რომელი დაავადებები მიეკუთვნება სქესობრივი გზით გადამდებ დაავადებებს?
სქესობრივი გზით გადამდები დაავადებები პირველ ადგილზეა ქალთა დაავადებებს შორის. ამ დაავადებებში იგულისხმება ისეთი ინფექციური დაავადებები, რომელთა უმეტესი ნაწილით ინფიცირება ხდება სქესობრივი კონტაქტით.
ლოკალიზაციის მიხედვით განასხვავებენ გარეთ და შიგნითა სასქესო ორგანოების ანთებით დაავადებებს.
გარეთა სასქესო ორგანოების დაავადებებს მიეკუთვნება:
- ვულვიტი
- ბართოლინიტი
- კოლპიტი
- ენდოცერვიციტი
- ცერვიციტი
შიგნით სასქესო როგანოების დაავადებებს მიეკუთვნება:
- ენდომეტრიტი (საშვილოსნოს ღრუს ლორწოვანი გარსის ანთება)
- სალპინგოოოფორიტი (კვერცხსავალი მილებისა და საკვერცხეების ანთებითი დაავადება)
- პელვიოპერიტონიტი (მცირე მენჯის ანთებითი პროცესი)
კლინიკური მიმდინარეობის მიხედვით განასხვავებენ შემდეგ ფორმებს:
- მწვავე
- ქვემწვავე
- ქრონიკული
სქესობრივი გზით კონტაქტის გარდა, რამ შეიძლება გამოიწვიოს სასქესო ორგანოების ინფიცირება?
ანთებითი პროცესების განვითარების ხელშემწყობი ფაქტორები:
- შორისის ტრავმები მშობიარობის შემდეგ
- საშოს კედლების გამოვარდნა
- მექანიკური, ქიმიური და თერმული ფაქტორები, რომლებიც გავლენას ახდენენ საშოს ლორწოვან გარსზე
- საშვილოსნოს ყელის ტრავმა (რაც ხელს უწყობს აღმავალი ინფექციის განვითარებას)
- მშობიარობა, აბორტები
- ტამპონების გამოყენება
- ნივთიერებათა ცვლის დარღვევა
- ქრონიკული ინფექციები
- ზოგიერთი მედიკამენტის ტოქსიკური მოქმედება
როგორ უნდა მოვიქცეთ, თუ გვაქვს ეჭვი სექსობრივი გზით გადამდებ ინფექციაზე?
პირველი, რაც უნდა გააკეთოთ, არის ვიზიტი გინეკოლოგთან. გინეკოლოგთან ვიზიტის დროს ინფექციური პროცესის გავრცელებისა და ტიპის დადგენისთვის აუცილებელია შემდეგი კვლევების ჩატარება:
- ვაგინალური ექოსკოპიური კვლევა
- საშოს ნაცხის ბაქტერიოსკოპია ან ბაქტერიოლოგია
- პაპ ტესტი
- კოლპოსკოპია (საჭიროების შემთხვევაში)
ასევე აუცილებელია მეუღლის ან პარტნიორის მკურნალობა, ვინაიდან მხოლოდ ერთი პარტნიორის მკურნალობას შედეგი არ ექნება და ისევ მოხდება თქვენი ინფიცირება.
მკურნალობა ინიშება ყველა პაციენტთან ინდივიდუალურად, ანალიზების პასუხსა და ექოსკოპიურ კვლევაზე დაყრდნობით.
გისურვებთ ჯანმრთელობას!
არ დაგავიწყდეთ !!!
Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა
