Baby Bag

„არ დაუჯერო მას, ვისაც სხვების დასანახად მილიონების ხარჯვა შეუძლია, მაგრამ საკუთარი ახლობლისთვის პურის მიცემა უჭირს“

„არ დაუჯერო მას, ვისაც სხვების დასანახად მილიონების ხარჯვა შეუძლია, მაგრამ საკუთარი ახლობლისთვის პურის მიცემა უჭირს“
სიტყვა-სიტყვით

ავტორი: პეტრე კოლხი

არ დაუჯერო მას, ვინც ღვთის სიტყვას ქადაგებს, მაგრამ საქმით ბოროტებას სჩადის.
არ დაუჯერო მას, ვისაც სხვების დასანახად მილიონების ხარჯვა შეუძლია, მაგრამ საკუთარი ახლობლისთვის პურის მიცემა უჭირს.
არ დაუჯერო მას, ვინც მკაცრად მარხულობს, მაგრამ ადამიანს ცოცხლად ჭამს.
არ დაუჯერო მას, ვინც მდუმარებაშია, მაგრამ შინაგანად ყველას განიკითხავს.
არ დაუჯერო მას, ვისაც სულიერება მარტო ლოცვის მოსმენა ჰგონია, გულის სიღრმეში კი ყველა სძულს და მხოლოდ შური ამოძრავებს.
არ დაუჯერო მას, ვინც ადამიანებს სიმდიდრის და გავლენების მიხედვით ირჩევს. ის არასდროს იქნება შენიანი.
არ დაუჯერო მას, ვინც მუდამ დაპირებებს იძლევა. გახსოვდეს, ყოველთვის მოგატყუებს.
არ დაუჯერო მას, ვინც ცდილობს თავი მოგაწონოს, სინამდვილეში მოსაწონი არაფერი აქვს, უბრალოდ, სჭირდები.
არ დაუჯერო მას, ვინც სიკეთეზე საუბრობს, მაგრამ საკუთარი ჯიბიდან უმნიშვნელო თანხის გაღებაც უჭირს.
არ დაუჯერო მას, ვინც მარტო ქვის ეკლესიებს აშენებს, მაგრამ სულს გინგრევს და გინადგურებს.
არ დაუჯერო მას, ვინც ვითომ სხვისი მხილებით არის დაკავებული, სინამდვილეში უსაქმურია და ჭორაობს.
არ დაუჯერო მას, ვინც მხოლოდ სიტყვიერად არის მამაცი, მაგრამ გადამწყვეტ მომენტში სილაჩრეს ავლენს.
არ დაუჯერო მას, ვინც სხვას წესრიგისკენ მოუწოდებს, მაგრამ თავად ქაოსშია.
არ დაუჯერო მას, ვინც სისუფთავეს გიწუნებს, მაგრამ დიდი ხანია სიბინძურეში იხრჩობა.
​არ დაუჯერო მზაკვარ ადამინებს!..​

#სიტყვა-სიტყვით #პეტრეკოლხი

შეიძლება დაინტერესდეთ

სიტყვა-სიტყვით

„გადავწყვიტე, კოვიდზე აღარ ვილაპარაკო, ამაზე სხვა „ექსპერტებს“ მიმართეთ, დავიღალე უსამართლო ნეგატივების მიღებით,“ - გიორგი ფხაკაძე

„გადავწყვიტე, კოვიდზე აღარ ვილაპარაკო, ამაზე სხვა „ექსპერტებს“ მიმართეთ, დავიღალე უსამართლო ნეგატივების მიღებით,“ - გიორგი ფხაკაძე

​პროფესორმა გიორგი ფხაკაძემ სოციალურ ქსელში პოსტი გამოაქვეყნა, რომელშიც აღნიშნა, რომ ის კოვიდზე საუბარს აღარ აპირებს:

„ადამიანმა, ალბათ, უნდა მიიღოს და აღიაროს რეალობა.

