Baby Bag

„თუ ყოველდღიურად მივიღებთ კვერცხს, მეხსიერება მკვეთრად გაგვიუმჯობესდება,“- ლევან რატიანი

„თუ ყოველდღიურად მივიღებთ კვერცხს, მეხსიერება მკვეთრად გაგვიუმჯობესდება,“- ლევან რატიანი

ტელეკომპანია „რუსთავი 2“-ის გადაცემა „ექიმების“ წამყვანებმა კვერცხის სასარგებლო თვისებების შესახებ ისაუბრეს და მისი დღიურად მისაღები ნორმაც დაასახელეს:

„ქათმის კვერცხის სასარგებლო და საზიანო ეფექტებზე ძალიან ბევრს საუბრობენ. ზოგი ამბობს, რომ ეს პროდუქტი ძალიან კარგია. ზოგი მასში ყვითელი გულის არსებობის გამო ამას უარყოფს, ვინაიდან ეს გული ქოლესტერინს შეიცავს და ამბობენ, რომ იწვევს ათეროსკლეროზის განვითარებას. ამის გამო ზოგიერთი ადამიანი ერიდება მის მირთმევას. ზოგი პირიქით, ცილის ბუნებიდან გამომდინარე ძალიან ბევრს ჭამს. ზომიერი მიღების შემთხვევაში გულიც და ცილაც ადამიანის ჯანმრთელობისთვის სასარგებლოა.

დღეში ორი კვერცხი ის ოპტიმალური რაოდენობაა, რომელიც ბევრი პრობლემის პრევენციაშიც დაგვეხმარება. რა დაემართება ჩვენს სხეულს, თუ ყოველდღიურად ორ კვერცხს შევჭამთ? ადამიანის თავის ტვინში არსებობს უჯრედები - ნეიროციტები. ნეიროციტების მემბრანაზე არსებობს ნივთიერება ფოსფოლიპიდი. ის აუმჯობესებს მეხსიერებას მასში არსებული ქოლინის გამო. ქათმის კვერცხი შეიცავს ქოლინს. თუ ყოველდღიურად მივიღებთ კვერცხს, მეხსიერება მკვეთრად გაგვიუმჯობესდება.

კვერცხი გაგიუმჯობესებთ მხედველობას. ის მდიდარია ლუტეინით. ეს ნივთიერება განაპირობებს მკვეთრ, მახვილ და სუფთა მხედველობას. კვერცხი დიდი რაოდენობით შეიცავს D ვიტამინს, ასევე კალციუმს. ჩვენი ძვლოვანი სტრუქტურისა და კბილებისთვის ორივე უმნიშვნელოვანესია. კვერცხი ის საკვები პროდუქტია, რომელშიც შედის B ვიტამინის ჯგუფის ბიოლოგიურად აქტიური ნივთიერებები, განსაკუთრებით B12, რომელიც უამრავ ფიზიოლოგიურ პროცესში იღებს მონაწილეობას. თუ ყოველდღიურად მიიღებთ ორ კვერცხს, B12 დეფიციტის ანემია მკვეთრად იქნება შემცირებული. B12-ს აკისრია ანტიოქსიდანტური აქტივობის ფუნქცია. მისი დეფიციტის დროს მიმდინარეობს ღვიძლის გაცხიმოვნების პროცესი მეორადად.

კვერცხში შემავალი ქოლესტერინი პირიქით სასარგებლოა ჩვენთვის. კვერცხი ხელს უწყობს წონაში კლებას. ამერიკელი დიოტოლოგები დილით უზმოზე კვერცხის მირთმევის რეკომენდაციას გასცემენ. ასე დღის განმავლობაში შიმშილის გრძნობა უფრო ნაკლები იქნება.

კვერცხი პოსტმენოპაუზის ასაკის ქალებში 18%-ით ამცირებს სიმსივნის განვითარების რისკებს. კვერცხი სასარგებლოა იმ ქალბატონებისთვის, რომლებიც ორულობას გეგმავენ. მასში დიდი რაოდენობით არის ფოლიუმის მჟავა. კვერცხი ანელებს დაბერების პროცესს და კანს ამკვრივებს. ეს არის უახლესი ინფორმაცია კვერცხის შესახებ.“

წყარო: ​„ექიმები“

შეიძლება დაინტერესდეთ

,,როდესაც ბავშვი გვყავს სახლში, ჯობს, რომ ტკბილეული მომზადდეს უფრო ჯანსაღად" - პედიატრი

,,როდესაც ბავშვი გვყავს სახლში, ჯობს, რომ ტკბილეული მომზადდეს უფრო ჯანსაღად" - პედიატრი

,,როდესაც ბავშვი გვყავს სახლში, ჯობს, რომ ტკბილეული მომზადდეს უფრო ჯანსაღად, ანუ რას ვგულისხმობ - ვეცადოთ,  თავისუფალი შაქარი ავირიდოთ თავიდან", - ამის შესახებ პედიატრმა, თაკო კოკაიამ გადაცემაში ,,იმუნიტეტი" ისაუბრა.

,,თავისუფალი შაქარი ნიშნავს საკვებში, პროდუქტში დამატებულ შაქარს. მაგალითად, ხილი, ბოსტნეული თვითონ შეიცავს შაქარს, ამიტომ, გამოვიყენოთ ეს პროდუქტები ბაშვებისთვის ტკბილეულის მოსამზადებლად. თაფლიც კი თავისუფალი შაქრის შემცველია. 2 წლამდე ბავშვებისთვის საერთოდ აკრძალულია თავისუფალი შაქრის მიღება, 4 წლამდე გაიდლაინი საერთოდ არ არსებობს, რა დოზით უნდა მიიღოს ბავშვმა დღიურად შაქარი. 4 წლიდან 6-7 წლამდე, თურმე, სულ 19 გრამი შაქარია დაშვებული, დღიური დოზა. უამრავი რეცეპტი შეიძლება, მოვძებნოთ ჯანმრთელი ტკბილეულის დასამზადებლად".

პედიატრმა ასევე ისაუბრა, თუ როგორ უნდა მოიქცეს მშობელი საკვებისმიერი ინტოქსიკაციის დროს.

,,საკვებისმიერი ინტოქსიკაციის გამომწვევი შეიძლება, იყოს ბაქტერიები, ვირუსები, პარაზიტები და ბაქტერიების მიერ გამოყოფილი ტოქსინებიც. ამიტომ, პრევენცია არის სისუფთავის დაცვა. სამზარეულოში, აბაზანაში არის ქიმიკატები, რომლებიც ძალიან საშიში შეიძლება, იყოს ჯანმრთელობისთვის. ასეთ შემთხვევაში, პირველი, რაც შეიძლება, სახლის პირობებში გავაკეთოთ, არის ის, რომ, იქნებ, კუჭი ამოვრეცხოთ. ასევე, ვიძახებთ სასწრაფო დახმარების ბრიგადას ან გავრბივართ ბავშვთა კლინიკაში, რათა აღმოვუჩინოთ ბავშვს სასწრაფო დახმარება".

წყარო: ,​,იმუნიტეტი"

წაიკითხეთ სრულად