Baby Bag

„მედიკამენტები არავითარ შემთხვევაში არ უნდა გქონდეთ ღიად მაგიდაზე დატოვებული იმ სივრცეში, სადაც სადილი მზადდება,“ - მარი მალაზონია

„მედიკამენტები არავითარ შემთხვევაში არ უნდა გქონდეთ ღიად მაგიდაზე დატოვებული იმ სივრცეში, სადაც სადილი მზადდება,“ - მარი მალაზონია

ნუტრიციოლოგმა მარი მალაზონიამ მედიკამენტების სწორად შენახვის წესების შესახებ ისაუბრა. მან აღნიშნა, რომ წამლების ღიად, მაგიდაზე შენახვა შეცდომაა:

„რატომ არ შეიძლება, რომ ღიად, მაგიდაზე გვეწყოს აბები, რომელსაც ყოველდღიურად ვიყენებთ? მე მესმის, რომ ზოგიერთ შემთხვევაში ეს მოსახერხებელია, მაგალითად, თუ გვავიწყდება წამლის გამოღება იმ კარადიდან, სადაც უნდა ინახებოდეს ეს წამლები. ამისთვის შეიძლება პატარა კონტეინერი გქონდეთ, ან პატარა ჭურჭელი, რომელშიც იქნება მინიშნებები. შესაძლოა, ​გქონდეთ ფურცელში გადახვეული, წინასწარ გამზადებული, მოჭრილი დოზები, როგორც კერძს გადავანაწილებდით, ასე ულუფებად გადანაწილებული.“

მარი მალაზონიას თქმით, როდესაც მედიკამენტებს სამზარეულოს მაგიდაზე ვტოვებთ, მისი შენახვის პირობებს ვერ ვიცავთ:

„მედიკამენტები არავითარ შემთხვევაში არ უნდა გქონდეთ ღიად მაგიდაზე დატოვებული იმ სივრცეში, სადაც სადილი მზადდება, სადაც ჩაიდანს ვადუღებთ. თუ თქვენს სამკურნალო საშუალებას არ აქვს საგანგებო მითითება: „შეინახეთ აუცილებლად მაცივარში,“ ​ყველა დანარჩენ შემთხვევაში მედიკამენტს აქვს მითითება, რომ შეინახოთ ბნელ და გრილ ადგილას, ტენიანობის გარეშე. ეს ის პირობებია, რომელსაც სამზარეულოში მაგიდაზე დადების შემთხვევაში ვერ დავიცავთ.“

„თვითონ მედიკამენტის ვარგისიანობას შეექმნება საფრთხე. როდესაც ვარგისიანობა ეჭვქვეშ დგება, შ​ეიძლება აღმოჩნდეს ადამიანისთვის საფრთხის შემცველი. ყოველთვის დავიცვათ წამლის მოხმარების წესებთან ერთად მისი შენახვის წესები,“ - აღნიშნულ საკითხე მარი მალაზონიამ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: ​„პირადი ექიმი - მარი მალაზონია“

არ დაგავიწყდეთ !!!

დაემატეთ ჯგუფში საბავშვო რეცეპტები

„თუ ექიმმა დაგინიშნათ ანტიბიოტიკი, ჰკითხეთ მას: „რატომ მინიშნავ ანტიბიოტიკს?“ უნდა იცოდეთ...
​დაავადებათა კონტროლის ცენტრის დირექტორის მოადგილე პაატა იმნაძე საზოგადოებას წინდახედულობისკენ მოუწოდებს და ადამიანებს ურჩევს, ანტიბიოტიკები სიფრთხილით გამოიყენონ:„XXI საუკუნეში კაცობრიობას...

შეიძლება დაინტერესდეთ

„ფარისებრი ჯირკვლის კვანძების 90% კეთილთვისებიანია, 10% შემთხვევაში ისინი შეიძლება იყვნენ ავთვისებიანი,“ - ენდოკრინოლოგი ნაია ლატარია

„ფარისებრი ჯირკვლის კვანძების 90% კეთილთვისებიანია, 10% შემთხვევაში ისინი შეიძლება იყვნენ ავთვისებიანი,“ - ენდოკრინოლოგი ნაია ლატარია

ენდოკრინოლოგ-ნუტრიციოლოგმა ნაია ლატარიამ ჩიყვის გამომწვევ მიზეზებსა და დაავადების მიმდინარეობის თავისებურებებზე ისაუბრა. მან აღნიშნა, რომ ჩიყვს უმეტესად უსიმპტომო მიმდინარეობა აქვს:

„ჩიყვი არის ფარისებრი ჯირკვლის მოცულობაში გაზრდა. ასევე ჩიყვი არის, თუ ნორმალური მოცულობის პირობებში ფარისებრ ჯირკვალში წარმოიქმნა კვანძოვანი ჩანართები. შეიძლება ეს კვანძები სხვადასხვა ზომის იყოს. დიფუზური და კვანძოვანი ჩიყვი ძირითად შემთხვევებში უსიმპტომოდ მიმდინარეობს. სიმპტომები გამოვლინდება იმ შემთხვევაში, თუ მოცულობაში ძალიან გაიზარდა ფარისებრი ჯირკვალი. თუ კვანძები გაიზარდა ზომაში, შეიძლება მოხრჩობის შეგრძნებამ შეაწუხოს ადამიანი, ყლაპვის გაძნელებამ. ​ზოგიერთ თანმხლებ დაავადებას ასევე ტკივილის სინდრომიც ახასიათებს. სხვა შემთხვევაში, როგორც წესი უსიმპტომოდ მიმდინარეობს და შემთხვევით ხდება აღმოჩენა.“

ნაია ლატარიას თქმით, კვანძოვანი წარმონაქმნები ფარისებრი ჯირკვლის ფუნქციურ ცვლილებებსაც იწვევს:

„კვანძოვან წარმონაქმნებს ფუნქციური ცვლილებაც ახლავს ფარისებრი ჯირკვლის, ​როდესაც ჰორმონების დონე არის შეცვლილი. სიმპტომები, როგორებიც არის უძილობა, თავის ტკივილი, საერთო სისუსტე, ადვილად დაღლა, წონაში მატება, კლება, ეს ყველაფერი უკვე ფუნქციურ დარღვევებს ახასიათებს. ფარისებრი ჯირკვლის და კვანძის წარმოქმნის ყველაზე ხშირი მიზეზი არის იოდის დეფიციტი ან აუტოიმუნური პროცესები, როდესაც ფარისებს ჯირკვალს იმუნური სისტემა ებრძვის. იოდდეფიციტით გამოწვეული ჩიყვის შემთხვევაში, ეს არ ნიშნავს იმას, რომ პაციენტს შემდგომ იოდის პრეპარატები უნდა მივცეთ და ამით დავიწყოთ მკურნალობა.“

„ფარისებრი ჯირკვლის კვანძების 90 % კეთილთვისებიანია. 10 % შემთხვევაში ისინი შეიძლება იყვნენ ავთვისებიანი. ერთ-ერთი გზა ამის დასადგენად არის ბიოფსიური კვლევა. თუ კვანძები არის კეთილთვისებიანი, მედიკამენტოზური თერაპია არ ინიშნება. ინიშნება მხოლოდ დინამიკაში დაკვირვება. ​თუ კვანძები არის ავთვისებიანი, მაშინ ქირურგიულად უნდა მოხდეს მათი მოშორება. ავთვისებიანი კვანძებიც ფარისებრი ჯირკვლის შემთხვევაში საიმედო პროგნოზით ხასიათდება და მკურნალობას ადვილად ექვემდებარება,“- აღნიშნულ საკითხებზე ნაია ლატარიამ ტელეკომპანია „რუსთავი 2“ - ის გადაცემაში „დილა მშვიდობისა საქართველო“ ისაუბრა.

წყარო: ​„დილა მშვიდობისა საქართველო“

წაიკითხეთ სრულად