  • სიმართლე გითხრათ, მე ამ რეალობის არც მიღება და არც აღიარება მინდოდა, მაინც მჯეროდა, რომ საღი აზრი გაიმარჯვებდა, მაგრამ, სამწუხაროდ, საღი აზრი დამარცხდა, , ზოგადად მსოფლიოში, მაგრამ განსაკუთრებით საქართელოში.
  • ჩვენ ყველამ ერთად წავაგეთ. აქ არ არის საუბარი, რომ გიორგი ფხაკაძემ ან რომელიმე ინდივიდმა წააგო. მთლიანობაში ქვეყანამ წააგო.
  • მოგვწონს თუ არა, ეს არის რეალობა. ცხოვრება ასეა, რომის იმპერიაც დაიშალა, საბჭოთა იმპერიაც, საფრანგეთისაც და დიდი ბრიტანეთისაც. ცხოვრება წინ მიდის. ოდესმე ეს მახინჯი რეალობაც შეიცვლება.
  • მე ვამბობდი, ვამბობ და მომავალშიც ვიტყვი მარტო იმას, რაშიც 100%-ით ვარ დარწმუნებული. ვამბობ ამ რწმენის გამო და არა იმის გამო, რომ ვიღაცას რაღაც მოვაწონო ან არ მოვაწონო.
  • თუ ადამიანებს არ სურთ დახმარების მიღება, თავს ზევით ძალა არაა. მე, ერთმა ადამიანმა, საკუთარ თავზე ძალიან ბევრი ნეგატივი მივიღე და გადავიტანე, დაუმსახურებლად.
  • დღეს ქვეყანამ წააგო. წაგებაც უნდა ვაღიაროთ, ქვეყანაში მხოლოდ 190 000 ადამიანია აცრილი. რომ დაფიქრდე, შიშით გაგაჟრიალებს.
  • ყველაფერი ჩანს, ვინ გაყიდა საკუთარი თავი, პროფესია, სინდისი.
  • იმ ადამიანებს მივმართავ, რომ ჰგონიათ, თითქოს მოიგეს, თავისი პოზიცია რომ გაიტანეს. რა მოიგეთ? მაგალითად, ქვეყანაში ერთ დღეში 57 ადამიანი რომ გარდაიცვალა, ეს არის მოგება?
  • ის, რომ დღეში უამრავი ადამიანი გვეღუპება, რომ ანტივაქსერი ექიმები გვყავს, რომ მეცნიერებიდან საერთოდ აცდენილი ვართ და ყავის მკითხავების, ასტროლოგების გვჯერა, ამაზე რომ ვსაუბრობ, მლანძღავენ.
  • ტაშს უკრავენ პანდემიასთან დაკავშირებით, ვიღაც, ვთქვათ, მსახიობების და ჯანდაცვასთან შეხებაში არმყოფი ხალხის ყოველგვარ საღ აზრს აცდენილ გამოსვლებს. ეს არის „სპექტაკლის საზოგადოება“.

    • • თუ დღეს თქვენ ფაიზერით სამჯერ აცრილი არ ხართ, ბოდიში, მაგრამ ეს მხოლოდ თქვენი ბრალია. რაც მე ლაივებში ინფორმაცია მოგაწოდეთ, ფეისბუქ გვერდზე ასობით სტატია, კვლევები დავდე, ათასობით ადამიანს პირადში ინფორმაციები მივაწოდე, ამის შემდეგ საღი გადაწყვეტილება უნდა მიგეღოთ.

  • ქვეყანამ წააგო. ყველანი ვართ ამ დიდ საზოგადოებრივ სპექტაკლში - კოვიდი არ არსებობს, ჯანდაცვა ბრწყინავს, წამლები უიაფესია, განათლების დონე უმაღლესია. კარგი, დავიჯეროთ და ვიყოთ ასე, სანამ „გავქაჩავთ“.
  • კიდევ ერთხელ ვიმეორებ, ყველამ წავაგეთ. თუ ვინმეს ჰგონია, რომ მოიგო, ძალიან ცდება.
  • მთელმა ქვეყანამ, მარტო მთავრობამ კი არა, მოსახლეობამ მიიღო გადაწყვეტილება, რომ ჩვენ პანდემიასთან ომი წაგვეგო და ჩვენ წავაგეთ. მოგებაც უნდა ვაღიაროთ და წაგებაც. ვაღიარებ - წავაგეთ.
  • მე ყველაფერი გავაკეთე, რომ არ ვყოფილიყავით იქ, სადაც ახლა ვართ, მაგრამ რას ვიზამთ. აღმოჩნდა, რომ საღი აზრი საქართველოში პოპულარული არ არის.
  • მაგრამ ყველა იმპერია ერთ მშვენიერ დღესაც ინგრევა, ყველა წაგების შემდეგ არის მოგება. მაინც მჯერა, რომ შემდეგ ჯერზე მოვიგებთ.
  • ამჯერად კი გადავწყვიტე, კოვიდზე აღარ ვილაპარაკო, ამაზე სხვა „ექსპერტებს“ მიმართეთ. დავიღალე უსამართლო ნეგატივების მიღებით.
  • მე ბნელს პირში ვეუბნები, რომ ბნელია. ჩემგან არც პოლიტიკოსი გამოვა და არც რეალობის შემლამაზებელი „საბჭოთა“ექიმი. მე ვარ თანამედროვე სპეციალისტი, რომელსაც მინდა, საქართველოში დაინერგოს თანამედროვე მედიცინა, მაგრამ ეტყობა, ჯერ ადრეა.
  • ამიერიდან ჩვენ ვილაპარაკებთ მხოლოდ საზოგადოებრივ ჯანდაცვაზე და საინტერესო პროექტებზე.
  • მოუფრთხილდით თავს, იფიქრეთ ხვალინდელ დღეზე,“ - წერს გიორგი ფხაკაძე. 
    • წაიკითხეთ სრულად
    გასათიშად დააჭირეთ ESC.