Baby Bag

„გაუთავებელი ტკივილი გულის არეში, ნაღვლის ბუშტის ან ღვიძლის ტკივილი, ნაწლავების აშლილობა,“ - გოგიტა გეგელაშვილი შფოთვითი აშლილობის სიმპტომების შესახებ

„გაუთავებელი ტკივილი გულის არეში, ნაღვლის ბუშტის ან ღვიძლის ტკივილი, ნაწლავების აშლილობა,“ - გოგიტა გეგელაშვილი შფოთვითი აშლილობის სიმპტომების შესახებ

ნევროლოგმა გოგიტა გეგელაშვილმა შფოთვითი აშლილობის დამახასიათებელი ნიშნების შესახებ ისაუბრა. მან აღნიშნა, რომ პაციენტებს ხშირად აქვთ სომატური დაავადებების სიმპტომები:

​შფოთვითი აშლილობის დროს დამახასიათებელია რომელიმე დაავადების ნიღბით წარმოდგენა. ძალიან ხშირად უჩივიან ხოლმე გაუთავებლად გულის არეში ტკივილს, ნაღვლის ბუშტის ან ღვიძლის ტკივილს, ნაწლავების აშლილობას. ამას შინაგანი ორგანოების შფოთვასაც კი ეძახიან ხოლმე. შესაძლოა, იყოს აზრობრივი შფოთვა ან სომატური დაავადებების სიმპტომები იყოს წარმოდგენილი.“

გოგიტა გეგელაშვილის თქმით, გამოცდილი ექიმი გრძნობს, რომ სომატური დაავადების სიმპტომების მიღმა შფოთვითი აშლილობა დგას:

„გამოცდილი ექიმი ამას მაშინვე გრძნობს. სიმპტომები არის ბევრი და ობიექტური საყრდენი პარამეტრები არის ძალიან მცირე. ზუსტად ამ შეუსაბამობაზეა აგებული ექიმის ლოგიკა, რომელსაც წლების განმავლობაში აქვს საქმე ნამდვილ ავადმყოფობასთან და შენიღბულ ავადმყოფობასთანაც. ხშირად მოულოდნელი ხდება ხოლმე ექიმის ვერდიქტი, როდესაც ის პაციენტს უნიშნავს ანტიდეპრესანტს.“

​არ მოსწონთ პაციენტებს აღიარება, რომ მათ სჭირდებათ ანტიდეპრესანტი. ადამიანს ყოველთვის ესმის ფრაზა: „შენ ეს გეჩვენება.“ „გეჩვენებას“ როდესაც ემატება ანტიდეპრესანტი, პაციენტს ეს არ მოსწონს. აქ საჭიროა ექიმების დიდი რუდუნება, პაციენტის მუხლებში ჩავარდნა, დაყოლიება, დარწმუნება. შფოთვას ყველაზე კარგად ხსნის ანტიდეპრესანტი, მაგრამ მისი ეფექტი გვიან იწყება,“ - აღნიშნულ საკითხებზე გოგიტა გეგელაშვილმა რადიო ფორტუნას ეთერში ისაუბრა.

წყარო: რადიო ფორტუნა

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

„ხშირად პაციენტებს ჰგონიათ, რომ აქვთ სუნთქვის უკმარისობა, სინამდვილეში მათ პანიკური შიშის...
​​პულმონოლოგი კახა ვაჭარაძე კოვიდ 19-ით ინფიცირებულ პაციენტებში სუნთქვის პრობლემების შესახებ საუბრობს და აღნიშნავს, რომ ადამიანებს ხშირად ეჩვენებათ, რომ მათ ჟანგბადი არ ჰყოფნით, რადგან ისინი პან...

შეიძლება დაინტერესდეთ

„არაფერი ასაზრდოებს ბავშვის გულს ისე, როგორც დადებითი ემოციები,“ - ნუტრიციოლოგი მარი მალაზონია

„არაფერი ასაზრდოებს ბავშვის გულს ისე, როგორც დადებითი ემოციები,“ - ნუტრიციოლოგი მარი მალაზონია

ნუტრიციოლოგმა მარი მალაზონიამ 5 პუნქტი დაასახელა, რომელიც ბავშვის გულის ჯანმრთელობისთვის ძალიან სასარგებლოა:

„ეს არის ხუთი ძირითადი პუნქტი, რომელზეც მთელი მსოფლიოს ექიმები შეთანხმდნენ, განსაკუთრებით პედიატრიული საზოგადოებები, რომელთაც დიდი გამოცდილება დაუგროვდათ, თუ რა არის ბავშვის გულისთვის სასარგებლო. აღმოჩნდა, რომ ბავშვისთვის უმნიშვნელოვანესია დადებითი ემოციები. ​ყველაფერი, რაც ბავშვის განვითარებისთვის კარგია, კარგია ბავშვის გულისთვის. აღმოჩნდა, რომ არაფერი ასაზრდოებს ბავშვის გულს ისე, როგორც დადებითი ემოციები. ხშირად გვგონია, რომ თუ ბევრი სათამაშო აქვს ბავშვს, თუ მსუყედ ვცხოვრობთ, ბევრი ფული გვაქვს იმისთვის, რომ სურვილები დავუკმაყოფილოთ ბავშვებს, ეს აბედნიერებთ მათ. აღმოჩნდა, რომ ბავშვს ყველაზე მეტად აბედნიერებს და დადებითი ემოციებით ავსებს სიყვარულის განცდა, რომელსაც გარშემომყოფებისგან გრძნობს. ბავშვებს სჭირდებათ, რომ იგრძნონ ჩვენგან სიყვარული. არაფერი ავსებთ ბავშვებს დადებითი ემოციებით ისე, როგორც უფროსების მზაობა მათ მოუსმინონ. მნიშვნელოვანია, რომ ჩვენი შვილის სამზერი თვალებით ვუყუროთ სამყაროს.“

მარი მალაზონიას თქმით, ბავშვის ჯანმრთელობისთვის გადამწყვეტი მნიშვნელობა აქვს ოჯახურ ფიზიკურ აქტივობას:

„რაც შეეხება ფიზიკურ აქტივობას, უბრალოდ ბავშვის წაქეზება ფიზიკური აქტივობისთვის არ აღმოჩნდა საკმარისი. გადამწყვეტი მნიშვნელობა აქვს, რომ ეს აქტივობა იყოს ოჯახური. იყოს იმ ადამიანებთან ერთად, ვინც სიყვარულით და დადებითი ემოციებით ავსებს ბავშვს. ბავშვის გულის დასაცავად მნიშვნელოვანია ბავშვის ეკრანთან გატარებული დროის კონტროლი.​ ეკრანთან გატარებული დრო ბავშვის გულისთვის არის დანაღმული ველი. ჩვენ ბავშვის ჯანმრთელობისთვის ნაღმებს ვამზადებთ, როდესაც ვერ ვაკონტროლებთ დროს. ეს ნაღმები ჩვენს შვილებს აუფეთქდებათ ცხოვრების სულ სხვა ეტაპზე. ამ პუნქტში იგულისხმება, თუ რას უნდა უყურონ ბავშვებმა ეკრანზე.“

„სპორტი არის ფიზიკური აქტივობისგან განსხვავებული მდგომარეობა. თუ გადავწყვიტეთ, რომ ბავშვი ადრეული ასაკიდან რომელიმე სახეობის სპორტით დავტვირთოთ, აუცილებელია კონტროლი. კონტროლში იგულისხმება წინასწარი შეფასება, განსაკუთრებით იმ ოჯახებში სადაც არის გულთან დაკავშირებული რისკები. მნიშვნელოვანია, რომ მშობელმა ბავშვი არ აქციოს საკუთარი აუსრულებელი ოცნებების მიღწევის საშუალებად. რეალური შეფასება გულისხმობს, ვიცოდეთ, რა შეუძლია ჩვენს შვილს, რა უნდა და არ მოვახვიოთ თავს ჩვენი სურვილები,“ - აღნიშნულ საკითხზე მარი მალაზონიამ საქართველოს პირველი არხის გადაცმეაში „პირადი ექიმი-მარი მალაზონია“ ისაუბრა.

წყარო: ​„პირადი ექიმი - მარი მალაზონია“

წაიკითხეთ სრულად