია ფსიქიკურ დარღვევებთან. სიმპტომებია:
  • დეპრესია
  • აზრები სუიციდის თაობაზე
  • პანიკური შეტევები
  • შფოთვა
  • გაბრაზება
  • ტირილი
  • გულგრილობა გარშემომ მიმდინარე პროცესებთან დაკავშირებით
  • უძილობა
  • კონცენტრაციის უნარის დაქვეითება
მძიმე ხარისხის პმს-ის დროს შესაძლოა ექიმმა ჩაგიტაროთ დამატებითი კვლევები და ასევე ფსიქიატრის კონსულტაცია, რათა საჭიროების შემთხვევაში მოხდეს შესაბამისი ანტიდეპრესანტის და დამატებითი მედიკამენტის დანიშვნა.

გისურვებთ ჯანმრთელობას!

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგ​უფი“)

შეიძლება დაინტერესდეთ

„ნიუ-ჰოსპიტალსში“ კოლორექტული კიბოს მკურნალობა ლაპაროსკოპიული ქირურგიითა შესაძლებელი

„ნიუ-ჰოსპიტალსში“ კოლორექტული კიბოს მკურნალობა ლაპაროსკოპიული ქირურგიითა შესაძლებელი

„ნიუ-ჰოსპიტალსში“ კოლორექტული კიბოს მკურნალობა ლაპაროსკოპიული ქირურგიითა შესაძლებელი. მკურნალობის აღნიშნულ მეთოდს ბევრი დადებითი მხარე აქვს, მათ შორის, შემცირებული ჰოსპიტალიზაციის პერიოდი, შემცირებული ტკივილი პოსტოპერაციულ პერიოდში, პაციენტის ნაადრევი გააქტიურება, უკეთესი კოსმეტიკური ეფექტი, ქსოვილების უკეთესი ვიზუალიზაცია ოპერაციის მსვლელობისას და ა.შ.

თემაზე უფრო დეტალურად MomsEdu.ge-სთან „ნიუ ჰოსპიტალსის“ ონკო-ქირურგმა, ზოგადმა ქირურგმა და ლაპაროსკოპისტმა ნოდარ ჩხიკვაძემ ისაუბრა.

- რა არის კოლორექტული კიბო და როგორია დაავადების გავრცელების სტატისტიკა?

ნოდარ ჩხიკვაძე: „კოლორექტული კიბო წარმოადგენს ავთვისებიან სიმსივნეს, რომელიც ვითარდება მსხვილი ან სწორი ნაწლავის ლორწოვანი გარსიდან. სწორი და მსხვილი ნაწლავის ავთვისებიანი სიმსივნეები ბიოლოგიურად განსხვავდებიან ერთმანეთისგან, მათი მკურნალობაც გარკვეულწილად განსხვავებულია.

ჯანდაცვის მსოფლიო ორგანიზაციის სტატისტიკით, კოლორექტული კიბო სიხშირით მესამე, ხოლო სიკვდილიანობით მეორე ადგილზეა. ყოველ წელს 2 მილიონამდე ადამიანი ავადდება კოლორექტული კიბოთი, საიდანაც 950 ათას ადამიანამდე კვდება ამ დაავადებით. სამწუხაროდ, ყოველწლიურად იზრდება კოლორექტული კიბოთი დაავადებულ ადამიანთა რიცხვი (ჯანდაცვის მსოფლიო ორგანიზაციის პროგნოზით, 2040 წელს კოლორექტული კიბოთი ავადობა 2 მილიონიდან - 3,5 მილიონამდე გაიზრდება).

კოლორექტული კიბოთი მამაკაცები 30 პროცენტით უფრო ხშირად ავადდებიან. კონკრეტულად ჩვენს ქვეყანას რაც შეეხება, საქართველოში ყოველწლიურად გვაქვს 700-მდე პირველადი შემთხვევა. აღნიშნულ დაავადებას კაცებში უკავია მეოთხე (ფილტვის, პროსტატის და შარდის ბუშტის სიმსივნეების შემდეგ), ხოლო ქალებში მესამე ადგილი (ძუძუს და ფარისებრი ჯირკვლის სიმსივნეების შემდეგ).“

- ვინ შედის რისკ-ჯგუფში?

