Baby Bag

,,ლაქტაციის დროს დედის კვების რაციონს არსებითი მნიშვნელობა არ ენიჭება'' - კოლიკის გამომწვევ მიზეზებზე პედიატრი საუბრობს

,,ლაქტაციის დროს დედის კვების რაციონს არსებითი მნიშვნელობა არ ენიჭება'' - კოლიკის გამომწვევ მიზეზებზე პედიატრი საუბრობს
ახალბედა დედა

​რა იწვევს მუცლის ტკივილს ახალშობილებში, რითი შეიძლება ავარიდოთ მათ კოლიკა და ახდენს თუ არა ზეგავლენას დედის კვების რაციონი აღნიშულზე? - ​MomsEdu.ge-ს ესაუბრა პედიატრი თათია სხირტლაძე.

- მუცლის ტკივილი ახალშობილებში გავრცელებული პრობლემაა. რა არის ამის გამომწვევი მიზეზები?

- კოლიკის მიზეზი სრულად შესწავლილი არ არის, ეს არის ტირილის შეტევა, რომელიც ძირითადად იწყება ახალშობილის დაბადებიდან 3 კვირაზე და გრძელდება 3-4 თვემდე, რის გამოც „სამთვიან კოლიკასაც“ უწოდებენ.

ძალიან ხშირად კოლიკის შეტევა დაკავშირებულია საჭმლის მომნელებელ სისტემასთან, რაც განპირობებულია ჩვილებში კუჭ-ნაწლავის უმწიფრობით. საკვების გადაჭარბებული მიღების, ძუძუს სწრაფად გამოწოვის ან არასწორად შერჩეული საწოვარით ხდება- აეროფაგია- ჰაერის გადაყლაპვა და შესაბამისად ნაწლავის გადაბერვა, სპაზმი. თუმცა კოლიკის შეტევის მიზეზი ასევე შეიძლება იყოს ჩვილის უმწიფარი ნერვული სისტემა, ძუძუთი კვების დროს დედის მიერ მირთმეული პროდუქტების მიმართ მომატებული მგრძნობელობა, ზოგიერთი საკვები პროდუქტის აუტანლობა (მაგ. ლაქტოზის აუტანლობა ხელოვნურ კვებაზე მყოფი ბავშვისთვის), სიგარეტის გამონაბოლქვი ჩვილის ადგილსამყოფელში და არაჯანსაღი, სტრესული სიტუაცია ოჯახში, დედის დაძაბულობა.

- ხშირად, მშობლები ძუძუთი კვების არასწორ ტექნიკას იყენებენ. როგორი უნდა იყოს ბავშვის მდგომარეობა ჭამის დროს და განაპირობებს თუ არა ეს მუცლის ტკივილს?

- ძალზედ მნიშვნელოვანია, რომ ბავშვი სწორად იდებდეს ძუძუსთავს პირში, რათა ზედმეტი ჰაერი არ გადაყლაპოს, პირველ რიგში დედა უნდა მოთავსდეს მოხერხებულად და ბავშვი მთელი სხეულით უნდა იყოს მიბრუნებული დედისკენ, ძუძუსთავი მოთავსდეს ჩვილის ფართოდ გაღებულ პირში, ისე რომ ტუჩის ლორწოვანი მოჩანდეს და სრულად ფარავდეს ძუძუსთავის არეალს.

- არის თუ არა რაიმე მეთოდი, რითაც ავარიდებთ ბავშვს მუცლის ტკივილს?

- პრევენციული ზომები, რითაც თავს ავარიდებთ კოლიკის შეტევას, ძირითადად დაკავშირებულია კვების პროცესთან. ძუძუთი კვების დროს - წოვის სწორი ტექნიკა, რომ ნაკლები ჰაერი გადაყლაპოს პატარამ, ხელოვნურ კვებაზე მყოფ ჩვილებში არ შეცვალოთ საკვები თქვენი ინიციატივით, მნიშნელოვანია, ანტიკოლიკური ბოთლის შერჩევა, სადაც მცირდება კვების დროს ჰაერის გადაყლაპვა, შეარჩიოთ სწორი რძის ნაკადი (არც ძალიან სწრაფი, არც ძალიან ნელი, უმჯობესია იყოს ძუძუს დრვილიდან რძის ნაკადის მსგავსი), დაეხმარეთ კვების დროს და ასევე დასრულების შემდგომ, ვერტიკალური პოზის მიღებით მოახდინოს დაბოყინება.

რადგან კოლიკა ზოგიერთი ჩვილის ცხოვრების ნორმალური ნაწილია და არ არის საზიანო, ჩვეულებრივ რეკომენდირებული არ არის მედიკამენტების მიღება, საკმარისია დაიცვათ პრევენციული ზომები და ტკივილის დროს გაითვალისწინოთ შემდეგი რეკომენდაციები: გაუკეთეთ მუცლის მსუბუქი მასაჟი, ფეხების პედალისებური მოძრაობა, ჩასვით თბილ აბაზანაში, მიიკარით მჭიდროდ მუცელზე- ეს დაცულობის შეგრძნებას უჩენს, ხელს უწყობს მათ მოდუნებას, რასაც ტკივილის შემსუბუქებამდე მივყავართ.

- იწვევს თუ არა ბუნებრივი კვების დროს, დედის მიერ მიღებული საკვები პატარას მუცლის ტკივილს?

- თანამედროვე კვლევებით და რეკომენდაციებით ბუნებრივი კვების დროს დედის კვების რაციონს არსებითი მნიშვნელობა არ ენიჭება. მნიშვნელოვანია, დედას ჰქონდეს ჯანსაღი, დაბალანსირებული კვება და მასში არ უნდა შედიოდეს ალერგიული საკვები და ალკოჰოლი. დაკვირვების პრინციპით თქვით უარი იმ პროდუქტზე, რომელიც უმწვავებს კოლიკას თქვენს პატარას.

- ბუნებრივი კვების დროს უფრო ხშირია მუცლის ტკივილები, თუ ხელოვნური კვებისას?

- კოლიკა ვლინდება, როგორც ბუნებრივ, ასევე ხელოვნურ კვებაზე მყოფ ჩვილებში, პრაქტიკულად ერთნაირი სიხშირით. ბავშვის კვების ტიპი არ ახდენს გავლენას მის გავრცელებაზე, თუმცა ხელოვნურ კვებაზე მყოფ ბავშვებს, ძირითადად მასში შემავალი ძროხის რძის კომპონენტის გადამუშავება უჭირთ, რის გამოც პედიატრის მიერ ყურადღებით უნდა შეირჩეს ადაპტირებული რძის ფორმულა. 

ესაუბრა მარიამ ჩოქური 

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ​ჯგუფი“)

ჯანმრთელობა მცოდნე დედები #მამა #ჩვილი #კოლიკა

შეიძლება დაინტერესდეთ

ჯანმრთელობა

დედები ენდობიან - შვილების მკურნალობა პედიატრის დანიშნულების გარეშე

დედები ენდობიან - შვილების მკურნალობა პედიატრის დანიშნულების გარეშე
სოციალური ქსელი... დედების ჯგუფი... ერთმანეთისთვის გამოცდილების გაზიარება და სადავო საკითხები, რომელთაც გადამოწმება აუცილებლად სჭირდება! ყველა ვთანხმდებით, რომ ჩვენი შვილების ჯანმრთელობა განსაკუთრებით საფრთხილოა და თვითნებურმა მკურნალობამ, შესაძლოა, მძიმე შედეგამდე მიგვიყვანოს.
​
​MOMSEDU.GE რჩევების არაერთ პოსტს წააწყდა და იფიქრა, კარგი იქნებოდა, დედებისთვის დაზუსტებული ინფორმაცია გაეცნო.
​
უპირველესად დავიწყოთ იმით, რაც განხილვად საკითხებში ხშირად გვხვდება - შეიძლება თუ არა ანტიბიოტიკის მიღება პედიატრის დანიშნულების გარეშე? აქ მხოლოდ ერთი პასუხი არსებობს - არავითარ შემთხვევაში!
​
ჯანდაცვის მსოფლიო ორგანიზაცია პირდაპირ მიგვითითებს - რაციონალურად გამოვიყენოთ ანტიბიოტიკები ექიმის სწორი დანიშნულებითა და საჭირო ხანგრძლივობით. მისი არასწორი მიღებით ბაქტერიული შტამები უფრო მძლავრი ხდება და პრეპარატის ბრძოლისუნარიანობა მცირდება. ამასთან, ვირუსული ინფექციის დროს ანტიბიოტიკის გამოყენება სპობს ნაწლავურ ფლორას, სასარგებლო ბაქტერიებს, რომელებიც აუცილებელია შეწოვის პროცესებში და მნიშვნელოვანია იმუნური სისტემის სწორი ფუნქციონირებისთვის.
​
ცნობისათვის, არსებობს ბაქტერიული და ვირუსული ინფექციები, რომელთაც შესაძლოა, მსგავსი ჩივილები ჰქონდეს, იქნება ეს ცხელება, ხველა თუ სხვა სიმპტომები. ბაქტერიული ინფექციების დროს, როგორებიცაა: ფილტვების ანთება, ჰაიმორიტი, ოტიტი და სხვა, გარდაუვალია ანტიბიოტიკის მიღება, მდგომარეობას შესაბამისი კვლევების საფუძველზე აფასებს პედიატრი და წერს დანიშნულებას. ვირუსული ინფექციებისას კი, რომლებიც ხშირად სეზონურია, დაუშვებელია ანტიბიოტიკის მიღება, რადგან ორგანიზმში ამ სიმპტომების გამომწვევი ვირუსია და არა მიკრობი.

​ვირუსულ ინფექციებთან ბრძოლაში, ისეთ ქვეყნებში, როგორებიცაა: ამერიკა, კანადა, დიდი ბრიტანეთი, გერმანია, შვეიცარია და საფრანგეთი უპირატესობას ჰომეოპათიურ მედიკამენტებს ანიჭებენ. წლებია, წამყვანი ქვეყნების პედიატრები მკურნალობის 60%-80%-ში ჰომეოპათიურ პრეპარატებს იყენებენ, დღეს კი მომხმარებელთა რიცხვი საქართველოშიც იზრდება.

​ჰომეოპათიური მედიკამენტი აბსოლუტურად ბუნებრივ კომპონენტებზეა დამზადებული და მცენარეულ, ცხოველურ და მინერალურ კომპონენტებს შეიცავს.
​
რატომ ენდობიან დედები ჰომეოპათიურ მედიკამენტებს?!
​
მოდით, განვიხილოთ კანადისა და ამერიკის ბაზარზე ლიდერი მწარმოებლის მაგალითი - „ჰომეოკანი“ მსხვილი კანადური კომპანიაა, რომელიც 200-ზე მეტ მედიკამენტს აწარმოებს.
​
მნიშვნელოვანია, რომ GMP სტანდარტს აკმაყოფილებს და როგორც კანადის ჯანდაცვის ორგანიზაციის, ასევე FDI-ს მიერ ყოველწლიურად კონტროლდება. მედიკამენტებში შემავალ თითოეული კომპონენტს კი ამერიკის ჰომეოპათიური ფარმაკოპეა ამოწმებს და არეგულირებს. შესაბამისად, პედიატრიულ ხაზ Kids 0-9-ს, რომელსაც დღეს გაგაცნობთ, მაღალი ხარისხისა და უსაფრთხოების დიდი პროფილი აქვს.
​
KIDS 0-9 0-დან 9 წლამდე ბავშვებისთვისაა - გამოიყენება ნებისმიერი ტიპის ვირუსული ინფექციის დროს, ჩვენებების გამოვლენისთანავე. Kids 0-9 ჰომეოპათიური მედიკამენტები არ შეიცავს საღებავებს, გლუტენს, შაქარსა და თაფლს. აქვს ხილის არომატები და ტკბილია მასში არსებული დამხმარე ნივთიერება სორბიტოლის ხარჯზე. აქვს ადვილად მისაღები თხევადი ფორმულა (გადაცდენის რისკი არ არის), გარანტირებული დოზირება და უკეთ შეწოვის უნარი.
​
ქართულ ბაზარზე წარმოდგენილია Kids 0-9-ს ხველა-გაციება, სინუსი, კოლიკა, ტკივილი და ცხელება, ჰომეოკოქსინუმი და დამამშვიდებელი სიროფი. თქვენთან ერთად განვიხილავთ თითოეულ მათგანს:
​
Kids 0-9-ს ხველა-გაციება გამოიყენება ქვემოსასუნთქი გზების ინფექციების დროს. იგულისხმება, ბრონქიტი, ტრახეიტი, როდესაც არის ჩახლეჩილი ხმით, მშრალი, უხეში ხველა. ის აუმჯობესებს ხველის და გაციების თანმხლებ სიმპტომებს: ეხმარება ნახველის წარმოქმნაში (რადგან ამ ასაკში ბავშვებს ამოხველების რეფლექსი არ აქვთ განვითარებული, მნიშვნელოვანია, რომ პრეპარატი ნახველის დამარბილებელი საშუალებაა და არა ამოსახველებელი, ამდენად სრულიად უსაფრთხოა) ხსნის შეშუპებას, ტკივილსა და ცხელებას.
​
0 დან 6 წლამდე ბავშვებში რეკომენდებულია ½ ჩაის კოვზი ყოველ 4 საათში, ხოლო ბავშვებში 7-დან 9 წლამდე - 1 ჩაის კოვზი ყოველ 4 საათში. შეამცირეთ მიღება სიმპტომების გაუმჯობესების შემდეგ ან მიიღეთ ექიმის რეკომენდაციით.

​Kids 0-9-ს სინუსი ხელს უწყობს გაციების სიმპტომებისგან გათავისუფლებას, იქნება ეს სურდო, ცემინება, ცრემლდენა, ყელის გაღიზიანება თუ თავის ტკივილი. გამოიყენება როგორც მწვავე, ასევე გახანგრძლივებული პროცესის დროს. 1 საწვეთური (0.75 მლ) 1-დან 3-ჯერ დღეში. მწვავე ფაზაში, მწარმოებლის რეკომენდაციით, პირველი 2 დღის განმავლობაში შესაძლებელია დარტყმითი დოზების გამოყენება, 1 საწვეთური (0.75 მლ) 15 წუთის ინტერვალით ზედიზედ სამჯერ, პროცესს ვიმეორებთ შუადღეს და საღამოს, სასურველია პედიატრის რეკომენდაციით.

​Kids 0-9-ს ჰომეოკოქსინუმი გამოიყენება გრიპის მსგავსი სიმპტომების დაწყებისას: ცხელება, შემცივნება, სურდო, ტკივილი, სისუსტე.

​მისი მიღება იმუნურ სისტემას უჯრედის დონეზე აძლიერებს და გამა-ინტერფერონის დონეს 30%-40%-ით ზრდის. ის ხელს უშლის ვირუსის გამრავლებას, შესაბამისად, ინფექცია მიმდინარეობს ნაკლები სიმძიმით და აქვს მოკლე გამოჯანმრთელების პერიოდი.

​საინტერესოა, რომ მასში შემავალი ცხოველური კომპონენტი - გადამფრენი იხვი ბარბარია -  თითქმის ყველა ტიპის ვირუსის ანტისხეულის მქონე.

​Kids 0-9-ს ჰომეოკოქსინუმი 0 ასაკიდან წვეთების სახით, დღეში 3-ჯერ გამოიყენება 6 საათში ერთხელ. სეზონური ვირუსების დროს კი პროფილაქტიკის მიზნით მიიღება 10 დღის განმავლობაში, დღეში ერთხელ.

