Baby Bag

„რამდენიმე ფრაზა ჩემი მომავალი მოსწავლისთვის... არანაირ ცოდნას არავითარი მნიშვნელობა არ აქვს, თუ არ იცხოვრე იმის მიხედვით, რაც კარგი და სასარგებლო გისწავლია“

„რამდენიმე ფრაზა ჩემი მომავალი მოსწავლისთვის... არანაირ ცოდნას არავითარი მნიშვნელობა არ აქვს, თუ არ იცხოვრე იმის მიხედვით, რაც კარგი და სასარგებლო გისწავლია“

ამის შესახებ ფილოლოგი, პედაგოგი გია მურღულია სოციალურ ქსელში წერს.

რამდენიმე ფრაზა ჩემი მომავალი მოსწავლისთვის:

ცხოვრების სკოლაში ყველაზე სამართლიან და ობიექტურ ნიშანს ადამიანი საკუთარ თავს უწერს - სხვებისთვის შერჩეული ნიღბით სარკეს ვერ მოატყუებ.

შემდეგ ღმერთთან მიდის ამ ნიშნით და მხოლოდ ის წყვეტს, შემდეგ კლასში გადაიყვანოს თუ არა. კლასი სულ ორია. პირველი მთავრდება, მეორეს ვერასდროს დაასრულებ.

ყველა თვითონ არის საკუთარი თავის განაჩენი.

არ უნდა იცხოვრო ისე, რომ მთავარ ზღურბლთან მცირე საგზალი არ მიგყვებოდეს და მხოლოდ უმიზეზო გულმოწყალების იმედი გქონდეს.

არ გაიხადო არსებით საფიქრალად კითხვა: „როგორ ვცხოვრობ?“

ამაზე იფიქრე: „რისთვის ვცხოვრობ?“

მხოლოდ ფიქრიც არ შველის საქმეს, თუ კიდევ ორი რამ არ ახლავს: თქვი და აღასრულე.

და ბოლოს:

არანაირ ცოდნას არავითარი მნიშვნელობა არ აქვს, თუ არ იცხოვრე იმის მიხედვით, რაც კარგი და სასარგებლო გისწავლია.

ყველა ეს ფრაზა თუ შეგონება ისეთივე ძველია, როგორიც ვარსკვლავი ცაზე. უბრალოდ, განგებამ ახლა შენ და მე შეგვარჩია გამგონედ და წარმომთქმელად.

ეს სიტყვები ჩვენს სულებსაც გაივლიან და გააგრძელებენ თავიანთ მარადიულ მოგზაურობას.

შეიძლება დაინტერესდეთ

„საქართველოში, როგორც ჩანს, ფილერების ბუმია... FDA გაფრთხილებთ, რომ ეს არაა პროცედურა, რომელსაც ძალიან მარტივად უნდა მიუდგეთ,“ - ექიმი ნანა გეგეჭკორი

„საქართველოში, როგორც ჩანს,  ფილერების ბუმია... FDA გაფრთხილებთ, რომ ეს არაა პროცედურა, რომელსაც ძალიან მარტივად უნდა მიუდგეთ,“ - ექიმი ნანა გეგეჭკორი

აშშ-ში მოღვაწე ქართველი ექიმი ნანა გეგეჭკორი სოციალურ ქსელში საქართველოში ფილერების პოპულარობას ეხმაურება და გვაფრთხილებს, რომ ამ პროცედურას მარტივად არ უნდა მივუდგეთ:

„საქართველოში,როგორც ჩანს, ფილერების ბუმია. FDA გაფრთხილებთ,რომ ეს არაა პროცედურა, რომელსაც ძალიან მარტივად უნდა მიუდგეთ. კოსმეტიკური პროცედურები აუცილებლად უნდა აკეთონ დერმატოლოგიაში და პლასტიკურ ქირურგიაში გაწვრთნილმა სპეციალისტებმა, ასეთია ამერიკის წამლის სააგენტოს რჩევა. ასევე უნდა გაითვალისწინოთ,რომ ყველას არ შეუძლია ფილერით გაისწოროს ნაოჭები. აქვს უკუჩვენებაც...

სილამაზე ჯანმრთელობის ფასად რომ არ ღირს, ეს მარტივი ჭეშმარიტებაა,“ - წერს ნანა გეგეჭკორი.

წაიკითხეთ სრულად