ნოდარ ჩხიკვაძე: „მსხვილი ნაწლავის კიბოთი ყველაზე ხშირად ავადდებიან ადამიანები 50 წლის ზევით, თუმცა ბოლო 15 წლის განმავლობაში, 20-დან 49 წლამდე ასაკის ადამიანებში მსხვილი ნაწლავის კიბოთი დაავადებულთა რიცხვი ყოველწლიურად 1,5%-ით იზრდება.

რისკები, რომლებიც შეგვიძლია ავირიდოთ:

  • თამბაქოს მოხმარება: თამბაქოს პროდუქტების, მათ შორის, საღეჭი თამბაქოს და ელექტრონული სიგარეტის გამოყენება ზრდის მსხვილი ნაწლავის კიბოს განვითარების რისკს;
  • ალკოჰოლის მოხმარება: აუცილებელია, რომ მოხდეს ალკოჰოლური სასმელების მიღების სიხშირის შემცირება. ალკოჰოლის იშვიათმა გამოყენებამაც კი შეიძლება გაზარდოს კიბოს განვითარების რისკი;
  • უმოძრაობა: ნებისმიერი სახის ფიზიკურმა აქტივობამ შეიძლება შეამციროს მსხვილი ნაწლავის კიბოს განვითარების რისკი;
  • ჭარბი წონა: ცხიმიანი, მაღალკალორიული საკვების მიღებამ შეიძლება გავლენა მოახდინოს სხეულის წონაზე და გაზარდოს მსხვილი ნაწლავის კიბოს რისკი;
  • კვება, რომელშიც შედის უამრავი წითელი და დამუშავებულ ხორცი: ბეკონი, სოსისი, ძეხვი და ა.შ. ჯანდაცვის სპეციალისტები გვირჩევენ, რომ წითელი და დამუშავებული ხორცის მიღება კვირაში ორ პორციამდე შევზღუდოთ.

რისკები, რომლებსაც ვერ ავირიდებთ თავიდან:

  • გენეტიკური წინასწარგანწყობა. ასევე, გარკვეული გენეტიკური სინდრომები, რომლებიც მიბმულია მსხვილი ნაწლავის კიბოსთან, როგორებიცაა: ლინჩის სინდრომი და მემკვიდრული ადენომატოზური პოლიპოზი;
  • მსხვილი ნაწლავის ანთებითი დაავადებები, როგორებიცაა: წყლულოვანი კოლიტი და კრონის დაავადება;
  • პოლიპების ოჯახური ანამნეზი: თუ მშობელს, და-ძმას ან შვილს გამოუვლინდა გვიანი სტადიის პოლიპი, თქვენ შესაძლოა იმყოფებოდეთ მსხვილი ნაწლავის კიბოს მომატებული რისკის ქვეშ.“

- რა სიმპტომები მიგვანიშნებს კოლორექტულ კიბოზე?

ნოდარ ჩხიკვაძე: „კოლორექტულ კიბოს ადრეულ ეტაპზე მკვეთრად გამოხატული სიმპტომები არ ახასიათებს. სიმპტომები ჩნდება მაშინ, როდესაც სიმსივნე იწყებს ზრდას და გავრცელებას.

სიმპტომებია: დისკომფორტის და ტკივილის შეგრძნება მუცლის მიდამოში, მუცლის შებერილობა, წონაში კლება უმიზეზოდ, დაღლილობის შეგრძნება და ქოშინი, ფაღარათის და შეკრულობის მონაცვლეობა, სისხლიანი დეფეკაცია, ცრუ დეფეკაციის მოთხოვნა - „ტენეზმები“, ანემია”.

- როგორ ხდება კოლორექტული კიბოს დიაგნოსტირება და მკურნალობის რა მეთოდები არსებობს ,,ნიუ-ჰოსპიტალსში’’?