​Kids 0-9-ს ტკივილი-ცხელება ეფექტურად არეგულირებს ტემპერატურას და ხსნის ტკივილს შემდეგი მდგომარეობების დროს: ყელის ტკივილი, თავის ტკივილი, კბილის, ღრძილების ტკივილი (ასევე კბილების ამოჭრისა და აცრების დროს), გაღიზიანება, მომატებული მგრძნობელობა, დისკომფორტი.

​მოგეხსენებათ, 38 - 38,5 გრადუსამდე სიცხის დაწევა არაა სასურველი, რადგან იმუნური სისტემისთვის მნიშვნელოვანია ტემპერატურული რეაქცია, როგორც ვირუსთან ბრძოლის მეთოდი (გამონაკლისი შემთხვევების გარდა, ეპილეფსია, ფებრილური გულყრა).
​
აღსანიშნავია, რომ Kids 0-9-ს ტკივილი-ცხელება არა ტემპერატურის დამწევი, არამედ მარეგულირებელი საშუალებაა, რომელიც თანმხლებ დისკომფორტს ხსნის.
​
გამოყენების რეკომენდაცია: 1 საწვეთური (0.75 მლ) 1-დან 3-ჯერ დღეში. შეამცირეთ მიღება სიმპტომების გაუმჯობესების შემდეგ ან მიიღეთ ექიმის რეკომენდაციით.
​
Kids 0-9-ს კოლიკა ეფექტურად ხსნის გაზებით გამოწვეულ მუცლის ტკივილს, გულისრევას, მეტეორიზმს, შფოთვასა და გაღიზიანებას, აქვს აირების გამოყოფაში დახმარების უნარი. შეიცავს გვირილასა და მაგნიუმს, რომელიც ნერვიული სისტემის ფუნქციონირებაში დასამშვიდებლად გამოიყენება.
​
საგულისხმოა, რომ ჩვილ ბავშვთა კოლიკა ნაწლავთა სპაზმია, რომელიც მეცნიერთა მტკიცებით, სტრესის ფონზე ვითარდება. დედის მუცლიდან უცხო გარემოში მოხვედრა სტრესს იწვევს და ახალშობილებიც სხვადასხვა ხარისხით პასუხობენ მას. ამ მდროს მნიშვნელოვანია ჩვილის დამშვიდება, მოფერება, ნელთბილი აბაზანები, ვარჯიში და „თეთრი ხმაურის“ დახმარება, მანქანით სეირნობის ხმა ბავშვს მუცლად ყოფნის ხმას აგონებს.
​
Kids 0-9-ს კოლიკას მყისიერი ეფექტი აქვს, დღეში 3-4-ჯერ კვებებთან მიიღება. თუ ბავშვს აქვს მწვავე, უწყვეტი ტირილი, ვიყენებთ დარტყმით დოზებს 15-წუთიანი ინტერვალით, კვლავ სასურველია პედიატრის რეკომენდაცია.
​
რაც შეეხება Kids 0-9-ს დამამშვიდებელ სიროფს, ის ხელს უწყობს აღგზნების, ნევროზულობის, მოუსვენრობის, შფოთვის სიმპტომების შემცირებასა და შემსუბუქებას. 0-დან 5 წლამდე ასაკის ბავშვებში საჭიროა ½ ჩაის კოვზი 3-4-ჯერ დღეში. 6-დან 9 წლამდე ასაკის ბავშვებში კი მიიღება 1 ჩაის კოვზი 3-4-ჯერ დღეში.
​
და ბოლოს, აღსანიშნავია ჰომეოპათიური მედიკამენტების ფარმაკოეკონომიკურობა, პრეპარატებს საშუალოდ გახსნიდან 5 წლის განმავლობაში აქვს ვარგისიანობის ვადა და შეგიძლიათ, სიტუაციურად, საჭიროებისამებრ გამოიყენოთ.
​
​დედები ენდობიან - შენ რას ფიქრობ ჰომეოპათიურ მედიკამენტებზე?

R.​

წაიკითხეთ სრულად
გასათიშად დააჭირეთ ESC.