ნოდარ ჩხიკვაძე: „კოლორექტული კიბოს დიაგნოსტირება კომპლექსურია და იგი მოიცავს რადიოლოგიურ, ინსტრუმენტულ და ლაბოლატორიულ კვლევებს.

აღვნიშნავ, რომ ჩვენს ჰოსპიტალში ყველა საჭირო კვლევა დანერგილია და მუშაობს აბსოლუტურად გამართულად.

„ნიუ ჰოსპიტალსში“ კოლორექტული კიბოს მკურნალობის თითქმის სრული სპექტრია. მკურნალობა კომპლექსურია და მოიცავს ქირურგიულ მკურნალობას, სწორი ნაწლავის კიბოს დროს კი სხივურ თერაპიას. ადგილობრივ მკურნალობას, როგორებიცაა: ტრანსარტერიული ქემოემბოლიზაცია, რადიოსიხშირული და რადიოტალღური აბლაცია. ასევე, სისტემური მკურნალობის მეთოდები, მაგალითად, ქიმიოთერაპია, იმუნოთერაპია და ა.შ.“

- რას გულისხმობს ლაპაროსკოპიული ქირურგია?

ნოდარ ჩხიკვაძე: „ჩვენს კლინიკაში ონკოლოგიური ოპერაციები ხორციელდება, როგორც ღია ტრადიციული წესით, ასევე ლაპაროსკოპიული მეთოდით ანუ მცირე ინვაზიური მეთოდით. ლაპაროსკოპიული ოპერაციის დროს მუცლის ღრუს ამა თუ იმ ორგანოზე ხდება ქირურგიული ჩარევა მუცელკვეთის გარეშე. ლაპაროსკოპიულ ოპერაციას თავის მხრივ ბევრი დადებითი მხარე აქვს, თუმცა, აღსანიშნავია, რომ ყველა პაციენტი ინდივიდუალურია და ყველა პაციენტთან ოპერაციის ტიპის შერჩევა ხდება ინდივიდუალურად.“

- როგორ მიმდინარეობს პროცედურა, რეაბილიტაციის პროცესზეც რომ ვისაუბროთ

ნოდარ ჩხიკვაძე: „როგორც წესი, ლაპაროსკოპიული კოლორექტული ქირურგიის შემდეგ, ეს იქნება ოპერაცია მსხვილ თუ სწორ ნაწლავზე, პაციენტის გააქტიურება ხდება ოპერაციიდან პირველივე დღეს და კლინიკაში პაციენტის ჰოსპიტალიზაცია შეადგენს 4-5 დღეს. კლინიკიდან გაწერის შემდეგ პაციენტებს არ აქვთ არანაირი მძიმე რეჟიმი და განსაკუთრებული სირთულეები, მხოლოდ მცირე დიეტა და მძიმე ფიზიკური აქტივობის შეზღუდვა“.

- და ბოლოს, არის თუ არა შესაძლებელი ნაწლავის სიმსივნის პრევენცია?

ნოდარ ჩხიკვაძე: „სრულად პრევენცია არის შეუძლებელი. თუმცა, შესაძლებელია სკრინინგით დაავადების ადრეულ სტადიაზე ან პოლიპების აღმოჩენა და მათი მოშორებით შემდგომში კიბოდ გადაგვარების არიდება. ასევე, როგორც ზემოთ აღვნიშნე, შესაძლებელია დაავადების განვითარების რისკის შემცირება შემდეგი რისკ-ფაქტორების მართვით:

  1. მოერიდეთ თამბაქოს გამოყენებას;
  2. ალკოჰოლური სასმელების დალევისას დაიცავით ზომიერება;
  3. შეინარჩუნეთ სხეულის ჯანსაღი წონა: მიირთვით ჯანსაღი საკვები, შეიტანეთ მეტი ხილი და ბოსტნეული თქვენს რაციონში და შეამცირეთ დამუშავებული ხორც-პროდუქტები, ცხიმიანი, მაღალკალორიული საკვები“.

​R.

წაიკითხეთ სრულად